Sunday, May 2, 2010

ليـــش ليـــش ليـــش يــا جــــاره


:)


جتني ضحكه ما أدري ليش


:)


المهم .. قسما عظما اللي يقولي حمدي ربج يا ويله


:)


آنا حامده ربي مليون مره .. رجاءا إخواني و خواتي البلوقريه .. لا نصير مدرسين دين و فقه على روس بعض .. فجأة الكل قام يفتي بالدين


فجأه الدنيا كلها يا ســادة يا شيــوخ دين


المهم


خــلوني بعيد عن السيــاسه و الإقتصــاد لأنهم مو مجــالي


بوست اليوم من وحي و إلهام الجو الماطر اللي اهو بحد ذاته بوست


لطالما كنت اتساءل .. و أراود نفسي .. ليش مطرنا غير ؟؟


أولا: مطرنا عبيط


ينزل فجاه و بكيفه متى ما قرر .. صبح .. مسا .. صيف .. شتا .. ينزل و بس


ثانيا: مطرنا فيه إنفصام شخصيه


فتــــــارة غزيــر و يصب صـــب و عقب دقيـــقه مــاكو شي


ثالثا: مطـــرنا وصخ و لووونه أسود


ما عنده شغــل غيــر إنه يوصخ السيايير و الحيشان و يمشي .. يا ساتر .. أمي حاشها الديسك من كثر ما تغسل حوش بيتنا


رابعا: مطــرنا ريحته تراب


يعني مطرنا رمل بس في الحاله الســائلة


خامسا: مطــرنا عنيف و وحشي


غالبا ما يسبب الزحمه و الحوادث في الشوارع و الخرير في البيوت .. بعيد كل البعد عن الرومانسية و إلهام الشعراء في الأجواء الماطره الهادية


سادسا: مطــرنا مــاله فايــده


فلا أشــوفه يطهــر الأرض .. و لا يسقي الزرع .. و لا ينفع لشرب .. تراب تراب


ســـابعـا: مطـــرنا لوتي


فبدل ما إنه يغسل الأرض و الجو من الامراض و الفيروسات .. يجيبهم لنـــا


ثــامنا: مطــرنا مــاله و ظيفه حسيــه


يعني حتى المزاج ما يعدله


تاسعا: مطرنا دمــه خفيف


يخرب شعــر البنات .. يلــزق هدوم الاوادم .. يوصخ الدشاديش من تحت .. لوووول يمسخر الناس


عاشرا: مطــرنا مجرم


يخرب مواعيد الناس .. شبكات التلفون تعتفس .. المسجات ما تروح .. الستلايت مادري شيصير فيه كل شوي أحد صاعد السطح يعدله


أكشــن أكشـــن


يالله كله خير


طين مو طين يالله .. مطر عالأليــــله


و العنــوان ماله شغل بالبــوست .. بس هالإغنيــه معلقه بمخي صــار لها أربع أيام


و زعـــلانه إنتي عليــــنا ما تردين الزيـــاره ؟؟

31 comments:

Sami said...

مطرنا خير و بركه ..الحين اهو ما يمرنا الا بسنه حسنه ..و طايحه فيه زف و تطنز

خطاج السو

أبوفلان said...

حمدي ربج :-) ههههه

Deema said...

تكفين الاودام يدورون العلثة، أو أي سبب حق المشاكل اللي بالديرة، أول يقولون كله من الحسد، ألحين أشكره -و الفضل لشوش- بيقولون كله من المطر

:)

joe said...

تخيلي هالمطر بشرق اسيا او اوربا تشوفين البنايات وراها جبال الرواسي و الغيم الي يبين مو مثلنا يطق مطر بس مايبين غيم بره الكويت فجأ يطق مطر تشوفين الناس فتحت المظلات و بس يوقف الناس كلها تصكر و الناس كلها تمشى بهالجو الحلو منظره حده انما ايييه

الزين said...

مطرنا يشبه مجتمعنا

بكل المواصفات اللي ذكرتيها

وبلاش زعل

:$

aL-NooR . said...

عاد انا حبيت المطر اليوم
:)

شفيج عليه
:(


*****************

why me said...

مطرنا يخرب أم الكشخه

رايحه الدوام ويا ويهي كاشخه بدلتي أبيض ورمادي


بنطروني صار طين


مطين


لووول



مطرنا خسبقنا الله يهداه

جبريت said...

بعد زين حاصل لنا مطر نتحلطم عليه؟؟؟

غيرج مو لاقي يا شوش

بعدين اي ماكو سياسه انيت من قلتي يطق المطر وتصير حوادث هذا اتهام مباشر لوزير الداخليه وقلتي التلفونات مادري شيصير فيها هذا اتهام لوزير المواصلات يعني لازم نستجوب رئيس الوزراء عبالج انا مو فاهمج انا اقرا ما بين السطور ايييي انتي تبين تطوفين حكم بس علي انا ما تطوف.

انفع اشتغل رقيب بمراقبة المدونات؟؟؟

لانه بيني وبينج شايف نفسي قادر على تلفيق التهم غصب طيب

SHOOSH said...

Sami
====

خطاك اللاش

أحد قال لك إني داعمه ؟؟

:)

SHOOSH said...

أبو فلان
========

و بعدين يا أبو فلان ؟؟؟

SHOOSH said...

المباركيه
=========

اسمحلي

ما أقدر اتخيل

أتعب

SHOOSH said...

Deema
======

دام فيها فضل

فأنا ما أمانع

:)

SHOOSH said...

الزين
=====

الله كريم الله كريم


:*

SHOOSH said...

al-NooR
========

موصخ سيارتي

SHOOSH said...

why me
=======

عيل البوست إهداء لج

يا أم الرمادي

SHOOSH said...

جبريت
=====

أضحك الله سنك يا أخي

:)

ضحكتني

تنفع تنفع

ShaymoOona said...

لاء مو صج مطرنا مصخرنا تمصخر
اصلا كلما اغسل سيارتي اطق مطر او اصير شي بالجو يعتفس و الله مره خليتها اسبوعين تقريبا وصخه بس غسلتها جان اصير عافور :@ ليش هالحقد ماادري

Cesc said...

انا قايل حق سيارتي شوفي شهرين ماكو لا غسييل ولا تكشيخ ولا قز ولا شي بسبه هالجو الي يستهبل استغفر الله
مرا مطر شوي غبار شوي شمس شوي هوا
جنه واحد يلعب بالريموت استغفر الله


ان صار فيني شي ياويلج LOL

وبالاخير
الحمدلله الحمدلله على كل حال

eshda3wa said...

I HATE THE RAIIIN!!

فريج سعود said...

وانتي كلا تتحلطمين ؟

صكيي علي

SHOOSH said...

shaYmoOona
===========

آنا سيارتي أغسلها بالسنه مره

SHOOSH said...

Cesc
=====

و انا مالي

!!

*surprised face*

SHOOSH said...

eshda3wa
=========

me 2

SHOOSH said...

فريج سعود
==========

صكيت عليك من زمان و خلصت

:)

دستورنا سورنا said...

المطر نعمه
المطر نقمه
ايهما اصح

سلة ميوّة said...

الله يعافيج كل هذا بمطرنا؟؟؟


واللي يسلمج لا يسمعج المطر
ويطلب كادر!




مسا الفل

mimi said...

eee wallah ya 7oby,,
kel kalamech sa7 100%
w heela ya rumanaaa
shoshoty za3lanaaa,,w el3ataba gazaaaz w elsellem naylo fe naylooooo,,,,,hatha elly fe baly al7en :)
:***

الوتيــــــــــن said...

ويه يا شوش .. اللي يشوفج يقول الجو لندني .. يعني على جونه زين بعد نزل مطر .. صج انه مطر يضيق الخلق وسرايات وجأة شمس !!!! الموضوع غريب شوي .. بس يتم مطر العوض ولا القطيعة .. صج انه فيه كل الصفات اللي قلتيها .. بس تراه طهور من رب العالمين وفيه مصايب لناس .. كل حسب يزاه

بس ستل يضيق الخللللق

مساء الورد والديمة هههه " أخاف ديمة"

Her said...

lol ana ma gemt a3'asel sayarty le2ana theres no point!

Safeed said...

مطرنا له رسالة وحدة: من قالكم تشترون سيارة سودة؟

Mariam B.D_Q8 said...

ماسمعتي باللي يقول
هذي الكويت صل على النبي
على شي اتعرفين ان احنا غير عن البشر ;)
هذا واحد من اقوا اسباب اللي يخلينا انشوف عمرنا
لان حتى مطرنا او جونا ماتحصلينا اب ولا ديره بالعالم
والله يديمها نعمه علينا يارب