كيف تصيبين الكويتي بــ جلطة ؟

إليك عزيزتي .. بعض ما يمكن أن يصيب زوجك الكويتي بـ جلطة

قلبية/دماغية

ما تفرق

طيحي على أكاونته في تويتر و لحقيه

أبي فلووووس

ودني السوق

دعمت سيارتك و أنا أصفط

قعديه من النوم الساعة ثلاث الفجر و قوليله: عبود ما عنده بامبرز

رجع الخدامة المكتب .. ما أبيها

لعبي بتلفونه

دشي عليه فجأه و هو متنح في موبايله أو لابتوبه

ضيعي كرت الجزيرة

إلعني ميسي

تطنزي على ربعه

مسخري فريقه و اهو خسران

و أخيرا و ليس آخرا .. الحركة القاتلة

قعدي على غترته

مع الإعتذار للوسيم اللي بالصورة

@shooshness

ســـــؤال

قبل لا تحمقون

و تعصبون

و تتهموني إني عميــله

و تحللون دمي

أحب أقول لكم إني أحب الكويـــت نفسكم

و إني لا أزايد على وطنية الفضــالة او أي أحد فيكم و لا أشكك بنواياكم

و إني شخص حيادي أحاول أطالع الموضوع من صورة حياديه غير منحازة لأي طرف

أنظــر للموضــوع بغـض النظــر عن شخــوص أطــرافه

و أكرر أعترافي إني ما أعرف بالسياسية نفس كثير منكم

و لما أسـأل مو لأني أبي أغثكــم و أرفــع ضغطكم

مثل ما وصلني من بعضكم بالإيميلات

بس لأني أبي أعرف و أفهــم .. يمكــن إنتوا تنوروني

و بس لاعت جبدي من كثــر ما بررت فووق و ما أحب أبرر بس مضطـره لأني مــادري علامــكم نـاشبيــن لي

المهــــم

ســـؤالي

القضــاء أدان الفضـــالة - حتى اللحظــة على الأقــل - سواء حبس يــوم أو سنــه .. غــرامه دينــار او ألــف

يبقــى القــانون أدان الفضــالة و أصــدر بحــقه حكــم حبس و غرامة

فــأي إنتصـــار و أي حــرية إللي بنظـــري بالغتـــوا فيها أمــس ؟؟

شوش و البرود كاست مسج

ان أدش مكتب و ألقى شخص يحوس بين البلوقات و فاتح مدونتي و يقرى فهذه تصير

ان أفتح الوطن أون لاين و ألقى بوست من بوستاتي محطوط بالصفحة الرئيسية فهذا يحصل وايد

ان ادش منتديات و ألقى إنهم ناقلين مواضيعي و حاطينها عندهم فأيضا هذي تصير

لـــــــــــــــــــــــــكن

ان اصحى من النوم وألقى بوست من بوستاتي واصلني على طريقة برود كاست مسج فهذه جديده

صدقوني أعزائي القراء .. كانت أول مره أصحى من النوم وقافي .. يعني وقفت على طول ما مريت على مرحلة القعده فوق السرير من كثر ما استغربت و مت ضحكا بنفس الوقت

مت ضحكا حتى كدت أن أمووت صج

كانت تعابير وجهي تقول جمله وحده

إشــــــدعوا عليــــــــكم

يا ربــــــــــــــاه

مابي أنغر والله مابي

عن جد .. ما كنت أدري صراحة ولا حتى أتصور إن ممكن الناس تحب بوستاتي لدرجة إنها تنقلها

حتى صار ودي أستعبط و أرد أنزل بوست الشعر اللي كتبته مره .. جني مادري يعني .. يمكن ينقلونه بعد و يشوفه رويشد ولا راشد اماجد و يعجبه

ولا فايز السعيد يلحنه لي

إحمدوا ربكم إني متواضعه و ماقلت فيروز مع إني أدري انها بتموت و تغني خليجي

بس جماعة البرود كاست الله يهداهم لو حاطين عالأقل عنوان المدونه جان أحسن .. رفرينس عالأقل

يالله يالحبايب .. مشكووووورين

المهم .. أبي أتعلم فارسي .. شلوووون ؟

زووز عقر بقر .. كاسك يا وطن .. فريج سعــود

المدونون السابقه أساميهم وراهم حســـاب عسيـــر

عسيــر ولا عــرعــر

ههههههه

المهــــم

زوووز و كـاسك و فريج سعــود مادري كيف حلمت فيهم أمس

فزيت من النوم الفجر و دشيت الفيس بوك أدورهم

وثقت حلمي وكتبت بالفيس بوك اني حلمانه فيهم خفت لا رديت نمت و صحيت تالي أكون ناسيه الحلم

ولكـــــن إيــــش هالشخصيــات

شريريـــن ثلاثتهم

ولســانهم طويل

بالحلم على الأقل

الغــريب إنهــم ثلاثتهم اجتمعــوا في حــلم واحــد

كان حـــلم صفــاتي بلـــوقري بحـــت

كاسك يا وطن

كنا طول الحلم نصارخ و نتهاوش .. ما ادري ليش الصراحه .. ولا اذكر الكلام .. بس اذكر الانفعال و الصراخ

آخر شي قام يحذف أغراض و كنت أرد أحذف عليه

زوووز عقر بقر

كانت بالحلم عباره عن هاكر

بايقه بلوقي و تدش تكتب تعليقات للناس بالكومنتس و تزفهم و تناجرهم

وانا اقول لهاهذا بلوقي و اهي حاقرتني

فــريج سعــود

هذا حلمه كان فــلم .. كــنا بحرب .. و الحرب كانت عالبحـر بشاليهنا

و كــان اهو معاي مقــاومه

بس خون وانحــاش

لـــكن أبشركم .. في النهاية قدرت إني أذبح صــدام و شبيــهه

نعــم حلمي الظــاهر قـديم .. صــدام بحلمــي كان ما يزال حيــا

وبما إني من جيـــل الغزو

فصــدام كان هو رمــز الشــر الأوحــد فطبيعي يكــون هــو دايما عنصــر الشر بأحلامي

ملاحظــه: مــا أبي أحد يفســر لي .. دفعت صــدقه أول ما قعدت الصبح

بـــونجــــوار

بونجوار يا جماعة .. حياكم الله .. الريوق اليوم في مدونتي .. عليكم بالعافيه

ندوة اليوم .. التدوين في الكويت

ماني متكلمه عن الندوه

بس في شي لازم صفاة و القائمين عليها يعرفونه

و آنا طالعة من الندوة .. و بالتحديد عند إشارة المرينا

وقفتني دورية

نادوني بالسبيكر مالهم و صفطوني يمين

و خالفوني

مخالفة قيمتها 50 دينار

ألحين بتقولون ليش خالفتج الدوريه

آنا طفت الإشارة الحمرا .. بس والله و بالله مو قاصده

تعرفون الوضع إلي .. هااا ؟؟؟ أمشي و لا أوقف ؟؟؟ إلي قرارك بالحالتين غلط ؟؟؟

إلي تكون مسرع و على حظك الإشارة تقلب حمرا ؟؟؟

هذا كان وضعي

ومن رداة حظي الإشارة إلي يدامي بالتقاطع أول سياره فيها دورية

بس ما انتبهت لها إلا عقب ما طفت

مو دورية صغيره !! دورية جمس بعد

المهم ما علينا

أنا أطالب صفاة إنهم يدفعون مخالفتي

بتقولون ليش ؟؟؟

آنا أقولكم

لأنكم لو تحللون السالفة و تردون لي جذور المخالفة بتعرفون إن صفاة المتسبب الأول فيها و بالتالي وجب على صفاة دفع المخالفة

يعني لو آنا مو مجتهده جان ما رحت الندوة

صح ؟؟

بس آنا مجتهده .. و أحب صفاة .. و رحت علشان خاطرهم الندوة و رديت محملة بمخالفة

بالله آنا جم 50 دينار بمعاشي يعني ؟؟؟

يعني لو آنا مو رايحة و قاعدة بالبيت جان محد خالفني

المهم

آنا أناشد كل إخواني و أخواتي المدونين و المدونات

و خصوصا إلي حضروا الندوه

يساعدوني و ينضمون لي في حملة

إدفعــــها

و بميزان أعمالكم إنشالله

:)