شوش الإيـــرانيــــــة

مرحبا يا حلوين

بين فتره و فتره

ادش على محرك البحث اللي اسمه

google

و أكتب

شوش

و أسوي بحث

تتوقعون ليش ؟؟

لنترك على جنب عزيزي القاريء ما وصلت اليه من شهره محليه و عربيه .. و إنو صار واجب علي أتابع وش تكتب عني الجرايد و المجلات و النقاد

و لنترك على جنب .. عزيزي القاريء مره أخرى .. نرجسيتي و غروري و حبي لنفسي

السبب الحقيقي

اني بصراحه اسوي بحث عن مدونتي لإني اكتشفت انو في هناك منتديات ملعونه تنقل البوستات و الصور و تحطها عندها من غير حتى رابط

مرات أكسر خاطرهم و يخلون اسمي موجود

عاد انا مادري شكتب عشان ينقلونه

لا اعرف اكتب لا شعر و لا نثر ربي لك الحمد

المهم

خل ينقلون ما عندي مشكله كثر ما عندي فضول اعرف شنو كاتبين

المهم .. السالفة اني كل مره

أكتب شوش بالإنجلش تطع لي روابط و اقدر ادخل عليها

ماكو مشاكل

لكن من اكتب شوش بالعربي

شوش

تطلع لي سايتات ايرانيه و صفحات بالفارسيه مادري ليش

تخيل عزيزي القاريء

للحظه عبالي اني وصلت قدر من الشهره اللي قاموا فيها يترجمون بوستاتي للفارسية

ولكن خاب ضني

عندما اكتشفت ان شوش

ما هي إلا

ولايــــــة فـــي إيـــــــران

يا حيــــف علـــى الشهــــره

وانا عبالي كل اللي مكتوب بالفارسي عني

خــرطــــوم المطـــافي

إلي في أمه و أبوه و أهله و طوايفه خير

يطلع الخرطوم

أتوقع الناس تتفحم و تحترق و تشبع حرق

و الصندوق المبيت هذا للحين ما قدر أحد يفجه

يا ساتر

دعـــــــــاء النـــــوم

عادة .. قبل ما أنام

و آنا مدروخه على السرير

بين الواقع و اللاواقع

و بين الحلم و الخيال

أبدى ألهوس

وأسولف و أخربط

بالقديم

و اليديد

وإللي فات

وإللي مات

أقصص قصص

أغني

كل شي كل شي

أدور اللي قاعد من ربعي و أتحرش فيهم

عساني أدوخ أكثر و آنا أكلمهم و أنام

المهم

كل هذا اللي اسويه يكون في مرحلة اللاوعي

يعني تالي لما أقعد الصبح أستغرب انا شنو قايله و شنو مسولفه فيه

مثال على ذلك

دعـــاء النــــوم اللي دازته أمس حق رفيجتي و آنا أحــاول أنـــام

إستغفر الله يارب

يارب سامحني

يارب لا تخسف فيني

دخلت الأدعيه كلها بدعاء واحد

اللي يقرى دعائي عباله بتفطر مو بنام

ذهب الأجر عاد

!!!!!!

ذهب

!!!!!

حط عنوان على كيفك

الفوتوشوب يسوي عجايب .. مالت حتى مالت .. إذا بتعدل صورتك 130 مره بالفوتوشوب قبل لا تجييك جرأه تحطها فأحسن لك إنك ما تحطها من الأساس

أي شي لونه أحمر يقرفني

صايره أكره الناس ما أدري ليش

أحب إسم علي

كل ما أكبر كل ما يصير أصعب علي إني أكون صداقات

وأصدقائي القدامى كل مالي و أصير أبعد عنهم

البلاك بيري إدمــــان

مادري ليش الناس يدزون لي ايميلات على الجي ميل و اللي بالمدونه هوت ميل .. من وين يطلعون عنوان الجي ميل مادري ؟؟ لا تدزون عليه لاني توني جيكته و عندي ايميلات من شهر عشره السنه اللي طافت

أساليب العرض و الترغيب اللي بالفيس بوك تضحك

مذيع الوطن عبدالله المساعيد يعجبني

البلوقر صاير ممل

إلي عمره فوق الثلاثين يقولي .. هل الإنسان كل ما يكبر يصير إحساسه بالغير أقل ؟؟

صارلي فتره أطالع كابتن ماجد .. رجل و الرجال قليل

بركات الوقيان أحسه وايد نظيف .. الله يحفظه .. ملمع .. أتوقع يتسبح باليوم ست مرات

قعدة الصبح مؤلمة

أبوي قاعد يسولف لي الحين و انا اكتب البوست في هاللحظه عن ايام الغوص و الجدري و الهدامه

و انا اقووله اي اي اي

لاحظ اني مو مهتمه و غير السالفه و قعد يسولف عن السياسه و مجلس الأمه

و أنا أرد اي اي اي

غير الموجه و قعد يسولف عن الموبايلات و الكومبيوترات و التلفزيونات

و أنا أرد اي اي اي

لاعت جبده و حذفني بقوطي كلينكس و قال لي مو كفو أقعد أسولف معاج

يا حبيبي يا يبه .. إنت وييييييييين و آنا وين

المهم .. عندي تقرير لازم أسويه و مالي خلقه .. منو يتبرع يسويه لي ؟؟ صج صج ما أعرف أطبع .. راسي يفتر .. مو متعوده .. اللي يطبعه لي بدعيله شهر كامل

ترى من صجي

اللي مستعد يسويه يراسلني

حلوه يراسلني

لووووووول

و تكفون مو جي ميل

:)

إلــــعب يا الملــــك إلـــعب

بـــإذن اللــــه

و بحيــــــل اللـــــه

بنكــــسر راســـكم يالعــــربـــاويـــه

الــــــوجه الحقيـــــر

بإختصـــــــــــــار

اليـــوم سويـــت غلطه دراميــــه

خـــلط أجنـــاس

شخصية مهمه عالميـــه بس على أهميتها و عالميتها عمرها ما مــرت عـــلي

أنثـــى سويتــها رجـــل

بـــدال مس حطيـــت مسـتــر

شصـــار بالدنيا يعنــــي الناس تسوي مظاهرات و اعتصامات تطالب بالتحويــل و آنا عطيتج اياها جاهزه مجهزه

اللي معــور قلبها الظاهر إن الإيميـــل آنا مسويه فيــه سي سي حـــق خمسه و ثلاثين واحـــد

المــهم

مديـــري ما قصـــر معـــاي

زف و توبيـــخ و تهديـــد و وعيـــد .. لا و بـــره حتى تــوني ما دشيت داخـــل

الشمـــس تكفخني من صــــوب

وكـــلام مديــري يكفخـــني من صــوب ثــاني

وبيـــن كفخـــة هــذا و كفخـــة هـــذاك كــان طايح على الأرض وجــه أصفـــر حقيــر مبتســـم

كنت أحــس إنه يضحك علـــي

كنـــت أحــس إنــه مســخرني أكثـــر من مديــري

عســى ما نزلــت راسي و آنـــا أنزف آاااااال يعنــــي متأثره أشوووف هذا يضحــك بوجهـــي

صـــورته لكـــم بعــد مــا أطـــلق مديـــري ســـراحي

فــي الصـــوره أدنـــاه إحــدى مقاتـــلات قـــوات البشمرجــه عــلى أرض المعـــركه

بالـــذمه مــا يرفـــع الضـــغط ؟؟