Saturday, February 5, 2011

الكويتيون في سبووونز



المثقفات: مجموعة من العشرينيات و طاولة كلها لابتوبات و مجلات و قصص

الأسووود: طاولة من صاحبات الكشيش الصفراء الملقبة بالكيرلي .. المتطايرة بالهواء من غير والي .. تكاد الوحده منهم تاكل شعرها مع كل لقمة .. أفواه حمراء مرعبة و أظافر زرقاء مريبة

الفرسان الشجعان: طاولة من الشباب المجسمين اللي توهم طالعين من فلكس .. يلبسون الشورتات القصيرة بعز البرد ومن فوق ملفلفين روحهم بـ كنابل .. أغلبهم شعرهم خفيف و يطالعون بإستحياء

المغبرين: طاولة من الشباب اللي توهم رادين من الشاليه .. يلبسون كروكس و ترينينق أبروكرومبي أجلح

اللازقون: أربعه قاعدين على طاولة عليها بطل ماي واحد .. الكل يروح إلا أهما .. قاعدوون لازقوون

الحجيج الطوافون: مجموعة إما تطوف حوالين سبونز بالسيارة بحثا عن موقف .. أو على رجيلها بحثا عن طاولة

المغامرون المستعرضون: أصحاب السياكل .. يلبسون الخوذات .. كل واحد حاط خوذته عالطاولة و مجابلها تقول مرته .. جينزات ضيقه تقلب الجبد و جاكيتات سوداء فضائية .. يعطون الرايح و الجاي نظرات حادة

الفراعنة: أصحاب الغتر و الشماغات .. و النسفات الحديدية و نظام زقاير و طفايات و خلي العيون تحكي

السفراء: زوج و زوجته و طفل و أربع فلبينيات


وكل واحد في قلبة يقول : يا أرض تهدي ما في سبووونز أدي



نسينا أحد ؟


الصورة لقيتها في قوقل إيماج .. نعتذر لأصحابها

15 comments:

Frankom said...

الله وناسة .. فجأة لقيت نفسي أنضم الى 3أحزاب في هالبوست ... ماني قايل أي واحد منهم أخاف يصكوني بعين :)

SHOOSH said...

Frankom
========

ثلاثه مرة وحده

اتوقع ؟

Anonymous said...

كللللللوش ,, ابركها ساعة

هذا حال مرافق البلد في كل مكان تقريبا نفس المشهد حتى في قهاوي الشيشة ,, في المحمعات على البلاجات الاكواريوم وممشاه الرياضي وانا واحد من رواده يومياً .
اللي انتي شفتيه ياشووووش بعين الناقد شافه غيرج كذلك ,, وغيرج شافه العكس شي صحي وطبيعي مع تواكب العصر والصرعة ولكا زمان رجال ونساء نخاف منها وعليها ,, ومثله زمن البخار والغبار البعيد له صرعة لا شك ( مختلفة )<.....عيدي ترتيبها

شافوا بالنت وعالم الشبح وحققوا للخيال واقع ومفروض

ليسوا الخيال وشفناه فيهم حقيقة ,, وهاذي الحقيقة الحلوة
المرة
مادري عنها ,,لكن لها مذاق يتذوقه كما تذوقتيه مر ويمكن انا برضك
ويمكن غيري يستسيغه حلو مذاقه ومقبولة صورته ومهضوم باللبناني وفنتق بالكويتي وجهل بالاسلامي وهكذا نختلف ,,
الاشياء حولنا منابع واحدة
ومذاقاتها مختلفة
ولها مشارب
بس بالفعل نسيتي واحد ماذكرتيه
^
^
^
^
^
^
شايب مزيون
:(

SHOOSH said...

شايب مزيون
===========

نسيت منو ؟

Anonymous said...

شايب مزيون
:(
^
^
^
^
^
^
شايب مزيون
:)

why me said...

lol


وصفج صحيح

Unknown said...

لي اضافة على هابيوست الجميل بما اني ارتاده كل ربع سنه
ابي اضيف مجموعة

الساحرات: اللاتي لا ترى منهم الا اعينهم المكحلة باستخدام واحد طن من المادة السوداء
انهم ياتون فقط لسحر الشباب باعينهن
يكاد الشاب ان يكتب عشرين شعرا من المعلقات وهو ما يدري عن نفسه

Anonymous said...

لووول
صراحه وصفج كله عجيب ودقيق ميه بالميه

بس في شغله وحده مافهمتها بالبوست

السبووونز ؟؟ هذي شنو ؟

هل اعتبر شخص مو عايش بالكويت اذا ماعرفتها مثلا ؟؟

شكرا

SHOOSH said...

Anonymous
==========

لوووول

سبونز هو اسم مجمع المطاعم اللي شفن فيه هالسوالف كلها

SPOONS

لازم تروووح

Anonymous said...

Anonymous
==========
واقع الصورة وصورته

spoons =:) ملاعق قفاش

يعني شي متعلق بالطبيخ

مو معهد اكيد

لازم تروح على قولة شوووش ,,
وتقعد على طاولة بكرسيين
وكماي

وتحط جدامك كأسين عصير ووردتين
كل وحده يسار الكاسين
ومثلي
وصورة من بعيد
وَحَت برأسين
صورة واصل
والمراية فصل
وتطلب شمعتبن
وتخلق لك واقع حصل
جو على اساس
خالي من الاحساس
الكرسي الفاضي
محجوز لمجهول ما وصل
حتى تقدر توهم المتوهم
واللي يترقب حابس انفاس
بأنك ما تاكل
لين هي تاكل
لانك تنتظر وراضي
بنفس الوقت
تقدر تقرأ الرسم
كل الموجودين فاهم
وانت الجاهل
والكل اصنام نحت
وانت الوشم
وتشوف الصور
هم الهدف والعدل
وانت السهم المايل
هم العليّين فوق
وانت المنحدر تحت
وهااااذا العشم
دواليب ماحنا ومـحور
والشوووف سهل
وماهنا كامل
اللي صرت عوق

***
اللي صرت منهم صورة
قابل لاي صورة جديدة
قبل لا تكون صورة
جلست بعدك تصورك صورة ,
كلنا صور كأوادم
بنظرة وحيدة
.نغتزل صور
ومن بعد
نتصورها صورة
بألوان فريدة
***
التصوير اضداد
في الزحمة وثري
الباطن فينا يكنز
ذكرى
في كل لحظة قادمة
تخطرنا ورى
لنكون الآتي
صوووورة
.غير مُـمنتجة
واااااقع
وصورة طبق الاصل
و ,, ان الاصل صورة
ومثلنا,
نبقى صور
تختلجنا صور
صورة حنا ذات وجهين
تقطعنا مراية
نمتهن التصوير
ويمتهنا
قبل لا نحكيه
يروينا رواية
في الحقيقة والواقع
***
سؤال ماهو واقع الصورة وصورته؟
سؤال

لااااا تورية
^
^
^
^
^
^
شايب مزيون

SHOOSH said...

شايب مزيون
============

إنت شاعر ؟

كلامك صعب

ما أفهمه

Anonymous said...

ظلام يانور
مسا ياشووش

لالا ,, ماني شاعر
لكني اقرااه بحدود النظر
اشوفه ويشوفني
والأفئدة تشوف
اقوله أحيان
حتى ماااا افهمه
لا تحطين في بالك انا ما اقول
انا اكتب
شعر و مكشوف مايصلح
الحديث إذا صار يرمي مباشرة
اصبح حديث عادي
وان غلفناه وصورناه
تصعب على اللي يقراه
اصبح شعر
ويفهمه اللي
يدور معناه
ويتبع خطاه
***

يمكن صعب
مثل تفسيراحلامنا

والاحلام معكوسة الجد لعب
وانتي الكاتبة للجملة

وفاهمة تفسير المفردة
المربوطة بسلسلة
واكيد خبرة بالحياة

اتصور , أظن
***
انا قريت سطورك
وسايرتها

خذت منها جـمل نشتني

وانتعشت
واللي ياخذ يعطي

وانا سايرت الخطوة
ومشيت على السكه اللي
مشتني

تحيتي لكرم قرايتك

للأفئدة

Anonymous said...

اللللللل فيه ايه ياقدعاااان

شايب مزيون
كل هالاسطر عشان بس ماعرفت السبونز ؟؟

عيل لو قايل اني ما اعرف انقليزي
100%
جان كتبت بوست اعتقد
:))

اشكرك يالشايب
واشكرج ياشوش
على التوضيح


اخوكم اللي ماعرف كلمة سبونز

:)

Anonymous said...

الله يضحك سنك
يالحبيب
المهم انك فهمت الاسطر

ولاهو مهم عددها
وتستاهل
اللي شجعني ارد عليك
مو سؤالك عن السبوووونز
هوه رد شوش لما قالت لك لزوووم تروح

-----
وحنا نكتب
والخيال خصيب
والمهم نتابع ونباشر
ولا نقطع حتى لو نسهب
ونحس ان الوقت عصيب

كل القصد من اللي كاتبه
للمجهووول عايد
انك تروح وتقعد على طاولة
بناء على اللزووم اللي ملزوم فيه
بغيتك تروح وتشوف كمحاولة
مثل ماشافت شوش كل هالصور
بناء على اللزوووم وعليه
حتى تكون انت القناص
وهم الطرايد المفابله
و العكس تكون انت الطريدة
الكل طريدة داخل اقفاص
والكل صايد
وهاذي الصور اللي نشوفها
واللبس شايله
ماحنا إلا صور
ناقد ومنقود
وماحدا كامل
صور لها وجهين
طارد ومطرود
وعاقل ونمرود
الوردة والعصير
حتى توهم الواهم
البعيد الخطير
اللي يترفب بعيد
غايب وموجود
هوالقناص
اللي حابس انفاس
استاذتنا
شوش
اللي تتصيد حتى تكتب عنك بوست
بسسس


يالطيب مرحبا فيك

^
^
^
^
^
شايب مزيون

ترانســـجندر وأفتخــــــر ،، said...

صباح الخير
:)))
إبدااااع هههههههه تسلم ايدج على الموضوع