نتشارك و انا زميلي مكتب واحد و تجمعنا عشره طيبه
إلا ان زميلي هذا لووووتي حبيتين
انا بالدوام عندي مصفط خاص فيني
و بما إن زميلي مو حلو و مو كشخه و مو واسطه نفسي فما عنده
عسى ما تأخرت دقيقتين و نص إلا صفط مكاني
و كل أول نص ساعه في بداية كل يوم نتهاوش آنا وياه على المصفط
شوش: انت ليش صافط مكاني
صديقي يستعبط : عبالي منتي مداومه
شوش: و بالله ليش ما اداوم
صديقي يستعبط مره أخرى: شدراني عنج .. تبيني أروح اطلع سيارتي .. محاولا إنه يكسر خاطري و يعني طيب
شوش: من زين سيارتك عاد .. إنت سيارتك المفروض تظلل على سيايير الأوادم ما تحتاج مظله
و يضحك و أضحك و ننسى
مرات أتليعن و أخليه يطلع يحرك سيارته
صديقي عنده سلفارادو .. كل تاير جنه بير نفط
المهم
اليوم وصلت الدوام ولا بورش كاريرا صافطه مكاني
تعوذت من إبليس و قلت هذي مو سيارته
منو جليل الحيا هذا إللي يشوف إسمي شكبره و هم صافط سيارته
نزلت و دشيت المكتب
اي صح نسيت أقولكم .. انا و زميلي قصوا علينا قبل كم شهر و حطو نص طوفه و قصوا المكتب نصين
آاااال يعني كل واحد صار عنده مكتب بروحه
قمنا ما نشوف إلا روس بعض
المهم
دشيت المكتب و سلمت على قرعته .. بما إنها الشي الوحيد اللي يبين من فوق الطوفه
رد السلام و عطاني شغله و قال بروح شوي و أرد
خذيت ورقة بوست إت الصفره و كتبت عليها
الرجاء عدم الوقوف بالمصفط الخاص بي و شكرا
شوش: أميـــــــن
أمين: يس
شوش: روح بره مكان سياره مال آنا في سياره ثاني لون أسود روح حط هذه الورقه عند الباب
أمين: أوكي
توني قاعدة و مسوية حق روحي جو واشرب جاي و لا ذيج الصرخه
صديقي: شووووووووووووووووووووش
شوش: خرعتني شفيك تصارخ جذي
صديقي: أصااارخ لو بيدي أحذفج بقوطي الكلينكس اللي يدامج
شوش: ليش شنو فيه ؟؟
صديقي: حرام عليج يالظالمه امس مطلع سيارتي و مخليه الهندي يلزق ورقه على السياره بتيب احمر مال الكهربا
صارلي ساعه أشلع الستين تيب اللي ملزقهم على جامة السياره مو حرام
شوش: الكاريرا مالتك ؟؟
صديقي: اييييييي ... جان حط ورقه !! تيب تيب ؟؟؟؟
شوش: اللللللله حلوه السياره .. بعدين انت شكو تصفط مكاني ؟؟ بعدين مادري انها سيارتك .. بعدين انا عطيته بوست ات تلزق بروحها ما قلت له لزقها بتيب
صديقي: طلعي شلعي باجي التيب
شوش: أطلع ليش ما أطلع
صديقي: المصفط لي ما تبقى من هالأسبوع
لوووووول .. مسكين .. صج كسر خاطري .. كان ودي أصور التيب شسوى بسيارته بس خفت يطيح على بلوقي
يستاهل أعطيه المصفط باجر و عقبه ؟؟؟
27 comments:
looooool waay wansaaaaaa :)
لا و الف لا لا تتنازلين عن المصفط
هذا حقج
looooool la 7abeebte madree kesar kha6ree heheh
كسر خاطري
ما عليه سامحيه هل الاسبوع بس
او دفيعه ارضيه على المصفط اذا كان يبي يمدد الاسبوع الياي :)
لووووووووووول
تصدقين كسر خاطري ههههه بس لا تتنازلين عن مصفطج و يستاهل من قاله يصفط مكانج!! :)
ليش ليش يعني التنازل
عشان تلزيقة التيب
ولا عشان السيارة اتغيرت
ههههههههههههههههههههه
looooooooooooooooooooooooool
yallah yoba 3a6eeh entay kareema o uhwa yestahel
o tgoleen mo de3lah ba3ad haaaaa :p
عندج مصفط بروحج ؟
الله اكبر !!!
ترا المصفط بدلية قوية
اسمه موقف.. للأسف هذه بدلية شائعة جداً بين الشباب اليوم!!
LOOOL !
اي يستاهل ;P
أولاً غيّر السياره
وثانياً مطرشه امين يلزق تيب على سيارته
فـ يستاهل المصفط اسبوع
;P
عطيه المصفط بالشتا واخذيه بالصيف
ولا خل يعطيج رسوم على المصفط الساعه بربع
New Bride
==========
ma 3leech mennah !!
ma ykser el 5a6er ! 7adah loooty wallah :)
Mariam B.D_Q8
=============
حتى انتي كسر خاطرج
!!!!!!
حاولت أأجر عليه المصفط بالباطن .. ماكو فايده
Engineer A
===========
لا حوووووووووووووووووول
شسالفتكم ؟؟؟
نون النساء
===========
علشان الأثنين
:)
Hamad
======
men gal ana kareema ???
eshaa3a :)
Frankom
========
قل أعوذ برب الفلق
:/
Anonymous
=========
لوووول
ما تلحق علي ترى
:)
Shaikha
========
إنتي بعد متعاونه معاه ؟؟؟
معمعه
======
ما يدفع
يقولج :
من أسوأ الاشياء انك تشغل مفصطك الخاص بسياره غير البورشه لانها وحدها تستحق المكان
لوووووووووووووووووووووووووووووووووووووووووووووووووووول
تحيا الحب البورشه وانا كومبليتلي معااااه هالمره مو عن بس البورشه شفعت له لوووووووول
كل هالتفاصيل ما تبينه يعرف بلوقج
مالج شغل .. موقفج و محد ياخذه
و اذا يبي موقف ..خل يشغل واسطته
لا تتنازليــــن ..حتى لو اوستن مارتن ولا مايباخ
الحق حق
:)
*********************
Amani:
=====
منو اللي يقول لي ؟؟؟؟
Sami
===
طبعا لآ .. صديقي ما عنده اهتمام بالمدونات
:)
مراقبته
aL-NooR
======
آخيرا لقيت لي حليف
:)
محد يقولج دارلينج ...
هذا اقتباس من شركه البورشه على سيايرهم بس :)
السلام..
المفروض يحرم ويتوب انه يوقف مكانج..
خخ..
ومرسوو..
دام عنده كاريرا :p
اي يستاهل :p
Post a Comment