Sunday, October 18, 2009

How To With SHOOSH (Episode1: BlackBerry)



مرحبا مليـــــون


شلونكم و شلون غاليكم ؟؟ عساكم بخير ؟؟


هذي الحلقة الأولى من برنامج


HOW TO WITH SHOOSH



و حلقتنا اليوم عنوانها



كيف تكون مستخدم تكانه للبلاك بيري ؟؟؟



BlackBerry Covers



الشباب: لا تفكر تستخدم الكفرات الربر الفسفورية و ذات الألوان المجنونه و الفاقعه .. بتكون حد الهلاقه لو فعلت .. إنت رجل بالنهايه .. كلش ما تسوى عليك تمسخر روحك آخر عمرك على كفر موبايل .. يعني ما أتخيل رجال كاشخ و رزه و دشداشه و شماغ أحمر وماسك بيده بلاك بيري بكفر وردي فسفوري .. مو شي .. الكفرات ذات الألوان الموو تكانه تخصم من نقاطك وايد .. خل جهازك مفصخ .. مو ضروري تلبسه شي يا أخي


البنات: لا ثم لا ثم لا تستخدمين الكفرات اللي تلامع و إلي فيها فصوص و ترتر و زري و شك و عفسه جنج شايله بيدج دراعه مو موبايل .. نوت سوو كوووووول


شباب + بنات: هذا الحبل مادري شنو اللي تعلقونه بالرقبه حده مليق .. ماله داعي يعني كل واحد معلق موبايله على قلبه .. أصلا طبيا مو زين .. و بعدين يا بنيه ياحلوه .. جم شي بالله معلق برقبتج ؟؟ سلسلتج و لا كرتج الدوام و لا تلفونج .. كفايه



BlackBerry Messenger BBM


الشباب: حدك مليق و آوت أوف ستايل اذا حطيت صورة ورده كصورة شخصيه لك بالبلاك بيري مسنجر .. آنا سيمبلي تلوع جبدي مادري ليش .. و لا تحط صورر نمر و أسد رجاءا .. لا تحاول بأي طريقه ربط روحك بشخصية الحيوانات المفترسه .. ماكو علاقه يعني .. بتحط صوره حط صورتك .. حط أي شي بس تكفى ورده و قلب حب لأ لأ لأ لأ .. شخبـــــاري


البنات: إنتي بالذات لا تحطين صورتج إذا كنتي تعرفين إن صورة ويهج ما تركب .. و تكفون لا تحطون صورة أشواريا و لا كاميرون دياز .. فجأة بنات الكويت كلهم أشورايا


الشباب: لا تضيف أحد ما عطاك إذن تضيفه .. نوت كووووول و إن أبروبرايت .. إذا أحد مسحك من اللسته لا تدز له مسج وينك ما أشوووفك رد ضيفني مره ثانيه !!! ياربي ليش الإحراج ؟؟ تحرج روحك و تحرج الشخص الثاني .. يا أخي ماسحك ما يبيك .. خلاص اللي مسحك بالطقاق اللي يطقه شنو يعني ؟؟؟ لا تحنون الحنه مو زينه


البنات: لا تضيفين واحد ماخذه البين كود ماله مادري من وين و تستعبطين تسوين روحج غلطانه .. هالسالفه بدت أوائل التسعينات .. كانت ناس تدق و تقول وي سوري غلطانه .. بعدين إنتقلت للمسجات .. و من ثم الإيميلات و ألحين هني .. حركه مكشوفه


شباب + بنات: ماله داعي برودكاست كل شوي .. عسى ما ***** إلا دزيتوا فيها برودكاست .. مو حلوه .. الثقل الثقل الثقل



BlackBerry Ring Tones


شباب + بنات: إذا كل شوي يايك بي بي إم و طايحله سوالف خل تلفونك سايلنت .. لا تلج الناس و خلق الله معاك


مع تحياتي


شوش وينفري الد. فيل


39 comments:

Frankom said...

أقوى بوست للحين

قنبلة :)

أشوى ماعندي هالجهاز :)

Sweet Revenge said...

عجيبة والله شوش :)
ماصارت هالبلاك بيري حتي اليهال عندهم

Eng_Q8 said...

مالا داعي بلاك بيري اساسا

اشفيه النوكيا اشحلاته

شعب هبات

aL-NooR . said...

perfect advise ;p


100%
so true

صبـــــاح النور
و النوير
**************

جبريت said...

انا جهازي صار له 3 سنين عندي مو قادر اغيره انتي تقولين لي بلاك بيري وبيبي ام وبن كود شيبيع هذا بعد؟؟؟

انا حدي اقول الو فلان وينك

Anonymous said...

ana a7es el blackberry jehaz maskeen....el nas ehni fahmeena '3ala6 :s

enter-q8 said...

ما عندي غير الجراب ماله
و حذفت الماسنجر ماله بسبب واحد من الربع تليقف و حط اللي الماسنجر الجديد اللي ما توصل رسالته الا بعد ستين سنه
و من وقتها ما نزلت الماسنجر
مستغني عنه بس استخدم ما سنجر جوجل او الماسنجر العادي اذا بغيت اكلم احد
مريح بالي على الاخير

joe said...

ذكريهم قبل منو كان يقول الخيط ويع مال هلاقه اشوف قاموا يعلقونه

يبيله حمله حق شلة الفسفوري والي مجابلين البلاك بيري 24 ساعه

بوستج فسر الصخر

SHOOSH said...

Frankom
========

يبيلك واحد

:)

SHOOSH said...

Sweet Revenge
==============

إحم إحم

ترى آنا عندي

:/

بس ما أهلق و أحسر روحي فيه وايد

SHOOSH said...

Eng_Q8
=======

ما فيه شي النوكيا

و إلي ماله أول .. ماله تالي يا مهندس

:)

SHOOSH said...

aL-NooR
========

Yah sooo true

صباحج عسل

SHOOSH said...

جبريت
=====

إنت حدك عملي

:)

SHOOSH said...

7aitho Inna!!
==============

7adhum

zalamoooooooh :/

emnwara :)

SHOOSH said...

Enter-Q8
=========

أكيد صاحبك الملقوف كان منزل لك المسنجر اليديد الغير رسمي و الي كان فيه

BUGS

اليديد نزل يمكن من أسبوع و للحين عجيب و حلو .. شوي بطيء بس

SHOOSH said...

المباركيه
=========

:))

الاوركيده said...

اي والله صدقتي

ولا ازعاج لما يوصلهم مسج ولا قاعدة تسولفين وحدج مندمجة ولا هو لاهي في ال بي بي

:)

eshda3wa said...

ana ashwa emray7a 3mri ma 3ndy BB

YusuF.AsKR said...

هلاااا شوش ,, الحمدلله عالسلامه !

يبااا شبي في بلاك بيري

الله يخلي نوكيا بو لمبه !

أنا من عشاقه ,, بصراحه (:

و هالجهاز مظلوم إعلامياً

أنا بسوي ,, بوست كامل عنه

خوو البلاك بيري مو احسن منه
ههههههههه

شقران said...

الغالية
SHOOSH

صباحك جاسميني

ماعندي بلاك بيري...ولا أفكر أصلا
:)

لكن فعلا ملاحظتك في محلها عن الشباب والكفرات الفسفورية...مولايق أبد...بتركب كفر ركب شفاف أو اللون البلاستيكي العادي



سؤال
يعني شنو برودكاست؟

هل المقصود إن الواحد يدز مسج حق مجموعة كاملة إو شي من هالقبيل؟



مع أجمل وأرق التحايا الصباحية

SHOOSH said...

دمعة المقهور
============

لووووول

الحركه هذي حدها تغث

لما احد يسويها معاي احس ودي أكسر تلفونه على راسه

بس آنا وايد أسويها بالناس و ما أحس

:/

SHOOSH said...

eshda3wa
=========

شدعوه يا شدعوى ؟؟

:)


يبيلج واااحد

SHOOSH said...

الغالي شقران

صباحك خير

وي ميسيوو

برودكاست يعني تكتب مسج و يروح حق كل اللي عندك باللست

تحياتي

SHOOSH said...

أبو غرايم
=========

بو لمبه عاد ؟؟؟ بو لمبه ؟؟؟؟

محد احسن من أحد

ناطره بوستك

:)

fatto said...

لووووووول موتيني ضحك خاصه سالفه الدراعه :)

انا ماعندي اياه والا راح يكون عندي اياه انشاءالله :)

SHOOSH said...

fatto
=====

ترى حلو و يونس

بس لا تلبسينه دراعه

:)

mo3ath said...

ashwa 6ela3t tekana XD

didn't do anything in the list :D

SHOOSH said...

mo3ath
=======

Good Boy :)

Anonymous said...

hahahaha! Cool post! and I hate broadcast messages illi malhom ma3na

om comment kuwait said...

لووووووووووووووووول حده عجيب
--------------------------------
نسيتي اتقولين ليش اتسوين بردودكاست احبج فلانة و علانة
احنا اشعلينا منها
:))

3ashig said...

I have never used a cover, Id rather break the darn thing! :)

SHOOSH said...

ansam518
========

i hate them too

exactly the ones that say:

ana seb7t

ana bel avenues

!!

ana shako ???????

SHOOSH said...

om comment kuwait
===================

شدراني عنهم

حركــــــــــــات

:)

SHOOSH said...

3ashig
=======

Break it :p

xJaSSim said...

Shoosh 7adich yebteehaa bethat 3ala 6ary e9war el 7aywanat wel ringtones 9ej ez3aj el bashar .. fee shaghla neseteha el names eghayronha sawoha msn messenger topics !!

Shwaish said...

hehehehehhee inta mu 9a7ya i love u :**

Shwaish said...

i think i said inta, hehehe i mean intay omg shoosh bamoot itha manimt bamooooooot

SHOOSH said...

xJaSSim
========

will add it to the list

:)

SHOOSH said...

Shwaish
========

I love u even more

mwaaah

:)