Saturday, October 24, 2009

مــــزاج إتش ون أتشـــــوووو إن ون



محكورة بالغرفه صارلي أربع أيام


عسى ما شافوا يدة باب داري تحركت إلا صرخوا


وااااااااااااااااااااااااي


دشي داخل


يمااااااااااااااااااااا


لا تطلعيـــــن


أوينــــــك أوينــــــك


بالله هذي اوينك اوينك شتبي؟؟؟


محسسيني إني ذبانه


مو بس ذبانه


ذبانه وصخه حتى ربعها الذبان ما يبونها


الله يالدنيا


يقولون اللي يمرض يدلعونه


وآنا أبوي يقول حق الدكتور ما تنومونها عندكم أحسن ؟؟؟؟


كل هذا خـــووووووووووووووف


الله كـــــريم


وين الحب و الحنان ؟؟ وين السابوووورت وين ؟؟


مو كفاية تخنزرنا ؟؟؟؟


نمت إحتياط لي ستعش سنه جدام


إستخدمت ثلاثتعش كرتون كلينكس في أربع أيام


صندوقين برتقال


أربع صناديق ليمون


ثلاث كراتين بنادول


جرايد الصباح و المساء حتى الوسيط قريتها


رتبت كبتي


رتبت كتبي حسب سنة الطبعه


طبعه يعني برنت مو طبعه الغرقه مالتكم


صلحت الدي في دي الخربان


قمت أخلط عطور


احط فرنسي فوقه عربي و أشوف شيطلع


يا سلام علي .. بصك على سيد جنيد


و أحسن شي إن معاشي نازل صارله خمس أيام و ما صرفت منه شي


ثاني أحسن شي إن بخلص الكتاب اللي قاعده أقراه


عجيـــــــــــــــب و الأساطير اللي فيه أعجب


بعطيكم فيه بوست من النوع الثقافي الفلسفي الشوشي قريبا

المهم

الإغنية القادمه إكتشافي وآنا محكورة بالغرفه


My latest addiction

حلوه


إللي ما يسمعها و يحبها و الله لأطلع له و أعطس بوجهه








ربعي و رفيجاتي المدونين و المدونات .. سامحوني ما أقدر أقرى بوستاتكم الشيقه و لا أعلق .. عندي مرضيه أسبوع .. كلش ما أعبر أجابل الشاشه و الله
:*

و شكرا لكل من دزلي رساله أو حط لي تعليق و تمنى لي بالشفا .. والي ما دعى لي إنشالله ياربي يتخ .. يتخخ .. ماني مكلمه
:)

21 comments:

Frankom said...

سلامات وماتشوفين شر :)

enter-q8 said...

ما ادري حاشني احساس مو شي
احس ان بوستك يعدي يا ساتر
ما تشوفين شر يوبا
المشكله بالانفلونزا العادية ان حتى قراية مالك خلق تصفح انترنت مالك خلق افلام بنص الفيلم تنامين
الله يعينك

well_serviceman said...

سلامات ماتشوفين شر ، انا قريت هالبوست لبست كمام علطول ، بل

reemas said...

لووووووووووووووووووووول

والله قاعد بالدوام مجابل شاشة الكمبيوتر و اضحك
وصفج عجيب للحالة اللي انتي فيها
مشكوورة على الضحكه
و سلامتج ان شالله و ماتشوفين شر
ازمه و تعدي
و اللي يقولج اوينك اوينك عطسي بويهه
و باجر هو يصير اوينك اوينك

تحياتي

Sweet Revenge said...

ماتشوفين شر سلامات
ياربي يخفف عنج

esTeKaNa said...

واي يا بعد قلبي قلبج
!!
اشلون يخلونج بالدار؟
انا اذا مرضت اصير جني طراروه الحرم ،احوس انا وكفري على كبر البيت كل شوي متشرقده بمكان
وخل احد يقولي اشلونج
صيحت
قولي ليش؟
اكسر خاطر عمري
:))
فما حلاتي اصير مريضه ولا احب يخلوني ،مع ان السنع اهو وضعج الحالي انج تختلين بنفسج وتستفيدين من قعدتج ما شاء الله
بس باقي فجي واحد من هالمنتديات سوي خلطات ولقمطي بشرتج واستفيدي من القعده جان حمام زيت جان ماسك
:)))
حبيبيتي
الف لا باس عليج
وما تشوفين شر ان شاء الله
:*

الزين said...

يااا بعد بعدي انتي

يختج لا المدونات ولا الفيس بوك حلو من غيرج


اجر وعافية


:*

نون النساء said...

وااااي يمه لا تدشين البلوقر

أوينك اوينك

هههههههههههههههههههههه



يااااربي



ما تشوفين شر حبيبتي
عااااد ياحبني للتدلع حزة المرض

احس نفسي أصير دعلة على اللي حواليني

وكلوني
شربوني
غطوني
شيلوني

ما اقدر انا مريضه


بس انتي انتحاااار
مرضج معدي لا يبيح لك التدلعن


:P~


ارتاحي حبوبه
عشان تتشافين بسرعه

Anonymous said...

looooooool shfeeech za3lana inna m5aleenich broo7ech law ma sawaw chthee chan ma anjaztai kel hal enjazat el tha5mah :) ma tshoofeen shar

aL-NooR . said...

سلامات
ما تشوفين شر
:*

joe said...

ماتشوفين شر يارب
وطمنينا عليج

بس شدعوه جذي مكبرين المسأله

هالحـــــزة said...

لا لا صج فقدتج ..

ماتشوفين شــر

Hamad said...

ma thofeen shar allah yesahel 3alaich inshallah .. kilha cham yoom o teftakain o terj3een shosha ely n3arfha :P .. bs ma awa9eech hallah hallah bly ma'atheench hathi ur golden chance :D

طموح said...

ماتشوفين شر ياشوشو

احب طريقتج بالكتابه

حركاااااات

DiLLi O MiLLi said...

ههههههههههههه
لااااا سلااااماااات ما تشوووفين شرررر
أجر وعافية أنشالله

:)


أنا من جم أسبوع حاشت ولدي ،،، فنحكرت معاه بالبيت
تم أخلاء البيت بأكمله ههههههههه
بس أنا وولدي والخدم ،،، والجماعه كلهم راحوا وسكنوا الشاليه
:)

قصوا علينا وعطوني التامي فلوو ١٠ أيام
يقولون هذا أجراء أحترازي ،،، يمكن أكون حامله الفايروس



أقوووول ما عجبتني الأغنية
باااااااااااااي
هههههههههههههههههه
:)





قبيييت قبل ما تكحين بويهي
:)

Shaikha said...

ما تشوفين شر ان شاء الله ..
سلامات ، ما قالولج متى تصيرين زينه ؟
يعني هالحاله شكثر بتستمر ؟

الاوركيده said...

ماتشوفين شر

اجر وعافية انشاء الله

الله يقومج بالسلامة انشاء الله

ردة فعل ابوج مثل ابوي وايد يخافون على اعمارهم ومن صجه يعصب اذا قلناله ليش خايف

:)

may said...

الحجر الصحي مشكلة

بس عجبتني طريقتج في استغلال الوقت

سلامات وما تشوفين شر

أجر وعافية

:)

Anonymous said...

Salamat ma tshofen shar

Shwaish said...

7abeeeeeebti matshofeen shar inshala ili mani gayla meen :**

SHOOSH said...

أهلا أهلا

الحمدالله خفيت

عالأليله الحراره راحت

باجي الكحه بس

مشكورين كلكم

و اللي وله علي آنا ولهت عليه أكثر

والله يكافيكم الشر و المرض

:***