Tuesday, May 25, 2010

الكويتيووون في الشـــارع


دايما على باله اللي حوالينه بالشارع يعاندونه .. يخسي ما يطوف قبلي .. أخاف بس بخليك تلف .. ترك من ألحين لي باجر .. يحليله الكويتي .. نيته غالبا صافيه


ما يدور عنده ممنوع و ما يصير .. منوع تلف .. يلف .. شاف ماكو أحد بالدوار قلبه يو تيرن .. من له خلق يلف 360 درجه .. ماكو لفه .. دبر عمره و صعد رصيف و نزل بالشارع الثاني .. يحليله الكويتي .. شــقــٌردي


الكويتي كبير السن ما يعترف بإشارة السيارة .. لي بغى يلف طلع إيده من الشباك وأشر لك .. يحليله الكويتي .. إنسان عملي


اذا يبي يلف و الشارع اللي بينزل فيه زحمه و السيايير ما توقف ومحد راضي يطوفه .. يحذف سيارته عليهم علىشان يوقفون غصب .. يحليله الكويتي .. فــــــداوي


يا يمشي 140 بالحاره اليمين .. يا 80 بالحاره اليسار .. لا و إن تركت له علشان يوخر يطق لك إشاره يسار .. يعني روووح مووت ماني موخر .. يحليله الكويتي .. إنســان متفهـــــم


الكويتي المراهق .. الجو حلو .. الجو غبار .. الجو حار ما يهمه .. ينزل الجامه ويرفع ريله و يطلع صبع ريله الكبير من الشباك .. يحليله الكويتي .. مــــزاج


الكويتيه الشابه .. غالبا ما تظن ان اللي يمها قاعد يغازلها و يتحرش فيها .. يا يبه مسكره الباب على تنورتج .. يالطيبه التاير فاش .. مالك أمل .. تطالعك من فوق لي تحت و تلف راسها .. يحليلها الكويتيه .. ثقـــــه


من هواياته دوس القطــــاوه .. يعجبنــــي الكويتي .. دمــــــوي

32 comments:

عراب الدستور said...

حلو الزحمه بالكويت
واحلى شي ان كلنا شوماخر
و كلنا فرناندو الونسو

Anonymous said...

ما خليتي الكويتي

لا بالسما ولا بالارض

يبتيها ييب (:

Her said...

loooooooool 9ajja walla

فريج سعود said...

احنا الكويتيين شغل عدل

في كل شي

عينا علينا باردة

why me said...

الكويتي المراهق .. الجو حلو .. الجو غبار .. الجو حار ما يهمه .. ينزل الجامه ويرفع ريله و يطلع صبع ريله الكبير من الشباك .. يحليله الكويتي .. مــــزاج



===


LOOOL



هالفقره اقتلتني



انتي اللي عسل وعجيبه


:))



صباحج ورد يا عسووله

جبريت said...

يحليله الكويتي اذا شاف جدامه زحمه بطل له حاره يديده بحارة الامان

يحليله الكويتي لي شاف رفيجه بشارع زحمه يحلاله السلام بالشارع ويخلي الامه كلها واقفه عشانه اهو ورفيجه


والله يحليلنا

SHOOSH said...

صباح الخير

طول الليل أعاطس

خذيت حبة حساسية و ألحين يالله أرفع راسي

منو فيكم داعي علي

:)

عراب الدستور
============

ماكو شوماخر بالكويت غيري

:)

SHOOSH said...

Anonymous
==========

لووول

آنا مالي شغل


ىنا أنقل وجهات نظر و ملاحظات شخصية

أكرر

شخصية

SHOOSH said...

Her
===


:)

SHOOSH said...

فريج سعود
==========

عينا علينا بارده


و عينك إنت بالأخص علينا بارده


:)


و أكيد شغل عدل


من قده الكويتي ؟؟

SHOOSH said...

why me
======

صباحج خير

:)

aL-NooR . said...

مت مت من الضحك :)

100%
بنشوفبوستج
بالايميل
&
البلاكبيري
;p

طموحة مملوحة said...

لوول تذكرت مادة الصناعي كانت تقول لنا المدرسة دايما انتو الصح والناس غلط حتى لو انتو غلطانين لا تعترفون @@
خلكم ملوك الشارع لوووووول موصاحيات مدرساتنا والله

أبو الدســتور said...

الا دفاشة و ماكو صبر

Ni3man said...

LooooL wallah yebteha 3al jar7 .. ana a9lan kel ma ba6la3 men al bait y'6eeg '7elgi .. loya bel shari3 chenna nascar !!

Anonymous said...

اللي صج صج ينرفزني لمن سيارة تمشي على 80 في حارة اليسار

وآنه بدوس والأخ يمشي على بيض

يعني اسمها حارة السرعة

بتمشي على بيض روح حارة اليمين خو

والله ينرفزون

MSMAAR said...

loooool

امممم عادي انا دايما اسويها بس لاتمريين صوبي صراحه محد يطوف غصب

coïncidence said...

looool

Abdullah said...

فكرة جميلة وبوست اجمل

ولكن لها تكملة عزيزتي

يعجبني الكويتي لانه ... مايق

يعجبني الكويتي لانه ... يشيل بلاك بيري وآي فون ويتكلم عن العدالة الاجتماعية ؟؟؟

يعجبني الكويتي لانه يصيح بالفقر وبالويك اند نشوفه في بيروت او شرم الشيخ

يعجبني الكويتي لانه فهم الديمقراطية انها سب وشتيمة وبس

يعجبني الكويتي لانه يعتقد انه جنسه فوق البشر وكيفه بفلووووسه ؟؟؟

يعجبني الكويتي لانه يشوف له حقوق لكن ماعنده واجبات ؟؟

يعجبني الكويتي لانه يدوس على ام القانون بواسطته ويطبق القانون على غيره

يعجبني الكويتي لانه لما يسافر على الكويتيه جنه قاعد في صالة بيته

يعجبني الكويتي لما يصوت حق نفس النواب من 30 سنة ويتأفف من سوء اداء مجلس الامة ؟؟؟

يعجبني الكويتي لما يعاير الناس والشعوب بالمساعدات ؟؟

يعجبني الكويتي لما يقعد كل يوم بمطعم وقهوة "كشخة" واخر الشهر يتسلف عشان بنزين سيارته

يعجبني الكويتي لما يوقف عند الاشارة ويتلفت ويخز


ويعجبني الكويتي لانه كويتي
:)

أحمد الحيدر said...

بدعتي .. بس عندج اكثر من جذي :)

نبي جزء ثاني :))

SHOOSH said...

aL-NooR
========

انشالله عاد حاطين لنك المدونه

:)

SHOOSH said...

طموحه مملوحه
=============

ملوووك عاد

أكييييد أبلتكم كانت كويتيه

يحليلها . راهيه

SHOOSH said...

طموحه مملوحه
=============

ملوووك عاد

أكييييد أبلتكم كانت كويتيه

يحليلها . راهيه

SHOOSH said...

أبو الدستور
===========

إشدعوا عليييييييييك

:)

SHOOSH said...

Ni3man
======

ar7eb ar7eb :)

SHOOSH said...

anonymous
=========

أفا عليك بس


لا تخلي شي ينرفزك


خصووص بالشارع


ترك له


ما حرك طق له هرن


ما حرك ادعمه شوي دزه يمين


الحياه سهله

SHOOSH said...

MSMAAR
=======

أحذف سيارتي عليك

SHOOSH said...

coïncidence
===========

انت لووول


:)

SHOOSH said...

Abdullah
========

جمييييييييييل جدا

:)

منورنا

SHOOSH said...

أحمد الحيدر
============

حاضرين


:)

ShaymoOona said...

LOOOOOOOOOOOOOL
موصج كلامج عين العقل

mimi said...

looooooooooooooooooooooooooooooooooooooooooooooooooooooool