Saturday, July 10, 2010

الكويتيووون و الصيــف



ثمانمية ألف من أصحاب الحظوظ الوافرة مسافرين خارج الديره منهم أربعين ألف في تركيا يزورون موقع تصوير الأحلام الضائعة


سبعين ألف قابعين في الشاليهات ما يجرؤون ينزلون البحر من الغبار و الرطوبة


إثنعش ألف من المخلوقات الفضائية في الخيران


مية و عشرين من الغاضبين يتهاوشوون في قاعة عبدالله السالم


ألفين من المتحسرين حاليا و أصحاب الأمراض النفسية مستقبلا في صالة سوق الكويت للأوراق المالية


عشرين ألف من المقاريد صافين دور في قاعات البنوك .. إما للإقتراض أو لزيادة ليمت الماستر و الفيزا


ثلاثمية من أصحاب الحظوظ الردية في المطار .. يا إما طلع عليهم منع سفر فجأة .. يا حجزهم معتفس .. يا عليهم وزن زايد


ثلاثة آلاف من الأشكال المرحة و الوجوه الضاحكه في الأفنيوز


سبعين واحد و وحده كووول صافين دور عند بينك بيري


ثلاثين ألف من المغضوب عليهم فاطسين حر في بيوتهم من غير كهربا


ثمانية آلاف من البرمائيات مسدحين فوق السطوح يسوون تان


ستمية من ذوي الراس اليابس طالعين الحداق بالرغم من الرياح و الزوابع الرملية


خمسين ألف كويتي انقلبوا مزارعين و طباخين و بناية في الفيس بوك منهم واحد و عشرين ألف يدورون خشب و طابوق و سبعتش ألف ضايعتلهم صخله و ثلاث آلاف لاقين بطة لقيطة عند الباب


عشرين ألف يرممون بيوتهم بهالحر و يسوون شقيق في الدور الثالث


مئة ألف أخطبوط مجابليين التلفزيون يشوفون كاس العالم منهم تسعة و تسعين ألف يشجعون أسبانيا


مئتين ألف صعلوك يتابعون مس ليبانون


مليون و نص مجابلين البلاك بيري و يدزون برودكاست يبدى بعزيزي و عزيزتي

19 comments:

Яeema said...

shooooosh my friend!
simply your the best walla !!!
amma salfat el facebook !!!!!!!!
loooooooooooooooooooooooooooool

me : ay 9anf feehooom

1- worldcup ( spain )
2- facebook ( farmvill)
3- bbm
4 - avenues ( 9afeen doooor at dean and deluca )
5- re-newing my house

SHOOSH said...

Яeema
======

:**

إنتي كل شي

لا يعلى عليج

شاي الضحى said...

لوووول

ما لقيت نفسي بولا صنف

في اشياء وايد ما ذكرتيهم :)

le Koweit said...

لووووول
دورت نفسي بين هذول ما لقيتني :p

انا مع الالفين الطاحسين في الكورس الصيفي
لا سفرة ولا بطيخ :/

Sn3a said...

مس لبابنون اثبت ان كوني جميله واصمتي!
يا سخافه ردودهم
سئافه ومعرفه طل

بس حلوة اللي فازت
ملينا جياكر جنه مسوين مس جكر ليبانون


وهم انا مثلج
لاعت جبدي من عزيزي ودير وعزيزتي

وهم الهبه الييديده اللي كلمه بالنسبه
يعني اسلوب

زين بما اني ماراح اسافر الا العمره ان شاء الله
بس رحت طلعتلي فيزيا
بالنسبه لهالموضوع عزيزتي وين تنصنفيني

نـ(المطيري)ـازكـ said...

looooooooool

جد ابدعتي ههههههه ..

هم انا مالقيت نفسي بولا وحده هههههه

why me said...

لووووول



انتي مو صج


جد ابداع ما بقا احد ما طبيتي في



بس انا ما حصلت نفسي




انا من المنكرفين بالصيف لا سفره ولا قز ولا بطيخ

جبريت said...

هذا افتراء يا شوش انا من الناس عندي اي فون مو بلاك بيري والشي الثاني انا ما اتابع الا مس اسبانيا او شيء من امريكا اللاتينيه

mimi said...

looooooooooooooooooooooooool
kollo sa7 ya pashaaaaaa ;)

فيلسوف said...

loooooooooooooooooooooool


انا من التسعه و تسعين الف

ما اتابع إلا اسبانيا و المباريات اللي تستاهل

بوست جميل كعادتك

اول ما قريت الكويتيووون و الصيف على طووووول

على الموضوع اشوفه
:)

بخصوص عزيزي و عزيزتي شكلها هبه بقوه

esTeKaNa said...

looooooooool
يا مسا خف الطينة كلها
:*
يسلمج عقب هالبوست اقري المعوذات
اخاف ياخذونه مرينا
ويزيد المعجبين
وبدل الطيحة يصير شي ثاني الله يعديج الشر
:P

نون النساء said...

نسيتي اللي عاظين المخدة
فوق الــ14ساعه
يقعدون حزة الصلاة
والأكل
ومن ثم
استمرار في عظ المخده



بوست واقعي
لووول


بس منو ليلحين يتابع مس ليبانون

Anonymous said...

وواحد داش بلوقج قاعد يقرا بوستاتج ويشوف سوالفج بتويتر

لا مو واحد أكثر

بس نسيتي الي رايحين علاج بالخارج يمكن 50 الف الله يعافينا ولا يبتلينا

ROro Mania said...

انا
من ربع البلاك بيري
و اشجع اسبانيا
و ازرع و ابني بالفيس بوك

لوووول

شقران said...

الغالية شووووووش

مساء نقاوة الزبرجد
:)

امممممممممممم......إنتي إلى الآن مصرة على حشرنا نحن معشر الصعاليك وجعلنا من مشاهدي ميس ليبانون اللي مادرينا عن هوا دارها
:)

اتمنى تذيع محطة المارينا هذا البوست لكي تزيد قيمة التعويضات التي سنطالب بها من الضرر الذي لحق بنا جراء هذا الإدعاء الباطل

جهزي قريشات التعويض
;p

واستعدي ووكلي محامي سنع
:))


ونبي تشجيعك للطواحين الهولندية يوصل للنويصيب
:))))))

لكِ مني أجمل وأعذب تحايا المساء

aL-NooR . said...

و انتي الصاااااااجة
:)


************

جاكليته said...

هههههههههههه
جم صرنا بالكويت ..
جم مليون صرنا ؟؟
بس حلو البوست ..

fresa89 said...

looool

wallah enj sajah

3jbtni saf7tj 7abebti wa batab3j inshallah

AM.SA.CHANNEL said...

تعليقي في آخر جملة عزيزي و عزيزتي هذا أحلى و أول برودكاست موتني من الظحك و لا أنا ما أداني البرودكاست و حشرته