Wednesday, January 19, 2011

الأعــراض الجانبيــة للمنحــة الأميــرية



الــوالد .. يصفق كف بكف .. متحسف إنه زوج بناته بدري .. راحوا عليــه ســت آلااااااف .. راحت عليك يا صاحبي


الزوج و الزوجــة .. تنــاجروا على آلاف العيــال .. زعلــت و راحت بيت أهلها .. عبالك بتخليك ؟


الزوج و على غير العادة ترجع الزوجه من الدوام لتلقاه نايم الظهر و قافل الباب .. ما يبي يناقش موضوع الألف .. لووول حـــركات


إجتماعات عائلية طارئة في البيوت .. لوضع الخطط و تقسيم المنحــة


المطــلق .. يتــواصل مع ربعــه المحــامين .. مستذبح يـبي يرد حضانـة عيــاله .. عليــنا ؟


الشبــاب .. رغبــة مفاجئة في الزواج من مطــلقة أو أرمــله و يفضــل عندهــا عيال .. آااال ستر آااال


الي تحــت واحد و عشــرين .. يحــاولون فتـح حسـابات خاصة علشــان لا تنوكل عليــهم فلــوسهم .. مالكم أمــل


الكويتية أم العيال و المتزوجــة من غير كويتي .. حاطه إيدها على خدها و تندب حظهــا .. مقــلب


الحامل و المتوقع ولادتها قبل فبراير .. مازالت تصلي حمد و شكر .. ما بغت تضبط


المدرسة الحامل إللي مضبطة ولادتها شهر أربعه علشان تشبكها مع إجازة الصيف .. ما زالت مصدومه .. عبالج صايدة الحركة ؟


الـدّيانه .. من ألحـــين عند البيــبان .. وليــــن


المحلات التجارية تصــدر قرار طــاريء بوقف التنــزيلات و العــروض الموسمية .. لــعـــانة


يوم الأثنين السابع عشر من يناير كان أسـرع يوم مر على الكويتيين .. لوحظ عليهم ما يلي


خفة الدم


الحب


الرومانسية


تبادل القبلات و التهاني


السعادة


الرضا


الإكتفاء الذاتي


النشاط و الحيوية


حتى معدل الجرائم و حوادث السيارات انخفض ذاك اليوم



نشكـر صـاحب السمــو على المـكرمة الأميـرية .. والله يبـارك لكم فيهـا جميــعا


تفسفسونــها فلس فلس بالعــافية إنشـاء الله

11 comments:

~أم حرّوبي~ said...

ههههههه تتهنون فيها إن شالله والله يبارك

لكم فيها

^^

Manal said...

واللي ناطر يحجز تذكرة الردة للكويت من بعد الغربة
لول
نسيتيها
أفاااا بس أفاااا

(-؛

الليوان said...

عسل
ماشاء الله عليج
:)

سلة ميوّة said...

ههههههههههههه
يابو دم خفيف
موتني ضحك


ربي يحفظج ويحميج...

:***

محمد said...

سبحان الله
قبل استلام المنحه الواحد صرفها بعقله وحدد مسيرة كل دينار

موضوع مضحك ومبكي في نفس الوقت
لكن هذا هو الواقع

ام نور said...

مدونتج عجيبه احلى شي انها بعيده السياسه
قريت كل صفحاتهاا
الله يعطيج الف عافيه

حسـّون الملعـون said...

راح تشوفين الحريم الحمّل طوابير على المستشفيات يبون ياخذون طلق صناعي علشان يولدون قبل المنحة

المشكلة محد يفكر إنه يوفر هالمبلغ للمستقبل لأشياء ضرورية, ثقافة الكويتيين الاستهلاكية تخليهم من الحين بدال لا يخططون للمستقبل, يخططون شلون يصرفون الفلوس

وعقبها الواحد يقعد ملوماً محسورا

:)

why me said...

LOOL

Anonymous said...

انا حسبت اولادي واحفادي طلع المجموع = 46 فقططط
^
^
^
^
^
شايب مزيون

aL-NooR . said...

LOOOL
بدعتي
ههههههه

مريم الملا said...

هههه.. تهبلين :)إي و الله يزاه الله خيرالشيخ صباح..