Sunday, October 10, 2010

أسعد شوووش 10/10/10 يسعدك الله



تاريخ اليوم مره حلو


10/10/10


و بما إني ما أقدر أتزوج اليوم


لأن ما عندي كوشه


ولا أقدر أجيب جاهل


لأنو أمـــانة(ن) ما يمدي


فــ يــــــــــــــارب


يصير لي شي حلو .. أو يتحقق لي حلم أو أمنيـــة


علشان يلزق هالتاريخ براسي و يكون ذكرى لشي حلو صار في حياتي


يعني أنا مش من محبين التواريخ و هالسوالف


بس يا أخي كل ذكرياتي بتواريخ عفسه .. ولا عيد ميلادي عاد


ما في رقم مو موجود فيه حتى الصفر صافط


بس تاريخ اليوم شكله حلو حسافه يطوف علي


المشاركه عاد مطلوبه


ساعد شوووش في تحقيق أمنيه أو حلم


برينق لايف تو ذيس ديت


ترجمة


Bring life to this date


أرسل حلم بالعربيه


أو


Dream


بالإنجليزيه


على عنواننا الإلكتروني للمشاركة و ياربي ياربي تقرى بوستي أوبرا


باقي من اليوم يجي


همممم


إثنعش ساعه

8 comments:

why me said...

LOOl

رورو الشخبوطه said...

ان شاءالله يكون يوم مميز لج ..

وموفقه يارب..

عين بغزي said...

هههههههههههه

لا تطلعين بشارع قد يحصل لك حادث
و يرتبط هذا التاريخ بذكرى سيئه

Sweet Revenge said...

بما إني ما أقدر أتزوج اليوم

لأن ما عندي كوشه



جنج نسيتي المعرس ,العنصر الاساسي
:P

سلة ميوّة said...

هههههههههههههه
افا عليج
لو مبجره وقايله هالحجي قبلها باسبوع
جان شفتي البلوقر كله عنوانج وسوينالج عرس بلوقري متواضع على حفلة عيد ميلاد...
معللللشش
11-11-2011 ماقال شي
وكاهو بالطريج


حبي:***

ساره النومس said...

هاليوم يوم ميلادي :)

وبالنسبة لي فهو احلا عيد ميلاد مر بحياتي مع اني ماخذيت فيه ولا هدية مثل كل سنة وكانت تييني هدايا شكثر وغاليين بس كان احلا عيد ميلاد لاني سويت فيه حركة حلوة وايد مع شريك حياتي الي اهو بعيييد حييل عني بس الحركة كانت ذكية وخلته احلا عيد ميلاد اقضيه بصراحة

شقران said...

الغالية شووش

مساء البنفسج


وش صار معاك بتمنياتك؟
:)

.
.


شخبار البرد والجلي
:))))


لكِ مني أجمل وأعذب تحايا المساء

Engineer A said...

في يوم مميز آخر

20-10-2010

شرايج فيه؟ :)