Tuesday, January 5, 2010

أنــا و صـــديقي .. و المصفــــط


نتشارك و انا زميلي مكتب واحد و تجمعنا عشره طيبه


إلا ان زميلي هذا لووووتي حبيتين


انا بالدوام عندي مصفط خاص فيني


و بما إن زميلي مو حلو و مو كشخه و مو واسطه نفسي فما عنده


عسى ما تأخرت دقيقتين و نص إلا صفط مكاني


و كل أول نص ساعه في بداية كل يوم نتهاوش آنا وياه على المصفط


شوش: انت ليش صافط مكاني


صديقي يستعبط : عبالي منتي مداومه


شوش: و بالله ليش ما اداوم


صديقي يستعبط مره أخرى: شدراني عنج .. تبيني أروح اطلع سيارتي .. محاولا إنه يكسر خاطري و يعني طيب


شوش: من زين سيارتك عاد .. إنت سيارتك المفروض تظلل على سيايير الأوادم ما تحتاج مظله


و يضحك و أضحك و ننسى


مرات أتليعن و أخليه يطلع يحرك سيارته


صديقي عنده سلفارادو .. كل تاير جنه بير نفط


المهم


اليوم وصلت الدوام ولا بورش كاريرا صافطه مكاني


تعوذت من إبليس و قلت هذي مو سيارته


منو جليل الحيا هذا إللي يشوف إسمي شكبره و هم صافط سيارته


نزلت و دشيت المكتب


اي صح نسيت أقولكم .. انا و زميلي قصوا علينا قبل كم شهر و حطو نص طوفه و قصوا المكتب نصين


آاااال يعني كل واحد صار عنده مكتب بروحه


قمنا ما نشوف إلا روس بعض


المهم


دشيت المكتب و سلمت على قرعته .. بما إنها الشي الوحيد اللي يبين من فوق الطوفه


رد السلام و عطاني شغله و قال بروح شوي و أرد


خذيت ورقة بوست إت الصفره و كتبت عليها


الرجاء عدم الوقوف بالمصفط الخاص بي و شكرا


شوش: أميـــــــن


أمين: يس


شوش: روح بره مكان سياره مال آنا في سياره ثاني لون أسود روح حط هذه الورقه عند الباب


أمين: أوكي


توني قاعدة و مسوية حق روحي جو واشرب جاي و لا ذيج الصرخه


صديقي: شووووووووووووووووووووش


شوش: خرعتني شفيك تصارخ جذي


صديقي: أصااارخ لو بيدي أحذفج بقوطي الكلينكس اللي يدامج


شوش: ليش شنو فيه ؟؟


صديقي: حرام عليج يالظالمه امس مطلع سيارتي و مخليه الهندي يلزق ورقه على السياره بتيب احمر مال الكهربا


صارلي ساعه أشلع الستين تيب اللي ملزقهم على جامة السياره مو حرام


شوش: الكاريرا مالتك ؟؟


صديقي: اييييييي ... جان حط ورقه !! تيب تيب ؟؟؟؟


شوش: اللللللله حلوه السياره .. بعدين انت شكو تصفط مكاني ؟؟ بعدين مادري انها سيارتك .. بعدين انا عطيته بوست ات تلزق بروحها ما قلت له لزقها بتيب


صديقي: طلعي شلعي باجي التيب


شوش: أطلع ليش ما أطلع


صديقي: المصفط لي ما تبقى من هالأسبوع


لوووووول .. مسكين .. صج كسر خاطري .. كان ودي أصور التيب شسوى بسيارته بس خفت يطيح على بلوقي


يستاهل أعطيه المصفط باجر و عقبه ؟؟؟

27 comments:

New Bride said...

looooool waay wansaaaaaa :)

لا و الف لا لا تتنازلين عن المصفط

هذا حقج

looooool la 7abeebte madree kesar kha6ree heheh

Mariam B.D_Q8 said...

كسر خاطري
ما عليه سامحيه هل الاسبوع بس
او دفيعه ارضيه على المصفط اذا كان يبي يمدد الاسبوع الياي :)

Engineer A said...

لووووووووووول

تصدقين كسر خاطري ههههه بس لا تتنازلين عن مصفطج و يستاهل من قاله يصفط مكانج!! :)

نون النساء said...

ليش ليش يعني التنازل

عشان تلزيقة التيب

ولا عشان السيارة اتغيرت

ههههههههههههههههههههه

Hamad said...

looooooooooooooooooooooooool

yallah yoba 3a6eeh entay kareema o uhwa yestahel

o tgoleen mo de3lah ba3ad haaaaa :p

Frankom said...

عندج مصفط بروحج ؟
الله اكبر !!!

Anonymous said...

ترا المصفط بدلية قوية

اسمه موقف.. للأسف هذه بدلية شائعة جداً بين الشباب اليوم!!

Shaikha said...

LOOOL !
اي يستاهل ;P
أولاً غيّر السياره
وثانياً مطرشه امين يلزق تيب على سيارته

فـ يستاهل المصفط اسبوع
;P

مَـــــعْــــمَــــعَـــــه said...

عطيه المصفط بالشتا واخذيه بالصيف

ولا خل يعطيج رسوم على المصفط الساعه بربع

SHOOSH said...

New Bride
==========

ma 3leech mennah !!

ma ykser el 5a6er ! 7adah loooty wallah :)

SHOOSH said...

Mariam B.D_Q8
=============

حتى انتي كسر خاطرج

!!!!!!

حاولت أأجر عليه المصفط بالباطن .. ماكو فايده

SHOOSH said...

Engineer A
===========

لا حوووووووووووووووووول


شسالفتكم ؟؟؟

SHOOSH said...

نون النساء
===========

علشان الأثنين

:)

SHOOSH said...

Hamad
======

men gal ana kareema ???


eshaa3a :)

SHOOSH said...

Frankom
========

قل أعوذ برب الفلق

:/

SHOOSH said...

Anonymous
=========

لوووول

ما تلحق علي ترى

:)

SHOOSH said...

Shaikha
========

إنتي بعد متعاونه معاه ؟؟؟

SHOOSH said...

معمعه
======

ما يدفع

Amani said...

يقولج :

من أسوأ الاشياء انك تشغل مفصطك الخاص بسياره غير البورشه لانها وحدها تستحق المكان

لوووووووووووووووووووووووووووووووووووووووووووووووووووول


تحيا الحب البورشه وانا كومبليتلي معااااه هالمره مو عن بس البورشه شفعت له لوووووووول

Sami said...

كل هالتفاصيل ما تبينه يعرف بلوقج

aL-NooR . said...

مالج شغل .. موقفج و محد ياخذه
و اذا يبي موقف ..خل يشغل واسطته
لا تتنازليــــن ..حتى لو اوستن مارتن ولا مايباخ


الحق حق

:)

*********************

SHOOSH said...

Amani:
=====

منو اللي يقول لي ؟؟؟؟

SHOOSH said...

Sami
===

طبعا لآ .. صديقي ما عنده اهتمام بالمدونات

:)

مراقبته

SHOOSH said...

aL-NooR
======

آخيرا لقيت لي حليف

:)

Amani said...

محد يقولج دارلينج ...

هذا اقتباس من شركه البورشه على سيايرهم بس :)

رورو الشخبوطه said...

السلام..

المفروض يحرم ويتوب انه يوقف مكانج..

خخ..

ومرسوو..

Hanan said...

دام عنده كاريرا :p
اي يستاهل :p