Monday, December 13, 2010

قــاتل اللــه الشــاور بـوكــس

طبعـا أنا أخاف أنطق على بوستي


ليش الكل متنشن بالديره اللهم يا كافي


ما علينا


والله يا جماعه قبل حمامي وش زينـه .. جميل .. لطيف .. فريندلي


من يوم ما حاشه التمدين اللي حاش كل مرفقات بيتنا .. و ركبوا فيه هذا اللي اسمه شاور بوكس و انا ما عاد يهنا لي حمام


تبي تعذبني ؟ سبحني


يـــا ربـــــاه


تسبح داخله الجو دافي .. رواق .. تمام .. كل شي اوكي


تخلص تفتح بابه .. يكفخك ذاك الهوى البارد اللي ما يرحم


تقول سابح بــ مخيــم


أعوووووذ بالله


والله قبل لا أكتب بوستي هذا.. ثلاث مرات اشيل شلايلي يعني بروح اسبح .. افتح الباب اشوف الشاور بوكس أسكر الباب و أرجع انسدح عالغنفه


الى ان إرتأيت أن اروح اسبح في حمام الوالده ربي يحفظها .. ليش ان حمامها الوحيد هو اللي ما حاشه الإعمار


أبت إلا يخلونه نفس ما هو


جيت عاد بغسل شعري .. أدور شامبو .. وإلا إيش ؟




يا اللـــــه .. شخباري !! سلفكــــرين ؟


و نكهة بيض ؟


شعــر باهت ؟


لا حول ولا قوة إلا بالله .. أنا قريت بيض و باهت حاشني إحباط .. الظاهر أمي تعاني مع شعرها


ضاق خلقي عليها .. خاشه كل هذا بقلبها


ما علينا .. بيض بيض


طبعا سبحت و خلصت .. و قلت أنبش بأغراض أمي .. دام الشامبو بيض .. أتوقع معجون الأسنان نكهة تمـر


والله ولا خــاب ظني .. دورت معجــونها و لا ايش ؟




نكهة ســـواك .. مـع فلــورايد


لا حول ولا قوة إلا بالله .. ســواك عاد يا يمه ســواك


لا ولقيت درج حاطه فيه نص كونديشنر .. ربع قوطي حمام زيت .. شاور جيل مال جفنشي


إكتشفت إن أي شي آنا و خواتي نطلعه ما نبيه تاخذه و تحطه عندها


بغيت أدور أكثر .. بس الله يهداها رجتني


كل شوي طاقه الباب .. لا توصخين حمامي .. لا تلعبين بأغراضي


المهم عاد ..عقب البيض و الســواك انا إكتشفت أن أمي


أووووورجانيـــك


و أتــوقع فيجيتيـــريـــان بس مستحيــة تقـــول

9 comments:

~أم حرّوبي~ said...

ههههههههههههههههههههههه بوست عجيب
كله بصوب وسالفة "كل ها خاشته بقلبها بصوب"

يسعدج ربي :)

شاي الضحى said...

لوووووووووول

يحليلها امج

ترا البيض زين للشعر

والمسواك زين للاسنان

وعلى طاري الشاور بوكس كان بحمامي الي ببيت امي وتواجهني نفس المشكله من ابطله ركض على الفوطه

اشوه الحين ببيتي افتكيت منه هههههه

الله يعينج

ذات عقل خشبيّ said...

Loooooooool wallaaa '97aaakteeeeniii wanaa malii 5elg


Ya7loohaa ommiich allaah y5aleehaa lekuum ;*

الزين said...

حدج عاد عن خالتي زينة الخالات

وشووله تنبشين باغراضه

بلاغة الشف موبزينه يا بنية

Sweet Revenge said...

الله يحفظها بس الصراحة هذا احسن شي ماكو علي المنتجات الطبيعية ولا الكيميائية ولا بيزة

NewQ8 Bride said...

وااااااي تهبليين

يا زينها امج و الله يخليها لج انشالله

انا امي جذي لما ما ابي شي يا حياتي تاخذه يا زينهم و الله الأمهات

عاد انا احب الشاور بوكس تصدقين ؟؟؟ احس بالحميمية

شاريج و انا اقول حميمية
موفقة حبيبتي

why me said...

يا حلوها


:**

eshda3wa said...

zain mayseer tesbi7een welbab open?
sab7ay el7amam shelmoshkila

SiLeNTGRL said...

LoooooooooooooooooooooL
زين مالقيتي الشامبو الأحمر ولا الصخره السوده جان شسويتي
الحل حق مشكلة الشور بوكس تعلقين الفوطه يم الباب وتنشفي داخل الشور بوكس وطلعي هذا احسن حل