Monday, September 21, 2009

العيــــد


بشروا ؟؟؟؟


شلــــون كــــان العيـــــد ؟؟؟؟


صليتوا العيد ولا راحت عليكم نومه ؟؟؟؟


بالديره ؟؟؟؟ و لا سافرتوا ؟؟؟؟


والأهم من هذا كله


خذيتوا عيادي ؟؟؟؟


ولا


وزعتوا عيادي ؟؟؟؟


:)


28 comments:

Frankom said...

العيد تعب من بيت لي بيت
والحساب صار على الزيرو

بح خلاص ماكو ولا فلس

NewQ8 Bride said...

العيد و الله خفيف الصراحة ما توقعت جذي
نمت 4:30 و قمت 6
ما صليت العيد الصراحة بس 7:45 طلعت من البيت و 11 خلصت كل البيوت اللي لازم اروح لها :)

احلى شي انه لي الحين اخذ عيادي :) كاسرة خاطر الناس انه ما عندي عيال لووووول و انا الربحانة

SHOOSH said...

Frankom
========
أهم شي تستانس و تونس حبايبك

أما الفلوس فتروح و ترد

عيدك مبارك

:)

SHOOSH said...

New Bride
==========
عليج بالعافية العيادي

آنا محد يعطيني

:(

reemas said...

عيدكم مبارك
و تقبل الله طاعتكم

انا كنت شخري
و صامد بالكويت
و الله يعينا علي طول الاجازه

SHOOSH said...

reemas
=======
أحلى شي بهالعيد أصلا الإجازة

:)

-mate said...

shoosh

ماشالله .. طلعتي إمريشة من ورانا

يللا عليك بالعافية

بالنسبة لصلاة العيد .. انا وصلت طايفتني ركعة .. ييت بصلي الركعة بروحي بس مادري شلون أصلي الركعة. خبرك ركعة صلاة العيد غير

بالديرة
:)

ماكو عيادي ..! ابتلشنا بهالناس,, من قاموا ينادوني دكتور ما شفنه النوط, عبالهم صج صرت دكتور ومعاشي مليون. ماجني على الله ثم على خردة السيارة. يامعودة بغيت أكتب على الدشداشة طااااااااااااالب وما أشتغل وأستقبل العيداي .. يعني مثل أستقبل المهنئين. والياهال عيدتهم كل واحد على نص قاموا يخزوني مو عاجبهم .. مال طراقات مو عيادي
:P

قوليلنا شنو مشروع العيادي؟
:)

SHOOSH said...

i-mate
=======
الحال من بعضه

:)

آنا بعد محد عطاني شي

إلي بالصورة هذيل العيادي إلي وزعتهم
يعني بيزاتي إلي طارت

هذا صادر مو وارد للأسف

:)

SHOOSH said...

لووووول

أعتذر

-mate

مش

i-mate

مادري وين جبت الآي

:)

Salah said...

عيدكم مبارك وعساكم من عوادة

enter-q8 said...

لا تسالين الرصيد يفشل
لا و الحكومة منزله المعاشات بدري يعني يا كثر الكويتيين اللي بيلعنون الفيزا اخر الشهر على الرهات

كل عام وانت بخير و عساك من عايدينه

رورو الشخبوطه said...

السلام..

عيدج مبارك ..

وتقبل الله طاعتج..

انا ماخذ عيادي بس لي عطوني اكيد باخذ خخ ..

واول مره يصادف عيد وعندي معاش لو ادري جان استقلت :)

ماعطيتهم مادري جم اعطي عندي خوات 2 وحده17 وحده 20 وولد اختي اقل من سنه..

وبس ..

كل عام وانتي بخير..

Unknown said...

انا حصلت من الوالد والولدة ما مقداره عشرون دونار فقط لا غير
وباجي الاهل محزرين علبنه كبرت
:)
قلت الحمدلله نعمة
فيها مسرحية طارق العلي وعشا

-mate said...

كله واحد, افا عليك. دام انك تقصديني قولي اللي تبين
:)
بس انا قاعد افكر اشتري بلاك بيري مو آي - ميت. وأبي عيديتي
:P

الدســتور said...

عيدج مبارك
و كل عام وانتم بخير

وين تروح على النومة
لا قزرتها سهر ليه بليل
:)

SHOOSH said...

Salah
======
عساكم من العايدين و الفايزين

SHOOSH said...

Enter-Q8
=========
عندنا و عندك خير

هذا شهر القحط

:)

و لا عزاء للماستر و الفيزا

SHOOSH said...

رورر الشخبوطه
==============

لو أدري جذي السالفة جان ما توضفت كلش

عطي اليهال اللي تقدرين عليه

انتي و مدة إيديج

المهم تونسينهم

وكل سنه و انتي بألف صحة و عافيه

:)

SHOOSH said...

Addictioneer
=============
عليك بالعافيه ال 20

:)

SHOOSH said...

-mate
=======
البلاك بيري عجيب

أنا البلاك بيري مالي انكسرت شاشته أول أمس

:(

من جذي تفكيري بالموبايلات و كتبت إسمك

i-mate

:)

SHOOSH said...

أبو الدستور
============
إسكت ياخوك

النومه عفسه

الله يعينل لما بنداوم

Mr. Solutions said...

عيدج مبارك
اليوم الاول كان لويه من بيت لى بيت بي عده على خير الحمدالله وطبعا العيادى كانت هى عريف العيد
ودمتم سالمين

SHOOSH said...

Mr.Solution
=============
أيامك سعيده

:)

YusuF.AsKR said...

هههههههههه

أي عيد و أي سعيد

أول يوم كنت سهران لي الصبح و سلمت على الوالد و الوالده و نمت و قعدت بالليل و رحت المقهى !

ثاني يوم قمت ادقدق تليفونات و اعايد على الناس أحسن من الفراره على الدواوين !

بس خلص العيد السعيد !

و

كل عام و انتي بخير

جبريت said...

والله العيد طيب الصلاة راحت علي انا كل صلاة عيد رايحه علي مادري ليش


اما العيادي انا ما اعطي بس اختي العوده ما قصرت لاحتني ب40 دينار طيبين اسلك حالي بيهن هاليومين

على ما الوالد يرد من السفر يلوحني بعيديتي وبلا انطر معاش بلا بطيخ لووول

كاريكاتير said...

معظم الاهل والاقارب مسافرين او منحاشين للشاليهات والبقية نايمين وقليل منهم نطرنا مجاملة في بيوتهم مع قلاصات العصير والكيك!!

كوني صرت اب من 5 اشهر صار لازم علي اوزع العيادي والشهادة لله بنتي كفت ووفت حصلت مبلغ حلو تحول لحصالة الاجيال اللي انا الوحيد اللي اقدر اتصرف فيها@@

اجمل ما في هذا العيد ان بنتي فطوم كانت ملح هالعيد كاشخه معانا

Take Off life‘ said...

lol, when i first saw the picture i said, why she putted the happy face b3den fahamt. ;p

it was good, i was out of the country in istanbul, humm o 3al 9alat sadly i didnt walla :(

o 3yady madry ma7eb a5eth ella my omy o oboy o my grandma! :D

btw; nice blog, i like it. :)

إنســــــــــــــان said...

مررت بمدونتك الجميلة وكانت ممتعه للغاية
بالتوفيق ولي عودة بإذن الله
تقبلي صادق الامنيات بالتوفيق