Friday, May 21, 2010

شوش و البرود كاست مسج


ان أدش مكتب و ألقى شخص يحوس بين البلوقات و فاتح مدونتي و يقرى فهذه تصير


ان أفتح الوطن أون لاين و ألقى بوست من بوستاتي محطوط بالصفحة الرئيسية فهذا يحصل وايد


ان ادش منتديات و ألقى إنهم ناقلين مواضيعي و حاطينها عندهم فأيضا هذي تصير


لـــــــــــــــــــــــــكن


ان اصحى من النوم وألقى بوست من بوستاتي واصلني على طريقة برود كاست مسج فهذه جديده


صدقوني أعزائي القراء .. كانت أول مره أصحى من النوم وقافي .. يعني وقفت على طول ما مريت على مرحلة القعده فوق السرير من كثر ما استغربت و مت ضحكا بنفس الوقت


مت ضحكا حتى كدت أن أمووت صج


كانت تعابير وجهي تقول جمله وحده


إشــــــدعوا عليــــــــكم


يا ربــــــــــــــاه


مابي أنغر والله مابي


عن جد .. ما كنت أدري صراحة ولا حتى أتصور إن ممكن الناس تحب بوستاتي لدرجة إنها تنقلها


حتى صار ودي أستعبط و أرد أنزل بوست الشعر اللي كتبته مره .. جني مادري يعني .. يمكن ينقلونه بعد و يشوفه رويشد ولا راشد اماجد و يعجبه


ولا فايز السعيد يلحنه لي


إحمدوا ربكم إني متواضعه و ماقلت فيروز مع إني أدري انها بتموت و تغني خليجي


بس جماعة البرود كاست الله يهداهم لو حاطين عالأقل عنوان المدونه جان أحسن .. رفرينس عالأقل


يالله يالحبايب .. مشكووووورين


المهم .. أبي أتعلم فارسي .. شلوووون ؟

35 comments:

سلة ميوّة said...

انا انقثيت!!!

يعني بوق أشكره!!!

الواحد هالأيام لازم يسجل حتى فكرته بإسمه وإلا تروح عليه!!!!

ياربي عيزانين يفكرون؟؟؟

ويوم انقلو ماعرفو يحطون على قولتج رفرنس!!!


اوووف البوق اهني حلاّلي...
متى ربعنا يصيرون أوادم..!!!

رفعي قضيه عليهم:)



شي ينرفز...
ياخوفي باجر ينقلون حتى الردود ويسونها برود كاستنج...
بعد ناس فاضية ماوراها شي


مسى الخير

Enigma said...

testahlain :**

it was a classic post !

3bd said...

انتي مميزه شوشه
عادي تقدرين تقولين هذي ضريبه الابداع والشهره
:P

الجودي said...

صباح الخير

عاد تدرين أنا توه واصلني البرود كاست بوست الطيارة و أول ما شفته قلت للي معاي هذا مأخوذ من مدونه أنا قاريته و وريته إلي وياي و جد استغربت بس بنفس الوقت ما أدري فرحت إن في ناس تقرأة و يعجبها و تنقله بس فعلا يزعج إن ما ينحط ريفرنس

ممممم

أقول ترى وديع الصافي في حيل يغني لي الحين يعني ممكن يعجب في الكلمات و ياخذهم جربي
;)

fatto said...

انا استانست وياج :)
بس سؤال : شنو يعني البرود مسج ؟؟؟ اول مره اسمع عنه

مركبنا said...

لووووووووووووول

امس طالعه مع بنات جان يقرونة ميتين من الضحك تصدقين احتريت ليش الى ناقلة ماقال شوش ..

حبيبتى قمنا بمقام المتحدث الرسمي عن مدونتج وعرفنا فيها وبجهودها الجباره في كشف خبايا المجتمع الكويتي (= وجهودكم الاصلاحية في رسم الابتسامه على وحه المدونات بعض موجة الاحباط النيابي (=

وعاشت شوش

SHOOSH said...

سلة ميوة
=========

اي والله

أفكاري بدت تروح علي

لاوم ينزل قانون يخصوص الرفرينس

SHOOSH said...

Enigma
======

7abeebty enti :*

SHOOSH said...

3bd
====

أخجلتم تواضعنا المخجول فطره


:)

SHOOSH said...

الجودي
======

آنا فرحانه بعد إن الناس تحب بوستاتي

واذا عندج واسطه .. وصليني ل وديع

:)

SHOOSH said...

fatto
=====

كيد ما عندج لاك بيري


الحمدالله إنج سألتيني ما سألتي أحد ثاني


:)

SHOOSH said...

مركبنا
=======

وعاشت مركبنا


:)

جبريت said...

تبين اعلمج سنكريتي احد اللغات الفارسيه القديمه الي لا زالت تنطق الى يومنا هذا؟

اول بوست اقراه منج مافيه تحلطم كالعاده شالطاري؟

إكسير الحياة said...

ما استغرب انتشار مواضيعج
بصراحة تستحق المتابعة وتصلح نختصرها برسائل اس ام اس بعد

متابعين بقوة

mimi said...

loooooooooooooooooooooooool
wallah lama we9alny elbroadcast gelt shoshoty betyen
loooooool

why me said...

ممكن توقيعج



;p

SHOOSH said...

جبريت
====


إي أبي


:)


أتحلطم ما أعجبكم

ما أتحلطم ما أعجبكم


شلوووون يعني ؟؟؟

SHOOSH said...

إكسير الحياة
===========


شكرا جدا جدا لكم و لمتابعتكم


:)

SHOOSH said...

mimi
====

wa9el lech enty b3ad w ma etgooolen le ??????



:@

SHOOSH said...

why me
=======


أو ي أوي

:)

جبريت said...

سنكريتي يعني كندري

اعلمج ليش ما اعلمج جم تدفعين على الساعه الوحده؟؟؟

Ni3man said...

Salam .. ebda3 ya shoosh wallah ga3adt agra a'3lab al postat al qadema .. in sha allah ma t6awleen 3alena eb ay shay yedeed men ebda3atich

Mariam B.D_Q8 said...

لوووووووووووووووووووول
لا يا شوش لا تسكتين قوليلهم حقوق الطبع محفوظه :p
بصراحه يا شوش المفروظ لج عامود بكل الجرايد والصفحه الاولى بعد لأن انتي اللي مونستنا ومهونا علينا الدنيا :)

Her said...

lool testahleen 7abeebty damech 3asal:D
3ad sewalef el bog 9arat ashkara chenhum ma yadroon ...5ale9at el mwathee3 w gamaw yetsalefoon bedoon ethen 7ata:p

SHOOSH said...

جبريت
====


شنو كندري ؟؟؟


أبي فارسي فارسي ما يفهمونه إلا اهل فارس


!

SHOOSH said...

Ni3man
======

mashkooooor wayed wayed 3la kalamek el 7elooo


:)

SHOOSH said...

Mariam B.D_Q8
==============


اللللله يا مريم


عامووووود مره وحده


:)

SHOOSH said...

Her
===


enty el 3asal wallah

:*

جبريت said...

واهل فارس مو الكنادره مثلا؟؟؟؟

لما تقولين فارس يعني كنادره بس واشكنانيه ولار

أحمد الحيدر said...

تبين الصج ؟ بدعتي بالموضوع .. تستاهلين .. بس لو حاطين عنوان المدونة الله يهداهم :)

فارسي نا ميدونا ؟ :P

SHOOSH said...

جبريت
=====

شدراني

!!

آنا لاني كنجريه ولا أشكنانيه ولا لاريه

:)

مادري الأخيره عاد صح ولا غلط

SHOOSH said...

أحمد الحيدر
===========

نا ميدونا


:)

fatto said...

ااه اوكي :)

Anonymous said...

لووووووول
هههههههههههههههههههههههههاي
تصدقين عاد كنت ناويه اخذ من عندج جم فكره وادزهم برود كىست حصري
بس مآدري اول كومنت كىتبه بوق
شدعوى يبى شنو بوق مىبوق بالعكس والله راح تنشهرين وماعليج من الحسآد اللي العالم ما تفتكر في بلوقآتهم
انتي مآشالله عليج صرتي من المشآهير
وماظنتي له دآعي هذي فلانه اللي كاتبه في البلوق مالها هالحجي وحنا خذيناها
مو تروح تشوف اللي يبوقونا عيني عينك وينصبون علينا
بكل مكآن
وحنا مستآنسين ونضحك لهم
لا يامعوده تكفين ردج محد يبيه
لووول كىتبه باخر الكومنت ياخوفي باجر ينقلون الردود
والله واثقه هالميوه
اقول شوش السموحه خيتي
على ملاقتي
بس سآاعات تلاقين ردود تخليج تنغثين غصب وتنسين الموضوع الاصلي اللي داخله عشانه وتحطين راسج الرد اللي انرد عالموضوع

كل وجهاتي ضياع said...

لووووووول
هههههههههههههههههههههههههاي
تصدقين عاد كنت ناويه اخذ من عندج جم فكره وادزهم برود كىست حصري
بس مآدري اول كومنت كىتبه بوق
شدعوى يبى شنو بوق مىبوق بالعكس والله راح تنشهرين وماعليج من الحسآد اللي العالم ما تفتكر في بلوقآتهم
انتي مآشالله عليج صرتي من المشآهير
وماظنتي له دآعي هذي فلانه اللي كاتبه في البلوق مالها هالحجي وحنا خذيناها
مو تروح تشوف اللي يبوقونا عيني عينك وينصبون علينا
بكل مكآن
وحنا مستآنسين ونضحك لهم
لا يامعوده تكفين ردج محد يبيه
لووول كىتبه باخر الكومنت ياخوفي باجر ينقلون الردود
والله واثقه هالميوه
اقول شوش السموحه خيتي
على ملاقتي
بس سآاعات تلاقين ردود تخليج تنغثين غصب وتنسين الموضوع الاصلي اللي داخله عشانه وتحطين راسج الرد اللي انرد عالموضوع