Sunday, May 16, 2010

الكويتيووون في الطياره



لازم ياكل بالمطار .. عاد حزة وجبه .. مو حزة وجبه .. لازم ياكل .. يحليله الكويتي مداري روحه


ضروري يشتري شي من المطار حتى لو كاكاوه .. يحليله الكويتي ما يبخل على روحه


آخر ناس يدشون البوابه .. الكل يدش قبله .. يحليله الكويتي ما يحب الزحمه


يستعبطون على ضباط الأمن .. يعني يطوف تحت الجهاز بساعته و حزامه و تلفونه على أبو إنه ما يدري .. آملا في إنهم يطوفونه وما يفصخونه اللي لابسه .. فقير الكويتي ما يعرف


اذا كانوا عايله .. فاللويه حدث ولا حرج .. اليهال يتناجرون .. الأم تزف الخدامه .. الأبو يركض سابقهم بعشر أمتار جنهم مو معاه .. يحليلهم والله .. من جوهم العام تدري انهم كويتيين


الكويتي اللي يعتبر خوش كويتي .. يدش الطياره ربع ساعه قبل الإقلاع .. يحليله الكويتي المهم انه دش الطياره


ساعه على ما يتذكر بأي مخبه حاط البوردينق .. و على ما يجر جنطته بالطياره .. و يدش يقعد يبيله قرن .. و يكون بمحض الصدفه صار وراه لاين أوادم ينطرون حظرته يقعد .. يحليله الكويتي منظم


نادرا ما يعترفون بالحزام .. بو دشداشه يخاف تتعفس .. اللي معاها ولدها مالها خلق يستعسر عليها فتفضل انها تمارس كل الحيل لخداع المضيفين اللي دايما دايما يصيدونهم .. يحليله الكويتي يموووت على النظام


بس يقول الكابتن بنبدى الهبوط التدريجي الكل شغل موبايلاته .. تدريجي يا يبا تدريجي .. مسكين الكويتي .. وااايد مهم .. اي دقيقه ثانيه يكون فيها جهازه مسكر ممكن تنهار حياته


بس يسمع صوت توايرالطياره حاشت الأرض قام وقف وصف دور يعني بينزل .. يحليله الكويتي .. كل شي ولا يتأخر


اي اي نسيت .. يموووتووون اذا حطو جناطهم و جياسهم فوووق .. ما يعرفون لازم تحت رجولهم .. لووول يحليله الكويتي والله .. عجيب


هذا بالرحلات القصيره


ما قلتوا لي عاد .. شخباركم؟؟


صج العربي انطقوا أربعه ؟؟

43 comments:

Engineer A said...

loooooooooool

hathaa q8ee a9eeeeeeeeel :)

ee o elfal lena bel kaaaaas goolay ameen ;p

kefek enteee??

الجودي said...

شقولج إلي قلتيه كله صح و يصير و يضحك لا و يفشل بعد بس بقولج شي بالنسبة لآخر نقطه و الجنطه أنا وحده من الناس جنطه الجوازات ماأمن عليها فوق لازم عندي لآنه سهالات ياخذها واحد مطفوق و يخليج اتعلقين بدون أوراق ثبوتيه وايد شايفه حالات من هالنوع


غير هالنقطه لا و الله كل إلي قلتي صاجه فيه و كله صوب و لوية اليهال صوب ثاني

سلة ميوّة said...

الله يهداج نسيتي شي وايد مهم!!!!!



وين لعب عياله بالممر؟؟

وين بف مرته إلى قاعد في حضن الي رواه؟؟




اممم انطقو 4:) ياشماته...
عاد امس اخوي موزع كتات بو اربع على كل العرباويه بالدوانية...

اتهقين قاصدها :P


مسى السكاكر

mimi said...

looooooooooooooooool
7elwaaaaaaaa
kalam el gameel kollo meya meyaaaaa
ee mo 3ashan chethy ana ma asaffer kids ma3ay
laa w nsetay el7ammam lama yad5elona
fe ommech 5air deshay warahom
oooh my god w elmoshkela masheen w yet6anezoon
w ma geltay shay 3an elly ga3deen bel first shloon y6al3oon elly waraa w elly bel buisness shlon ye6al3oon elly bel economy
wella lama eyelech wa7ed bel economy chenna ma yadry ma ye7la b3ena ella 7amam el first
ya5tyyy zoqaaaaaa

ama 3ala 6agat ell3arbaweya
looool
gal3at'hom

q8mirror said...

شنـــــــــــــــوو هذا

بدعـــتي

كله صحححححححححححححح

!!!!!!!

بنت الشاميه said...

لووووووووووول

نسيتي شيئ بعد مهم
يقعد بمكان مو مكانه
مو مهم رقم الكرسي اللى بايده
ولما ياي الراكب يلقى قاعدين مكانه
ويقول له وبكل صفاقه ميخالف
شدعوه اخذ كرسي
اللى هناااااك شيصير
؟؟؟؟؟؟؟؟

عجبه البووووست

لووووول

فريج سعود said...

وفي كويتيين يتأخرون بالطيارة وبالسينما يعني احنا مو نفس باجي الكويتيين

انزين الطيارة فضت

السينما اصفرت

قوموا طلعوا

لا احنا مو مثل باجي الكويتيين

ما يقومون الا لما يحصلون طردة

---------
سؤال

انتي ملحقة على فيصل الشعلان ؟

جبريت said...

اليوم يوم النهائي وان شاء الله الكاس كويتاوي بتشوفيني مع رابطتهم اناقز وعندي دعوات حق المنصه بس ما راح اعطيج لاني ما احب القادسيه

الشي الثاني الكويتي اذا ما سوى هالشغلات يموت بس 2 كويتيين ما يسوون جذي بالسفر انا وولد خالي كله بالطياره قبل الناس عشان اول ما نركب ننام ولا يحوشنا ازعاج الناس وهم يتخطرفون بالطياره واخر ناس نزل من الطياره على ما نصحصح

why me said...

LOOL

ShaymoOona said...

لوووووووووول يبتيها ييييييييب
والله علينا طلعات مو صج
اتحسون سهله اتعرفون كويتيين بالطياره
اذكر واحد حاط مسرحية من مسرحيات طارق العلي و الصوت واضح ورانا ولا يضحك بصوت عالي @@ وين قاعدين

SHOOSH said...

هلااا هلاااا

البوست الجاي بيكون الكويتيون في السينما

:)

Engineer A
==========

ana mneee7a

w el kas ma5thenah enshallah

:)

SHOOSH said...

الجودي
======

نورتي مدونتي

ومعاج حق .. جنطة ايدج خليها يمج

بس الجياس و العفسه أتوقع فوق أفضل و أأمن

:)

SHOOSH said...

سلة ميوه
=========


لا تعليق عالبف

خلي البف

مرات يونهم و أذونهم يفطونها بحظنج بعد

تسولفين سالفه حق اللي يمج اللي وراج يضحك


يا لهوي

SHOOSH said...

mimi
=====


enty 3asal

:*

SHOOSH said...

q8mirror
==========

:)

SHOOSH said...

بنت الشاميه
============

لا لا لا


بوستين ورى بعض انتي عندي


من قدي

:)

SHOOSH said...

فريج سعود
==========

هممممم


منو فيصل الشعلان ؟؟

أدوره بقوقل ؟؟؟

SHOOSH said...

جبريت
=====


هااا هااا هاااا


أتفاهم معاك بعد المباراة


ألحين ماكو فايده

SHOOSH said...

Why me
=======

LoL enty

SHOOSH said...

ShaymoOona
==========

لو على طارق العلي بس جان زين


:)

DoDoq8 said...

لووول البوست عجييب

صج ضحكتيني

Her said...

looool tha7akteeny... 9ej el obo kela mashe 20 miter w m5ale el om w el 3yal! madre leash 6ayer!

Mariam B.D_Q8 said...

في البداية هارد لك للعرباويه :) او قولو بعد هالمره تسلل :)))
بنسبة للبوست الشقاقي ماخليتي مجال حق احد يعلق بس موتيني من الضحك بس نسيتي شغله
اول ما توصل الطياره و تنزل توايرها بالمطار لكويتين اللي بالطياره كلهم اشيلونها صفقه بعدين يرتزون بي يطلعون اول شي

جبريت said...

للاسف ثم للأسف ثم للأسف ثم للأسف مو عشان الكاس راح القادسيه

عشان الكلام الي يقولونه اللاعبين من اهداءات بفرحة الفوز

مبروكين ولا انه كان ودي يكون للكويت

والوعد الموسم الياي مع مدربنا ماتشلا الي ياب كاسين خليج ونافس في اولمبياد اتلنتا واولمبياد سيدني والكثير من البطولات المحليه الي بجى عليها القدساويه والعرباويه من سنة 1994 الى سنة 2000

Anonymous said...

كلامج كله صح، بس يعني انتي دايما تتحلطمين

على قولتهم كيفي كويتي


بس أقول يا شوش لا تتشمتين على العربي لأن في يوم من الأيام القادسية انطقو 6/0 من نادي الهلال السعودي

عاد 6/0 الله يهداكم

SHOOSH said...

DoDoq8
======

أهم شي اني قدرت أضحكك

:)

SHOOSH said...

Her
===

3alashan la77ad yadre enah m3ahum

:)

SHOOSH said...

Mariam B.D_Q8
=============

صفقه ؟؟


اشدعوا عليهم


:)

SHOOSH said...

جبريت
======

آااااااه يا جبريت


ناطرتك من أمس


خذناه بإيدنا مو منة من أحد


الله يبارك فيك


ويا من يعيش للسنة الجاية


:)


متى تنزل عشا الفوز ؟؟؟

SHOOSH said...

Anonymous
=========

آنا و العرباوية متفاهمين


يوم لي و بوم لهم


إنت إطلع منها بس


:)

@alhaidar said...

والله بمعظمهم صدقتي :)))

شنو هذا العربي؟ سامع فيه

Ahmed Al-Salami said...

واقع مرير ومشكلة مالها حل.. بصراحة كل كلمة نطقتي فيها ما اقدر اقول انها صحيحة.. بس اقدر اقول إنها (دقيقة 100%) والمشكلة البعض يتليقف ويشغل تلفونه والعالم معلقه بالسما.. يبي يشيك تلفونه فيه سيرفس ولا لاء..!

عموما هي الزيارة الأولى لي وان شاء الله ما تكون الاخيرة.. :)

Zaydoun said...

كله صح للأسف

New RSS feed

http://kuwaitunplugged.blogspot.com/feeds/posts/default

SHOOSH said...

أحمد الحيدر
===========

لوووووووول


تعجبني


:)

SHOOSH said...

Ahmad Al-Salami
===============

مشكور على المرور


و حياك الله


دوم مو يوم


:)

SHOOSH said...

Zaydoun
=======

مازالت ترتسم على محياي ابتسامه شكبرها


من الأحمدي الى شويخ


كل ما شفتك معلق عندي


بركاتك يا سيدنا الشيخ

شاي الضحى said...

الي قلتيه صح 100% بس مو بالكويتيين فقط

وايد صادفت ناس بدول ثانيه نفس الشي يسوون

خاصه الي يوقفون ويبطلون مو بايلاتهم اجانب وامريكان وهنود وعرب ومن كل الجنسيات مو بس الكويتيين

مشكوره :)

Sn3a said...

Entay 3jeeeba
ybtehaa 1000%
3jeeb l post hehehehe

enigma said...

ur featured on alwatan :D

hahahaha :D

(Y)

SHOOSH said...

شاي الضحى
==========


صاجه

:)

SHOOSH said...

Sn3a
====

حبيبتي والله


:*

SHOOSH said...

enigma
======

yah they told me so :*

AM.SA.CHANNEL said...

ههههههههههههههههههههههههههههههههههههههههههههههههههههههههههههههههههههههههههههههههههههههههههه

ما أصدق هههههههههه إظحكين