Thursday, September 17, 2009

حـــــرب الــدينـاصـــــورات




هل صحيح إن الرئيس التنفيذي لمؤسسة البترول الكويتية سعـد الشـويب .. بره ؟؟




طبعا بره بذرابه




يعني




إما أن يتم تعيينه كمستشار للمؤسسة




أو يحيلونه للتقاعد




أو إنه يقدم إستقالته




طيب .. إنتهاء العقود باقي له سنه .. يعني تو الناس .. ليش الحنه و المناوشات و نشر الغسيل و ترشيح الأسماء مبلش بدري ؟؟؟




هل ممكن مثل ما تناقلت بعض الصحف إن يكون هذا كله حرب إعلامية و إشاعات الهدف منها الضغط على الشويب علشان يترك القطاع لحاله ؟؟؟




و إذا كان الخبر إلي تناقلته الجرايد فعلا صحيح




فمن بعد الشويـــب ؟؟؟




أتـــوقع بعـــد العيــد بتبدى حرب الديناصورات النفطية .. و كل من بيطلع بلاوي الثاني

11 comments:

Frankom said...

قذارة الاعلام
مالك صحيفة مو عاجبه فلان
سب ولعن فيه صبح وليل

والعكس صحيح

illusionist said...

ربعنا يموتون على القيل و القال
و عندهم موهبة في نشر فضايح الناس


ننطر و بنشوف
:)

enter-q8 said...

بنشوف شنو ورانا و يعتمد على الوزير خصوصا ان القيادات النفطية من تيار معيين
كانا قاعدين ناكل حب و البلد معطله تسع ايام

Unknown said...

مع اني مو ذاك اللي بالسياسة
بس بغيت اقول ان الجرايد هالايام ما همها الا الردح
صفحة الوفيات واقطع


طبعا هذا مع احترامي للجرايد

جبريت said...

انتي الظاهر ما رحتي ندوة الشهيد الحي حمد الجوعان

قال اي مكان فيه فلوس قامت قوى الفساد وحطت رحالها في مكان الفلوس بس

بغض النظر عن الشويب ايده نظيفه ام لا انا ما اعرف الريال ولا سامع فيه ولا حتى سامع عنه شي لكن احنا الحين دخلنا في صراع بين قوى فساد وقوى فساد والقطاع النفطي ابو الفساد الاماكن الي تبقت فيها نظافة الايد ثقي تماما انه راح تنترس بالوساخه في ايام لا تتعدى اصابع اليدين

SHOOSH said...

صباح الخير


Frankom
========

كلامك صحيح .. كل واحد أصبح يستخدم أجهزته الإعلاميه لشن حرب على من لا يعجبه

سواء كان من خلال قناة تلفزيونية أو صحيفه

للأسف كل شي شخصاني صار

SHOOSH said...

illusionist
=============

هذي هواية موجوده منذ قديم الزمن

نورتي المدونه

:)

SHOOSH said...

Enter-Q8
=========

أحلى شي بالموضوع كله عطلة التسعة أيام

نحتاج نضبط النومة عقب رمضان .. و خل ربعنا يضبطون أمورهم على كيفهم

حب شنو تاكل ؟؟؟

SHOOSH said...

Addictioneer
==============

منور

الجرايد ما عادت تفرض احترامها نفس قبل

و السالفة صارت حروب شخصيه بين فلان و فلنتان و أسلحتها إما الصحف أو القنوات التلفزيونية و حتى المدونات

SHOOSH said...

جبريت
======

أهلا و سهلا فيك

:)

لا والله ما حضرت ندوة الجوعان

بس كلامك و كلامه مضبوط ألف بالإميه

وين ما وجدت الفلوس و جد الصراع و الفساد

شي طبيعي جدا

حياك

الدســتور said...

قاعد
لا تخافين
بس ناطر وقت انتهاء فترته ولن يجدد له