Monday, September 28, 2009

ندوة اليوم .. التدوين في الكويت

ماني متكلمه عن الندوه


بس في شي لازم صفاة و القائمين عليها يعرفونه


و آنا طالعة من الندوة .. و بالتحديد عند إشارة المرينا


وقفتني دورية


نادوني بالسبيكر مالهم و صفطوني يمين


و خالفوني


مخالفة قيمتها 50 دينار


ألحين بتقولون ليش خالفتج الدوريه


آنا طفت الإشارة الحمرا .. بس والله و بالله مو قاصده


تعرفون الوضع إلي .. هااا ؟؟؟ أمشي و لا أوقف ؟؟؟ إلي قرارك بالحالتين غلط ؟؟؟


إلي تكون مسرع و على حظك الإشارة تقلب حمرا ؟؟؟


هذا كان وضعي


ومن رداة حظي الإشارة إلي يدامي بالتقاطع أول سياره فيها دورية


بس ما انتبهت لها إلا عقب ما طفت


مو دورية صغيره !! دورية جمس بعد


المهم ما علينا


أنا أطالب صفاة إنهم يدفعون مخالفتي


بتقولون ليش ؟؟؟


آنا أقولكم


لأنكم لو تحللون السالفة و تردون لي جذور المخالفة بتعرفون إن صفاة المتسبب الأول فيها و بالتالي وجب على صفاة دفع المخالفة


يعني لو آنا مو مجتهده جان ما رحت الندوة


صح ؟؟


بس آنا مجتهده .. و أحب صفاة .. و رحت علشان خاطرهم الندوة و رديت محملة بمخالفة


بالله آنا جم 50 دينار بمعاشي يعني ؟؟؟


يعني لو آنا مو رايحة و قاعدة بالبيت جان محد خالفني


المهم


آنا أناشد كل إخواني و أخواتي المدونين و المدونات


و خصوصا إلي حضروا الندوه


يساعدوني و ينضمون لي في حملة


إدفعــــها


و بميزان أعمالكم إنشالله


:)



32 comments:

Abdullah said...

نسوي قطيه أوكي؟
وأنا أفتح الباب
ربع دينار
:p

وأهل الكويت ما يقصرون
:D

SHOOSH said...

Abdullah
=========

مابي قطية

إما صفاة و إلا فلا

:)

frankom said...

خمسين دينار علشان طايفة الاشارة ؟
حمدي ربج انها 50 دينار المفروض سجن

SHOOSH said...

Frankom
========

ولييييييييييييييين

قلنا بالغلط

!!!!!

بعدين الإشارة كات برتقاليه محمره

توها ها ها ها قالبه

كاريكاتير said...

انا ارفض هذه الحملة اللي راح تتسبب في هدر المال العام..

انتي الغلطانة والقانون ما يحمي المدونين!!

مناشدة يا شوشو مرة ثانية تعالي بقاري احسن

وعلشان لا تقولين اني بخيل

باجي في بوكي ربع دينار خرده تبينهم ولا اشتري فيهم 5 قواطي سانكيست!!

SHOOSH said...

كاريكاتير .. من قال أبي منك ؟؟ أنا مابي لا منك ولا من غيرك .. أعيد و أكرر أما صفاة وإلا فلا فلا فلا

حاطب ليل said...

حمد الله على السلامه
...

انا قاعد اعطيها كب داير على المدونات ابي اشوف شصار على الندوه

مَـــــعْــــمَــــعَـــــه said...

ماكو شي اسمه مو قصدي اطوف الاشارة والقانون لا يحمي المدونين الله يسلمج ... العقوبه اكبر بالتأكيد ولكن الغرامة خمسين دينار لأنج طفتي الاشارة مو مع سبق الاصرار والترصد

الحمدلله على السلامة

SHOOSH said...

لا حول الله

ألحين كلكم هديتوا سالفة ال 50 إلي أهيا أساس البوست و مسكتولي سالفة الإشارة

!!!!!!


يبا ما طفت الإشاره !! الإشاره طافتني زيــــــن ؟؟؟؟


يا جماعة توها توها قالبه حمره .. يعني نص طوفتي للإشارة كانت صفرة و النص الثاني حمره


الإشارة مطفوقه آنا شكو


حاطب ليل
=========

تبي موجز ؟؟

SHOOSH said...

معمعه
======

يا آسي


يبا لما طفت إشارة التقاطع الي يدامي توها ما شبت


الله يسلمك


:)

فريج سعود said...

انا للاسف ما رحت

جم ادفع ؟

enter-q8 said...

عندك سلف اربع دنانير و ستميه و ثلاثين فلس

SHOOSH said...

فريج سعود
=========

هممممممم

جم عندك ؟؟؟

SHOOSH said...

Enter-Q8
=========

أولللللللللللللله


أربع دنانير مره وحده


:(


ما عندي


تدش جمعيه آنا وياك ؟؟


دينارين إنت و دينارين آنا و كل واحد ياخذ اربعه

دام محتاج آنا متنازله عن دوري

انت تاخذ الجمعيه أول واحد

AseeL said...

شر البلية ... ضحكني :)))

عيل انا وقفت لي اسعاااف ..
كنت صافطة عند ماكدونالد.. قلتلهم قاعدة اتكلم تلفون يعني شتبون؟ تبوني اتخالف بشارع البحر ؟
زين صفطني مشبوهة... الاسعاف شكو؟ .. صج لقافة كويتيين

هذي الندوة موديلها بس تصفط الاوادم بالشارع!!



واضح ان ويه الندوة قبسة عليج
حاربيهم... لا تروحين لهم مرة ثانية

لازم المدونين يسوون لج جمعية ويدفعون مخالفتج

:)

شقران said...

الغالية
SHOOSH

صباح النوير

خطاك السو..والحمدلله إنها على مخالفة وبس


وبكره بنروح لمطقوق نطلب منه يدفع الخمسن
;p


لك مني وافر الاحترام والمودة

EXzombie said...

لو داعمة بنغالي جان قلنامو مشكلة ندفع الخمسين عنج، بس طايفة الاشارة.. هذي فيهااعدام

الصفاة دفع الغرامة، وباجر راح نطلب من المخفر يكتبج تعهد بعدم التعرض لنا

شكرا و تحياتي

الدســتور said...

هههههه
ادفعها

في ظل هالاوضاع
ازمها احسن


تامرين امر

جبريت said...

اولا مو خمسين 250 دينار

ثانيا

المتسبب انتي مو الصفاة لانه انتي الي تحبين تسمعين كلامهم اهم شكو؟؟؟

(محامي الصفاة)

SHOOSH said...

Aseel
======

الإسعاف اهون

الدورية الجمس كان شكلها مريب

:)

SHOOSH said...

شقران
======

الغالي شقران

صباح الورد

:)

المهم ال 50 تندفع

و الأهم إن صفاة يدفعونها

غلطتهم يا أخي

SHOOSH said...

Exzombie
========

أكتب تعهد و ما أكتبش لييه ؟؟؟

:)

SHOOSH said...

جبريت
======

إنت محامي أقشر

SHOOSH said...

أبو الدستور
============

إنت كمان ؟؟؟

:(

ألحين خمسينتي أزمتكم جذي

joe said...

الغلطه منج ماعرفتي تردين على الشرطي
جان قلتي له اطوف اشاره مافيها احد ولا اكع بريك اقلب السياره ويصير شي كبير لاسمح الله

Salah said...

خطاج السو

:)

SHOOSH said...

المباركيه
==========

انت لو شايف شكل الشرطي اللي خالفني جان غيرت أقوالك

:)

SHOOSH said...

Salah
======

خطاك اللاش

:)

Unknown said...

طفتي نص اشارة
يعني المفروض تدفعين ٢٥ مو خمسين
اصلا انتي المفروض ما تدفعين... لانج ما كنتي تبين تطوفين الاشارة
وترى الاعمال بالنيات
وانسي سالفة المخالفة
لا تخلينها عنصر تازيم بينج وبين صفاة

مادري ليش تذكرت الشرطي اللي بمسلسل بوقتادة وبونبيل
انا ما عندي قيمر... وجبن معجف.. وبقصم
الا ليش ما دقيتي على طويل العمر
:)

للاسف انا مارحت الندوة
الشغل ذبحني
انشالله المرة الجاية اكيد راح اكون موجود
الا اقولج. طافني شي؟

SHOOSH said...

Addictioneer
=============

همممممممممممممممم

@alhaidar said...

باد بخت ..

وانا قبل الندوة قلت اروح اكل لقمة توصخت دشداشتي ..

اضطريت اشتري جينز وتي شيرت وابدل بالمحل واحضر ..

أطالب ايضا بسعر الملابس اليديدة والمصبغة للدشداشة مع تعويض عن الضرر النفسي :)

وبصفط يمج لين تتحقق مطالبنا العادلة :))

SHOOSH said...

أحمد الحيدر
===========

أنصحك تعلق دشداشتك يم مخالفتي