Tuesday, October 26, 2010

عظــــامي




بينما أنا منهمكة في العمل ..لا أريد أن أضيع أي جزء من الثانية




على برامج تسلية المراهقين .. من تويتر و فيس بوك و ام اس ان و غيره




و بينما كنت أنهي أحد التقارير الثرية اللتي أكتبها




و أردت أن أضع عليها صورة شعار الشركة حتى يتبارك التقرير




و بينما كنت أبحث في فولدر الصور




و جدت هذه الصورة الغريبة




و ما استوعبت وش هي




حتى أسعفتني ذاكرتي الغراء .. حيث عادت بي إلي يجي سنه وره




عندما سقطت و ما أدري شصار في يدي




المهم انتهينا بجبس لمدة ثلاثة أسابيع




و هذه أحبائي القراء .. صورة أشعة عظــام يدي الفقيره لله





مازلت أتذكر الدكتــور و أهو يقولي: إنتي من صجج ؟ طيحة نفس هذي تسوي فيج جذي ؟




عندكم عيش في بيتكم ؟




إنتي تاكلين ؟




طبعا كان يتكلم باستهزاء و يضحك بحكم ان الطيحه كانت بسيطه ومو من مكان مرتفع




هممم أخبي عليكم ليــه ؟؟ تقلبت على سريري المنخفض و اندمجت وانا أتقلب و خذت راحتي و خلص السرير علي فجأه و طحت




بس جذي .. طيحه بارده ما كان فيها أكشن




المهم




الدكتور كان يقول عظامي عـامله زي أعواد الأكل هذي اللي ياكلون فيها الصينيين




الجب ستيك




تشوب ستيك




إسمها سبه يا لطيف




يمـكن بحـكم إنك تـاكل فيها و تحـط الأكل داخل فاهـك و بالتــالي غصبا عليك تسكت فعشان جذي إسمـها




جب ستيك ؟




جـــايز




مــا علينا






المهم: أنا أتطنز على عظــامي كيفي .. ملوووتي .. اللي يتطنز فيكم يــاويله و يا ســواد فجره و ظهره و عصره و ليله




وبعد: ايش رايكم في كــلمة فــاهك ؟

11 comments:

SHOOSH said...

الصورة الأولى أكيد يدي ذاكرتها

الثانيه تتوقعون رجلي و اللي بالنص هذي الركبه ؟

ولا يدي من زاوية أخرى ؟

أبوفلان said...

هاذي عظام ولا بايبات العدساني :)

الظاهر عندج نقص فيتامين سي او كالسيوم لازم تشربين حليبه وايد عشان عظامج تصير قوية :p

بعدين مايجوز تحطين عظامج عوره هههه

Sweet Revenge said...

اكيد تشربين بيبسي وايد ومشروبا غازية
سلاماااات
بس لاحظة كل طايحة كل متعورة
يبا اقري علي روحج الظاهر تقاريرج مميزة :)
والزملاء والزميلات حاطين عينهم علي الشعار
:)

SHOOSH said...

أبو فلان
========

جزاك الله خير يا شيخنا

:)

مركبنا said...

شوووووش

ودي اتعاطف ..
بس بسم الله عليج الماساة تحولينها ضحكة


ديري بالج على نفسج ياقمر

Anonymous said...

From the dray on the right it seems u have osteoporosis (hashashat 3e'6am). It is unusual to occur in young age unless there are other risk factors such as poor nutrition. The dray on the left shows mall alignment of the Ulna (maybe because of the fracture). I recommend that u visit a endocrinologist

SHOOSH said...

Anonymous
==========

U sound pretty much like a doctor !

Anonymous said...

الاشعة الثانية اتوقع للعمود الفقري ( خاصتك ) وباينه الحدبه عند الزاوية ,, عجزت ياشوش بعز الطفولة ,, فاهك احلى كلمة قلتيها بالبوست ,, اشرايك بكلمة خاصتك ؟

كله متكسره عظامها ومتحطم قلبها ومتزلزل كيانها ومـّحول مصرانها وناقص زادها وشرابها ,, شوش لو الواحد يوديج اسبانيا شيقول لهم ابي قطع غيار كامله لهالبنت وعلى حسابي ؟؟ اشرايج اسويلج استنساخ كلفة اقل بواااايد يامعودة ,,لا لا اتغشمر ان شاء الله تتعافين وينجير عظمج ولو انها جات متأخرة سنة هههه

بنت الشاميه said...

شوشو احلي شيئ جب ستيك
لووووووول
عجبه التحليل .... بس منظقي
اما عظامك فهي من اجمل العظام بالعالم
والا من اللى يجراء ويقول غير جذي
ههههههههههههههههههههه

منغث منكم said...

عظام ضعيفة وما تتحلم النتيجة جسم رشيق مو اتييج وحدة فاجة حلجها وكله ان ان وماكو آوت وبالأخير وين ماتروح كله يعطونها آوت!!!

وسلامتج

عبدالله said...

يحليلهم عضامتج

: )