Wednesday, October 13, 2010

شوووش في معرض الكتاب



مســاء الخيــر


تغطية شوشية سريعة لمعرض الكتاب


طقس من طقوس الشوش ضروري تعرفونه


ما أروح المعرض الا أول يوم و الصبح


انا و اللي يفتتحون المعرض ندخل يميع


أخاف بس


اليوم أنا أصلا شهدت تفرقه عنصريه


صافطه عند مدخل قاعه خمسه


باب مشرع شكبره .. جيت بدخل ولا يقولي .. لأ لأ .. خشي من قاعة ستة


بيني و بين قاعة سته مشي عشر دقايق


ليش عاد سيبني أخش ؟


طبعا هذي أنا بالمصري .. شي عجيب


لا يا ستي ما ينفعش هنا الافتتاح


اخش بسرعه محدش يشوف


محدش ايه مش شايفه الناس دي كلها ؟


تركته و مشيت لي مدخل قاعه سته .. كان للجناح الكويتي و السعودي المساحه الأكبر


القطري دار نشر وحده و كانت هيئه عامه نسيت اسمها


الاماراتي ثنتين


العماني وحده و هم مؤسسه حكومية


كتب عن تاريخ الكويت و جغرافيتها و قبائلها و الأنساب


السعوديه مليانه كتب دينيه و سيرة و صحابة و كتب تطوير الذات المترجمه


تعلم كيف تصلح البانشي


كون صداقات في ثلاث أيام


كيف تصبح موظف بشوش


طبعا في عدد جيد من الهيئات العامه الي توزع منشورات مجانية


تالي عاد صالة خمسه


هذي فيها المصري و السوري و اللبناني و قليل من الأردني و التونسي و المغربي


الجناح اللبناني يليه السوري كانوا الأفضل بوجهة نظري


كتب صراحة متنوعة و قوية


كتب جغرافيه سياسية إقتصادية فلسفيه و مطبخيه و فنيه و شعريه و نكتيه و كل اللي بدك


كتب في الديانات و في الأساطير و في الخرافات و الخزعبلات و السحر و تربية الحصن و صنع الكب كيك


في سكشن للأطفال و سكشن لبرامج الكمبيوترات


و جاليري فنون تشكيلية


أنا شريت بما قيمته ستون دينار كويتي و سكر المعرض عالأخير


المعرض بصفه عامه حلو و قوي و منوع .. فيه كتب قيمة للي يبسط و يدور و يقلب الكتب و ينشف ريج اللي يبيع مثلي


أطلع قيمة الكتاب قبل لا آخذه


في الجناح اللبناني واحد شرح لي كتاب كنت مختارته ..بس للأمانه أنا ما قلت له اشرح .. اهو رز وجهه و شرح لي


آخر شي قلت له طيب كم الكتاب ؟


قالي أربعه وبعد الشرح سته


قلت أجل خله عندك


مادموزييييل ولو خدي بلااااااش إزا بدك


في مكتبه مصرية نسيت اسمها عالطرف .. عينه علي .. كل ما رمقت كتاب بنظره


جه يركض و مسكه .. بووصي حدرتك ده أحسن إصدار نزل سنة 2010 في الموضوع ده


كل كتبه أفضل .. ما عنده كتاب ثاني أفضل إصدار


يا ويل حالي


المهم .. ملاحظات شوشية


مازلت مو قادره أفهم الدوار اللي قدام قاعة سته .. كل معرض أقول لا هالمره بتعلم عليه


يا اخي مدري كيف صاير .. اليوم صرت وجه بوجه مع دوريه


لا ولما صار قدامي أأشر له بيدي إرجع ورى


يكون أهو داش غلط يعني


لوووول


زوالي المعرض هالسنه مو جديده .. ما كان في ريحة بتكس مثل آخر مره


و حاطين تحتها وايرات شكثر أتوقع للإضاءة .. أنصح الشابات ما يلبسون كعب عالي


أنصحكم تروحون المعرض جدا حلو


و طبعا اللي بالصورة مو أنا .. هذا أمير الحمالي الهندي


على فكرة .. أحذر من أي تعامل معاه .. هذا أنا حذرتكم


ما شال أكياسي إلا ساعة ولما جيت بعطيه دينارين ونص بغى يشوتني


زين ما خذه أكياسي و راح


يقولي ثاني ماما يعطي أنا خمسه سته شنو دينارين و نص


لا و هذا انا مشربته عصير و موكلته كتكات


والله قوي عين .. انا شريت لي بيبسي و أخذت له بطل ماي من كيفي


أخذ الماي مني و حقرني كلم الهندي اللي يبيع ورده و أخذ عصير


لا ومو عاجبته


يقولي أبي خمسه


المهم


كنت أدور كتب في المذاهب الإسلاميه غير السنية


يكون يعني أتكلم بصورة غير مباشرة


بس ما مداني ألقى شي .. راح أعاود زيارة المعرض السبت إنشالله


روحوا لا يطوفكم

9 comments:

Unique Girl said...

امبيييه والله احتريييت ابييي اروح

انا باجر رايحه رايحه انشاء الله

والله ونااسه

Nikon 8 said...

شكرا على التغطية
أنا بروح علشان أشتري كتاب زميلتنا
سبمبوت
:)

SHOOSH said...

أكيد إخوانا المدونون و المدونات يستاهلون كل دعم و تشجيع


Q8 Dreamer

منزله كتاب مذكرات بنت بطوطه

انشالله اقراه واعطيها ريفيو زي ما وعدتها

و أحمد الحيدر ما ننساه

و سبمبوت أيضا

:)

7osen said...

و طبعا اللي بالصورة مو أنا .. هذا أمير الحمالي الهندي


هههههههه

والله ضحكتني هالجملة واااايد

خووش رحلة

أبوفلان said...

شكرا على الريفيو

ان شاء الله لي زياره يوم السبت :p

بس وربي قهرتي الهندي لو طايح بايدي جان كفرت فيه

عيل يبي خمس دنانير ! والله خمس اصابع تلصق بويهه

esTeKaNa said...

يا صباح الثقافه
:)
عيل تقولين ما دخلج من باب الافتتاح؟
والله حرني
!!
جان قلتي له انا شوش على سن ورمح
وخذيتي مقص هالكبر ومربط بشرايط
وسويتي الافتتاح
:P
خووووش رفيو
انا اذا رايحة بروحي اخاف من الحمالي اللي يمشي وراي تلقيني اشيل الكتب على قلبي ولا اعطيه
هههههههههههه

خوش رفيو
ربنا يسعدك يا بت يا شوش
:**

الليوان said...

تغطية تشكرين عليها

طبعا المعرض له نكهة خاصة
واليهال بعد ينطرونة

مشكورة
:)

Safeed said...

دار الهادي
في الجناح اللبناني
ودار الأمير في نفس الجناح لاصدارات
معهد المعارف الحكمية
ثم أودع المعرض كالعاده

رورو الشخبوطه said...

شوقتيني اروح له مره 2 ..

رحت له امس بس كنت محدده شنو ابي فماافتريت وايد..

ماقلتيلنا شنو شريتي؟؟

وقراءه ممتعه..