كويتيه كيوووت
هذي ما تطلع إلا بالويك إند .. موعدها كل خميس الساعة عشر بالليل .. يا تروح الأفنيوز يا ثري سكستي
كل خميس الساعة عشر تكتب
كويتيه كيوووت: وااااااي زحمه .. أوووف ليش طلعت ... صارلي ساعه أدور مصفط
وتحط لنا صورة المواقف مادري ليش
كويتيه كيوووت: ويييع متروس ناس ..واااي شنو هالأوادم .. هلااااقه
دام حضرتج ما تحبين الزحمه .. ولا اللويه و الهلاااقه على قولتج .. شكو ما تطلعين إلا تالي الليالي بالويك إند ؟؟
باجي الناس هلااااقه و إنتي مرفوع عنج القلم مثلا ؟؟
مريووومه أل
مريومه أل: وصلت بيروووووت
بعد ساعه
مريومه أل: جو بيروووت مو طبيعي
بعد نص ساعه
مريومه أل: قاعده بالبلكووونه
بعد عشر دقايق
مريومه أل: ويع مر علي قطو
بعد دقيقتين
مريومه أل: قاعده آكل فلافل
مريومه أل: وااااااي فلافلهم مو صج
مريومه أل: كله منكم غصيت
مريومه أل: سبحت و لبست بطلع
مريومة أل: بالتاكسي
مريومه أل: واااااي تخيلوا !!! ضيعنا
مريومه أل: واااحد حلو مر علي
مريومه أل: لا لا لاااااا .. أمبييييه صندلي انقطع
سؤال: إحنا شكو ؟؟
البنات يحبوني
هذا واحد ما غير داز بوسه حق فطومه .. و قلب أحمر حق ساره .. و إغنيه حق شيخه .. يوم الجمعه يقلب
البنات يحبوني: صلاة الجمعه يا شباب و لا تنسون سورة الكهف
البنات يحبوني: ربي إغفر لي ذنبي و يسر لي أمري
البنات يحبوني: اللهم أنت العالم بذنوبنا .. فاغفر لنا و ارحمنا و توفنا مع الأبرار
البنات يحبوني : عن ابن القيم رضي الله عنه ...... ؟
اش سالفة الأدعية ؟؟ يوم الجمعه تقلب من قيس إلى حسن طنون مثلا ؟؟
التايه
التايه: يوعان بس ماأدري وين آكل
التايه: ضايق خلق بس ما أدري شسوي
التايه: بسافر بس مادري وين أروح
التايه: مريض بس ما أحب المستشفي
التايه: بطلع شلبس ؟؟؟
عزيزي التايه .. بخصوص هالأسئلة .. ولدناك و نسيناك مثلا ؟؟
طبعا هذيل غيرالحداده و النجاره و البنايه .. واحد يدور خشب و واحد يدور طابوق و الثالث غزه مسمار
والطباخه اللي تبي طحين
ولا المزارعين اللي يا برتقالهم خاس يا زرعهم كلته صخله بالغلط
هذا غير اللي ضايعه له بطه .. ولا اللي لاقي قطوه ..ولا اللي رافسه حصان
أبيـــــخ حركــــه
لما يسون لك تاق بصورة .. يلعنون خيرك ايميلات .. واحد ورى الثاني .. و آخر شي تطلع إنت مو بالصورة .. ولا تعرف أحد من اللي فيها .. هذا اذا ما طلعت أصلا صورة صمونه ولا قوطي بيبسي
21 comments:
loooooooooool
shoosh
bs fi anwa3 b3d ma tklmty 3anhom :p
bs ma gelty enty ay wa7ed feehom ???
akeed el tayeh... yo3anah bs madry shno akel :p
great bost sister :D
زيس از كويت دوط كوم
نكشة :
ممكن تخلين التعليق مفتوح حق اللي عندهم مواقع ومدونات زي حلاتي ؟
Name/URL
شكرا عفوا
post mo bost :p
bs 7bait a3del el comment :D
LoooooooL
صاااااجه حده ملاقه الفيس بوك
لووووووووووووووووول
يااااويلج
!!
انا من الناس اللي يزرعون ويحرثون
وضايعه لهم بطه
ما اربي صخوووول
لا ويا لاقية كنز ويا دزوا لي طابوقه
يخرب بيت الفضاوة
الصراحة كلام صحيح 100 %
ما حبيت فكرة الفيس بوك من الاول
وللحين مومقتنعه فيها
لووووووول
عجيب الصراحة
جبتيها صح
مع احترامي للفيسبوك واهله
اغلب اللي فيه من هالنوعية التافهة
لا شغل ولا مشغلة :)
لوووووووول
ماشالله عليج تهبلين
انا وصلت لمرحلة ادمان المزرعة
بس عشان اسبق ولد خالتي وما يعايرني بالزوارة
كنت الأوووولى عليهم لوول
الحين صرت فيسبوكيية طبيعية
:
ولا على سالفة التاق ؟
تدشين ولا عندج 24 نووتيفكييشن
ولا مصورتلج دونات وانا احب الجنك فود
خير اختي ؟
قامت تنرفزني هالسالفة سيدة ريموف تاق
بس الفيس بوك عالم حلو
تعرف منه على بنات ذهب
منو حسن طنون؟
هههههههههههه صاجة والله
خصوصا اللي توها واصلة لبنان مووو صج
والا اللي بتطلع ههههههههههه
وسالفة التاق تقهرني من قلب اوووف
يعني صورة مالي دخل فيها وغالبا تكون اكل هههه
ثانكس شوووش :)
انا هالفيس بوك سجلت فيه من سنتين ولا ادري عنه ماحبيته وشوقتني سالفه المرزعه قلت عالاقل مو حاصلي بالصج ازرع بهالفيس بوك بس للاسف ماعرفت شسالفه ورديت نسيته
بس اذا حالته من هالنماين اللي حاطتهم خل انساه على طول احسن
تدرين والله العملية صارت مملة
وماصخة
متى بتكبر العقول ومتى بتنضج
عندنا نفس الحالات .. بأسماء مرادفة
معاج حق والله
بنت سيف
منو الفيس بوك
مو هذا إل
و شسالفة الطير الأزرق
looooooool
ماني من ربع الفيس بوك
بس المزرعة لاعبه بربعي لعب
عادي بنص الطلعه كل واحده ساحبه ايفونها عشان الزرع
والبطة
والصخول
!!
شهالحالة ياربي
:P
بس ما اوصيح
زيون حالة خاصة اي بطة تضيع منها دوروها
:P
هههههههههههههههههه
صايره فصلة شوش من نقلتي دوامج .. اي والله صاجه
تبط جبدي هالحركه .. ينترس ايميلي واخر شي الصوره مو لي واااااي
وسالفة هالناس الفاضية .. ترى الشرهة مو عليهم الشرهة على اللي يحط لايك عليهم ويعلق :\
مسالورد
This is such a funny post really! I like to post on facebookwhat am I eating and sometimes going to make a scene no more or less! Hahah
لوووول
والله صاجه انا
ما حبيت فكرة الفيس بوك
ممل بمعني الكلمه
بوست روعه كالعاده
هههههههه
صرحة خووش بوست
فعلا كلامج صحيح
ههههههههههههههه
صدقتي والله
خصوصا على سالفة التاق البايخه هذي
يا كثر ما يسوونها ..قمه في البواخه
ولا اللي مو وصدق انه عنده حساب في الفيس بوك و مشغله على الاي فون ولا البلاك بيري
كل 10 دقايق تحديث شنو قاعد يسوي
هذولي احسن حل لهم
حذف
كل بوست تتحلطمين وهذا يعطي طاقه سلبيه لكل من قرا
^^^
كلام وخاطري اقوله لاتزعلين
كويتية كيوت خل تروح يوم الخميس الساعة ١٠ سوق الصفافير ما راح تلقى هلاقة ولا راح تلقى احد من الاساس
Post a Comment