عاد ولا أنا ذاك اليوم عندي إبره لازم آخذها
رحت أنا ومعاي إبرتي المستشفى و دخلنا غرفة الضماد
ولا ما تشوف عيني غير ذيك الممرضه .. طويلة شلووون كبيره شلووون متينه شلووون مرعبه والله مرعبه
جاني إحساس إن الإبره هذي بتكون من أصعب ما مر و بيمر علي بحياتي
دخلت أنا اللي بالنسبه لها أي الممرضه
صغيره شلووون .. ضعيفه شلووون .. جدا جدا وديعه .. دخلت و بكل لطف يغلبه الخوف وسلمت
شوش: السلام عليكم .. صوتي يرجف و بالكاد ينسمع
الممرضه: و عليكوووو السلااام .. إخلــعي
شوش: نعم ؟؟
الممرضه: إخلــعي يا بنتي مستنيه ايه ؟؟ أخلعلك مسلا ؟؟
شوش: لا يبا اخلع لحالي ما حاجه تخلعيلي .. انشالله عمتي
و تزهب ابرتها زي الأفلام
شوش: شوي شوي الله يخليج
لاحظ عزيزي القاريء اني قلت لها الله يخليج
ما قلت الله ياخذج مثلا
الممرضه: يالله بأه بلااااااش دلع .. هوووو أحنا في مستشفى خااااااااص ؟
قالتها بنزره دوت كالرعد
يعني انتي جايه يا شوووش مستشفى حكومي .. الرأفه و الحنيه ما تنعطى الا بالمستشفيات الخاصه
شوش: لا مو خاص بس عفيه شوي شوي ترى أخاف
لا حظ عزيزي القاريء اني قلت لها عفيه
و لو شمعون بيريز شاف وجهي حزتها اقسم بالله كان قلبه رق و حن علي
الممرضه: اللللللله !! و بعدين بأه !! أنا ما عنديش إلا انتي !! إبئي ادلعي على أمك يا روح أمك
تماما تماما .. بالضبط .. قالتها كالأفلام
شوش: وجع زين و خري ما ابيج تغزيني
انا هنا يكون عبالي أثرت فيها
الممرضه: ده يبئى خير و بركه .. ناس جايه تتدلع !! مش كفايه مريضه ؟
وللأسف .. مازلت أدور بإبرتي .. يا حيف على ناس هالزمن ما ضل فيهم حنيه
12 comments:
loooooooooool
شرقت كثر ما ضحكت
امبيه قاعدة اتخيل ويهج
مووو صج
هههههههههههههههه
ya 7bebtee t3aale ana agzich blaaa hl masreya blaa b6eekh ;*
loooooooooooooooool
كسرتي خاطري
سلامات يالغالي سلامات
خطاج السو يوبا
او مالج الاتاخذين لج كورس وتعلمية اتقزين روحج او كان الله غفورا رحيم
ههههههههههههههه
حبيبتي
بدعت فيـــــج
هالمجرمة
الحمدلله انها ما قزتج
ولا جان علوم
************
ول ول ول شنو هذا!!
هذي صج صج مرعبه
ليش اسلوبها جذي .. تدري انج خايفه خل تصير حنونه
وين ملائكة الرحمه اللي ذابحينا فيهم
اشوه انج ما خليتيها تقزج.. ترى هذيلا متوحشين.. الابرة بدون شي تخرع بعد تقوم تطقج حيل.. ما يسوى عليج
و سلامات
اما الصورة اللي حاطتها تحفه
:)))
ماعندج سالفه!!!!
تعالي عندي
وانا اخلي هندية من هالسسترات الزوغ اللي اتقولي اشويريا بكبرها واقفة جبالج...
واتقزج بحنيّه..
ولا ابلاش بعد ولا منّة الخاص..
تعالي بس أهووو
ماعندج سالفه!!!!
تعالي عندي
وانا اخلي هندية من هالسسترات الزوغ اللي اتقولي اشويريا بكبرها واقفة جبالج...
واتقزج بحنيّه..
ولا ابلاش بعد ولا منّة الخاص..
تعالي بس أهووو
صارت فيني قبل 6 شهور مع دكتور وأمام كل مراجعين المستشفى في الفروانيّة !!
LOL
وااااي ، شريرة بصراحة
الحين المهم خذيتي الابره ؟؟؟
Post a Comment