Friday, October 30, 2009

محــــاولات شــــوشيه



محاولات بائسة مني للبحث عن هــواية


إلا غصب يصير عندي هــوايه مالي شغل


غير القراءة و النت و السوق و النوم و الأفلام


أبي هواية من نوع آخــر


حاولت أكتب طلعت فاشله


بصير شاعرة غصب .. بيتين على بعض ما عرفت أركب


قلت برسم .. كل ما مسكت الورقة لا إراديا أرسم رسميتين ما أعرف أرسم غيرهم من كنت بالإبتدائي


قطوه لابسه شباصه


و سيـــارة طالع منها دخــان


اللي يشوفها يقول صــاروخ باتريوت مو سيــارة


لا و دايما أرسم الجامات فيها حماية ما أدري ليش


بس أهم شي إن سيارتي ب تايريـــن فقط مو أربعة


لووووول و نسيت قمة التناقض بقطوتي


لابسة شباصة بس كله أحط لها شوارب مادري ليش


المهم .. ما نفعت رسامه .. قلت أصير رياضية


دشيت جيم و حاشتني السواين فلو .. أتوقع هذي كانت إشــارة من الله يحاول يبين لي فيها إن إنتي وين و الرياضة وين


المهم .. قمت أصور


ما ظل قلم .. ما ظلت كيكة .. ما ظلت وردة ما ظل قوطي بيبسي .. كل شي صورت


ما يصير يعني ما أفلح بشي


حتى جاءت هذي اللحظه


وإلي كنت فيها على الشاطيء


و لقطت هالطير


و صورته خـــوش صورة


شــــرايكم ؟؟؟ أنفع مصــورة ؟؟


خلوني آنا .. شرايكم بطيري بس و الحركة الرياضية اللي مسويها ؟؟


حطمــــــــــــني

38 comments:

sakba_boy said...

great shoot :D

الزين said...

شوووووش

ترى الصوره عجججبه

والله ما اتغشمر

خوش لقطه

:)

reemas said...

واااااو
بصراحه لقطه روعه
لا عندج امكانيات تصويريه ممتازه
انصحج تكملين بالتصوير
انا بعد احب اصور
بس انصحج تقرين عن الكاميرا
اساسيات التصوير
و لما تتمكنين من الكاميرا
استخدمي خيالج عقبها

هالحـــــزة said...

التصوير احسن من التدخيين

على فكرة الشباب الكويتي ما يدخن حبا في التدخين ولكن لنقص عامل الهواية عندهم

وخوووش نسر مصورة ..

نتمني المزيد والمزيد

ابوالوليد said...

توفقتي بالصورة

لو ناطرة شوي على الطير تلقينه مسوي دحرجة أمامية

Enter-Q8 said...

Nice Shoot

شوش مدام انك تعرفين تختارين اللقطة
مو شرط انها تصير هواية و لكن اصقليها في مواقع وايد تقدرين تستفيدين منها على الاقل مثل ما قلت لك مو شرط هواية على الاقل خبرة
و يرحم والدينك بطلي رياضة مالنا خلق كل اشوي صورك و مره دريب مره دوا قمنا نحاتي و ما نسلم على الناس بايدنا
محدثك حاكي عقالي من الدوام و لابس كمام

Hamad said...

HaHaHaHa ... by the way nice picture shosha :)

SHOOSH said...

sakba_boy
=========

seriously ???

THNAKS !

:)

SHOOSH said...

الزين
=====

والله صج ؟؟


بس تكفين شرايج بالوقفه ؟؟

:)

SHOOSH said...

reemas
======

يطلع مني مشروع مصوره يعني ولا لأ ؟؟

هذا المهم

:)

SHOOSH said...

هالحزه
=======

من جاب طاري التدخين ؟؟

مدونتي ممنوع فيها التدخين

:)

SHOOSH said...

Enter-Q8
========

افصخ كمامك آنا طبت

:)

أحد يداوم هالحزه ؟؟؟

SHOOSH said...

أبوالوليد
=========

لو مفكر يسوي دحرجة جان مــات

ما تحته إلا البحر

عليك غيــاب

من زمان ما شفتك هني

ولكم بــاك

:)

SHOOSH said...

Hamad
=====

Thanks hamad !

does it seriously looks good ?

the credit shall go to the brave bird

wagef wagfat 6eer shooja3

:)

7osen said...

خوووش صورة والله

:)

لازم تكون عندج هواية
بس إنتي دوري عليها عدل

Enter-Q8 said...

هههههه
اي يوبا احنا العين الساهره

SHOOSH said...

7osen
======

تعبت و آنا أدور

SHOOSH said...

Enter-Q8
========

العين الساهره

و لا الساحره ؟؟

:)

مَـــــعْــــمَــــعَـــــه said...

حلوه الصورة والله بس يبيلج تنمين الموهبه وتشتركين بالانديه الصيفيه واذا ما تقدرين الاندية الربيعية

نون النساء said...

ههههههههههههههههههه

قتلتني الحركة

مااااااعبررررررررر الحركات الكوول





ترا على فكرة
الشوت واايد حلوة



بس خربتيها بالفلتر اللي مسويته


ولا هذا عشان حفظ الحقوق؟؟


:P~

نون النساء said...

ههههههههههههههههههه

قتلتني الحركة

مااااااعبررررررررر الحركات الكوول





ترا على فكرة
الشوت واايد حلوة



بس خربتيها بالفلتر اللي مسويته


ولا هذا عشان حفظ الحقوق؟؟


:P~

نون النساء said...

ههههههههههههههههههه

قتلتني الحركة

مااااااعبررررررررر الحركات الكوول





ترا على فكرة
الشوت واايد حلوة



بس خربتيها بالفلتر اللي مسويته


ولا هذا عشان حفظ الحقوق؟؟


:P~

نمووول said...

ههههههههه انتي نفس حالتي تين تصيرين بتاعت كلووووو

بس خوش صور والله تسلم ايدج
شنو الكاميرا الي مصورتها فيها ؟

تسلم ايدج
وبالتوفيق بالهوايه الجديده

SHOOSH said...

معـــمعــه
===========

إسمحلي

صيفي في باريس

و ربيعي فو موناكو

ما أدرشي

SHOOSH said...

نون النســاء
=============

بعد عمري اللي حاطه التعليق

3 مــرات

:****

اي اي

لحفظ الحقــوق

بعد هذي الصورة الوحيدة اللي طلت فيها

أخاف أحد يبوقها و يقول مالته

:)

SHOOSH said...

نمووول
=======

فوجي

:)

رورو الشخبوطه said...

السلام..

تسلم ايدج يارب..

وانا اعاني من تقشف هوايات حاولت اغير اطلع شي يديد ماكو نفس هواياتج زيدي عليهم القرقه ..


ومرسوو..

SHOOSH said...

رورو الشخبوطه
=============

و ايدج يالغاليه


آنا ما أقرق وايد


يسحبون مني الحجي غالبا


:)

Sweet Revenge said...

شوش والله علي بالي صورة من النت واول مابطلت مدونتج سيفتها
ماشاء الله عليج لا يطلع منج
كملي علي هالاهواية
بس الله يعينج مكلفة تري
تخسر ;)

SHOOSH said...

Sweet Revenge
==============

مشكووووورة

ترى أصدق روحي ؟

:)

Anonymous said...

بصراحة يا شوشو الصورة روووعة

شكلج تفلحين تصيرين مصورة يلا مبرووك لقيتي هوايتج خخخ

كادي

نون النساء said...

شسوي كنت مشتطه ومتفاعله

Amani said...

انا شفته عصفوور جااان انحاااش على طووول نزلت الصفحه ... تدرين يا وخيتي فوبيااا العصافير عندي حتى بالصور اعذريني ما تمقلت فيهاا عدل اخااف اقعد اسبووع انهيار عصبي لووووول ....

بس اذا تبين لج هوايه جديده ما اقولج الا خلي كل شي على ربج

يعني

leave everything to God

كل يوم بيومه لا تفكرين بشي ولا تخططين لشي ماتلقيين نفسج الا انتي مسويه مغامرات وهوايات ولا حتى على بالج ولا يمكن اشياء تتوقعيين سويتيها في حياتج حلو الواحد ما يخطط انه يسوي شي بعض المرات مو في خطه حياته كلها على بعضها لانه جذي تصير فوضى و دمار شامل و ارسال سريع لمصح الامراض العقليه من حاله الانفصام اللي راح تحووش البني ادم

دمتي سالمه عزيزتي وحبيت مدونتج وااايد الله يديمها على طوول انشالله تقبلي تحياتي

عبدالرحمن said...

قولي الصج .. شكثر عدلتي فيها بالفوتوشوب

ولو انه الطير شكله بشع
بس اللقطه عجيبه

حاولت اصير شاعري واكتب بيتين شعر
او كلمتين حلوين بس ماقدرت الطير اجلع املح


على فكره انا يوم كنت بالشاليه ووقتها كنت ماشي بنفس الطريج اللي انتي فيه
وشريت كاميرا وصورت صوره مابعدها صوره
حطيتها بمنتدى هواة التصوير وامدحولي الصوره ووصلوني السما
طبعا صدقت نفسي وكل يوم مجابل طالع بصيدلي صوره حلوه

وبالنهايه الكاميرا طاحت بالماي
وتدمر المشروع

Hamad said...

ee wallah it's very nice picture .. my be that is the only thing u will do it well ...





oo don't forget ench te'6leen morasltna :p

Shwaish said...

2ela tinfi3een oo no9 kaman *applauds* a7la 9ora seriously it looks good

فريج سعود said...

وشالي يثبت انج انتي الي مصورتها

او

شالي يثبت انج مو متفقة مع الطير

Engineer A said...

هههههههههههههه

لا تعليق!!

حدج عجيبه وكلج مواهب يا شوش! :)