Sunday, January 10, 2010

رســـــالتي



تحذير: قسما بالله اللي يحاول يضحك أو يتطنز أو يتمسخر أو يبدي أي نوع من أنواع الإستهزاء المباشر و اللا مباشر بمشاعري المكتوبه يا ويله يا سواد نهاره و ليله


صديقه من أعز و أقرب صديقاتي القديمات جدا جدا جدا


طاحت و للأسف على مذكره من مذكراتها كنت آنا كاتبه لها فيها رساله


صورت رسالتي و دزتها لي بالإيميل


فكانت الرساله كالصعقه


أقول لها رووووووحي زين هذي مو آنا .. ما تمت لي بصله


و أتفاجأ بالأسفل إني موقعه و كاتبه إسمي الثلاثي .. زين مو باصمه بعد


موثقه الرساله عدل


:)


هذا جزء من الرساله


لأن الرساله صراحه.. فضيحه


اللي بالبرتقالي فوق هذي أمنياتي لها إلي ولا وحده فيهم تحققت


لوووووووووووووووووووووول


كاتبه لها انشالله تاخذين طيار .. يظهر ان هذا كان طموحي


ترى كنا أطفال صغار .. مراهقات يانعات .. يمكن 13 سنه ما أدري


الله يهداني .. كاتبه اسمي و موقعه مليون مره و مو كاتبه التاريخ


أهم شي إني الظاهر و الله أعلم كنت أحب مصارع إسمه


Bret


حاطه اسمي + إسمها + إسمه = لووووف فوور ايفر


أمحق لوووف مكفينا ثلاثتنا


لا و راسمته .. أحلى شي الركب .. و النتوءات و الشطحات يعني عضلات .. و الشعر ما أعبـــر


و الدليل الأكبر .. اللي أهو بمثابة الرد على كل عذالي .. اللي تطنزوا على شعري في البوست السابق


أقول لكم .. آنا كنت غلطانه لما قلت أبي أصير شاعره .. لأني أصلا كنت شاعره من كنت ياهل بس ناسيه


ركزوا عالأبيات اللي كاتبتهم في رفيجتي


أقووووول فيها


أحـــبك من بيـــن كـــل الجمــــوع

إن كــان في حبــــــــــك أمـــــــون

علشـــــــانك أنتظــــــر سنـــــــون

ما أتخلى عنـــك مهمــــا يكـــــــون

يــــــــا حب في القـــلب مدفـــــــون


تقـــريييين يالحب ؟؟ أنتظر سنوووون .. صج إني مخلصه


لوووووووووووووووول


أهم شي إني آنا وياها عصرنا مخنا نبي نذكر حروف منو اللي داخل القلب الإسطوري اللي آنا راسمته .. ما ذكرنا


المهم


شوفوا .. آنا أضحك على رووحي كيفي .. إنتوا ممنوع


إرجع فووووق للتحذير


و شكرا

24 comments:

الـسـنـبـلـة said...

LOOOOOOOOOOOOOOOOOL

لا ما شالله عليج وايد انتي متطورة تكتبين شعر ..
أشوه إنج مو كاتبة الجمل المعتادة :
" أكتب لك بالرصاص ليدوم الحب و الإخلاص "
و إلا الجملة الأغبى الثانية
" أكتب لك بالمقلوب ليدوم الحب بين القلوب "

شوقتيني أطلع مذكرات الابتدائي و المتوسطة !!

Vincent said...

قامت تطلع المواهب ما شاء الله، ما فكرتي تسوين ديوان شعري؟ خاصة أن الموهبة ما شاء الله موجودة ؟
:P

Frankom said...

شكلة كان حب من طرف واحد

HAMAD said...

lalalalaaa sha3era o fanana o rasama !! kil hal mawaheb feech e6la3at LOOOOL

Danderma said...

Bret?! Bret heart chood?! looooool

Hamad said...

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL

Ebdaaaaaaaaaaaaaaaa3 ya shoosha men kentay 9'3eera
akeed bret heart methel ma galat danderma

tekfain momkin asawi m3ach moqablah :p
akeed akeed ra7 athree feeha 7ayati :ppppp

why me said...

ما اقدر أمسك نفسي



لوووووووووووووول



وي وي وي كتكوته

;p

Engineer A said...

LoooooooooooooooooL


Shoosh ,,, ya lahweeeeee :)

lel7een ma 3araftay el letters el bajee 7aq meno? :P

حلـم،، said...

شغبك

رائع

كما انتي

مدونتك رائعة

كما انتي

فرصة تعرفت فيها على اللهجة

واستوقفتي بعض الكلمات

لكن فهمتها ضمن السياق

سلام يا رائعة

انا حلم

حلـم،، said...

شغبك

رائع

كما انتي

مدونتك رائعة

كما انتي

فرصة تعرفت فيها على اللهجة

واستوقفتي بعض الكلمات

لكن فهمتها ضمن السياق

سلام يا رائعة

انا حلم

سمو الأميرهـ ..ツ said...

هههههههههههه
اشدخله المصارع
حاطته امبينكم ؟؟!!!


بووست راائع


تقبلي مروري
:)

الزين said...

شوفااااي

كل اللي قبلي ميتين ضحك

يصير انا اضحك الحين

مع ان ضحكتي طفارتج

:)

صباحج عسل يا عسوله

:**

بنت الشاميه said...

ترا قاعده اضحك وصااااكه حلجي

ان صار لي شيئ انت السبب

يااااحلو هالبنت...عسل ..والله عسل

من زمان ما ضحكت مو بس ضحكت غشششششيت من الضحك....دموعي اربع اربع

ياااااحلاة هذيك الايام
وياحلاة القلوب الخالييييييه
صج امتعتيني
مساء الخير والسعاده والحب
(((:
و

Enter-Q8 said...

اهم شي القافية و الوزن مال الابيات
مستغرب ليش ما شاركتي بشاعر المليون

فالك البيرق

Her said...

lol thats so cute... i keep my childhood letters from my friend too:)

مـغـاتيــــــــــــر said...

thats was hilarious shoosh

couldnt stop laughing :p

Amani said...

امبيييه حده مو صج ههههههههههههههههههههههههههههههههههههههههههههههههههههههههههههههههههههههههه

ذركتيني بصندوق البلااوي اللي عندي هههههههههههههههههههههه

دمعة المقهور said...

يا مساء العسل والقشطة
:)

تبين الصج قاعدة اضحك غيرتي المود كله مصدعة من اليهال وعاقبتهم وقاعدة بروحي بالدار

:*

تبين الصج ياحلو البراءة

Mariam B.D_Q8 said...

لوووووووووووووووووووووول
بالصراحه كل يوم انصدم في مواهبج الفتاكه اكثر من اليوم اللي قبله
بالصراحه انتي الفنانة المغمورة اللي محد لاقيها لي الحين
انتي اعجوبته الزمان الشعريه
انتي شي يفوق الوصف
الحب فيج من نعومة اضافرج
شي شي شي
الله يخليج ذخر للشعر و يخلي الشعر لج :)
يا خليفة (( لاجئ عاطفي ))

صمت البوح said...

ما بجذب عليج وبقول ما ضحكت

اسميني ضحكت وذبحتني السعله عقب الضحك


ياخي مواهب الطفووله غير

ذكرتيني بالقلب والسهم اللي يقطعه

والله اياام

^ ^ ذكرياااااااااات

Faith said...

LOL
عجبني تقسيمج للصفحة
فوتوشوب بدائي حسيته
;D

reemas said...

تحطين لنا كل هالينون
و بعدين تخذير شطوله لا تضحكون ؟
ما يصييييير
سدحت ربعي يا براون

لوووووووووووووووووووووووووووووووووووول

عالم الحب said...

مرحباً:)
هناك أشياء من الماضي له وقعها وأثرها في قلوبنا
لكي ذكريات جميلة ورائعة وشاعرة بعد
سلمت الأنامل اللي سطرت هالكلمات
بتمنى لج كل التوفيق خيتوو
ونتطلع منكي إلى كل ماهو جميل في عالم التدوين
تقبلي مرروي المتواضع
لكي أرقُّ المُنى من عالم الحب
http://www.al7ob1.blogspot.com/

فريج سعود said...

انزين انا مابي اضحك عليج

بس اقدر اضحك على الي تحبينه ؟

:)