Wednesday, September 2, 2009

كاااااااااااااااااك




قد لا يخفى على بعضكم حقدي الدفين و كرهي البغيض على وانيتات الرقي المنتشره على الخطوط السريعة و الدواوير




و قد سبق لي أن تحدثت في بوست سابق شلون كان ممكن أموت و أدش بشبه و السبه إن الآوادم يقررون إنهم يبون رقي مره وحده و يا يدوس بريك قوي جدامك يا يلف عليك




بالحالتين ممكن إنه يودرك




و يودر اللي وراك بعد




كل يوم و آنا أطالعه من الدوام أشوفهم و أمتعض يعني أتحلطم و أتأفأف و أتمنى لو يشوفونهم البلديه و يفكونا من شرهم




كل يوم أنطر الإشارة تفتح علشان آخذ الخط و أشوف راحوا و لا للحين الجماعة غافلين عنهم




ودائما ما أصاب بخيبة أمل و ينكسر خاطري و ألقاهم ماخذين راحتهم




إشي وانيت أحمر




إشي وانيت أبيض




إشي رقي




إشي فقع




إشي رمان




حتى كلينكس و فوط يبيعون




لوهلة تضن إنك بسوق اليمعه مو الخط السريع




ناقص يجيبون شواذي و طيور و يبيعونهم عالشارع بعد




المهم




اليوم و لله الحمد صوتي وصل و ربي أخذ بثاري




واقفة بالإشاره إلي تنزل على الخط السريع




و وراي دورية




تأملت فيها خير




بس دشينا الخط السريع آنا و زميلتي الدورية




و لا أصحاب الوانيتات يختبون




إشي مداه يشيل بضاعته و يروح




و إشي واحد توهق قاعد يحاسب زبون




و إشي واحد ما مداه يسكر دبة سيارته عدل




و إشي




إشي




إشي واحد نط بوانيته على طول و نسى الرقيه فوق




كااااااااااااااااااااااااااااااااااااااااااااااااااااك




فطست عليه ضحك




إستغفر الله يارب




بدددددددددع




لدرجة إني خذيت يمين وراه بس علشان أصوره




و تالي توهقت و ضيعت




لوووووووول




يمهل و لا يهمل




يمهل و لا يهمل






ملاحظة: الصورة الأولى وأهم توهم بينحاشون و الثانيه أخينا إلى نسى رقيته و مانزلها




6 comments:

ابوالوليد said...

ماسألتيهم على كم الكيلو؟

يمكن تاخذينه ببلاش
:)

رورو الشخبوطه said...

السلام..

عيل انا حرام يكسرون خاطري ..

صح مكانهم خطير بس ماشاءالله رقيهم يشوق ..

والله يعينهم والله يحفظنا يارب ..

واحس الغلط الاكبر من المشتري يقدر يلف بس ع ركاده حتى لو يوصل بعيد عنم يوقف ويمشي اقصد بمكان امان مو بنص الشارع ..

ومشكوره خيتو..

بانوراما said...

مسااكيين شعليج منهم ..

خليهم يترزقون الله

..

ع الأقل يبيع رقي احسن من الي يطرون

joe said...

كااك لاتشوفينهم برميثيه بشارع المدارس وقت الدوامات
ولما يات لهم الدوريه جان يصير فيهم "نحشه ياولااد"
خو خل يبيعون بمكان سنع
ويقولج الرقيه جذي تخترب بالحر

-mate said...

ماكو إلا اتيبيين شوزن واترمين الرقي, يعني فلم أكشن
:P

بالنسبة للموضوع اللي طاف, توني انتهيت من قراءة المواكب لجبران, وهو عبارة عن قصيدة طووووووووويلة فوق المئتين بيت .. قد أكتب عنها في بوست لاحقاً وأنتقد بعض ماجاء فيها, وبالمناسبة عندي أحد الأصدقاء: اسمه جبران واسم ابوه خليل وجده جبران .. ماكو شغل أدري .. تحياتي

Frankom said...

مرة صورتهم فيديو بس مادرس وين راح هالفيديو :(