Tuesday, March 30, 2010

زووز عقر بقر .. كاسك يا وطن .. فريج سعــود


المدونون السابقه أساميهم وراهم حســـاب عسيـــر

عسيــر ولا عــرعــر

ههههههه

المهــــم


زوووز و كـاسك و فريج سعــود مادري كيف حلمت فيهم أمس


فزيت من النوم الفجر و دشيت الفيس بوك أدورهم


وثقت حلمي وكتبت بالفيس بوك اني حلمانه فيهم خفت لا رديت نمت و صحيت تالي أكون ناسيه الحلم


ولكـــــن إيــــش هالشخصيــات


شريريـــن ثلاثتهم


ولســانهم طويل


بالحلم على الأقل


الغــريب إنهــم ثلاثتهم اجتمعــوا في حــلم واحــد


كان حـــلم صفــاتي بلـــوقري بحـــت


كاسك يا وطن


كنا طول الحلم نصارخ و نتهاوش .. ما ادري ليش الصراحه .. ولا اذكر الكلام .. بس اذكر الانفعال و الصراخ



آخر شي قام يحذف أغراض و كنت أرد أحذف عليه


زوووز عقر بقر


كانت بالحلم عباره عن هاكر

بايقه بلوقي و تدش تكتب تعليقات للناس بالكومنتس و تزفهم و تناجرهم


وانا اقول لهاهذا بلوقي و اهي حاقرتني


فــريج سعــود



هذا حلمه كان فــلم .. كــنا بحرب .. و الحرب كانت عالبحـر بشاليهنا


و كــان اهو معاي مقــاومه


بس خون وانحــاش


لـــكن أبشركم .. في النهاية قدرت إني أذبح صــدام و شبيــهه


نعــم حلمي الظــاهر قـديم .. صــدام بحلمــي كان ما يزال حيــا


وبما إني من جيـــل الغزو


فصــدام كان هو رمــز الشــر الأوحــد فطبيعي يكــون هــو دايما عنصــر الشر بأحلامي


ملاحظــه: مــا أبي أحد يفســر لي .. دفعت صــدقه أول ما قعدت الصبح

18 comments:

فريج سعود said...

اولا انا ما انحاش

انا اذا ما ابي احارب وياج ما ايي من الاساس واتعذر لج بجم عذر وخلاص

مو اطق درب لي شاليهكم وتاليتها انحاش خساير بانزين

الا اذا كنت بقعد شوي بستاربكس الجليعة بين القيمين كاستراحة محارب هذا موضوع ثاني


صج كويتيين حتى حروبكم بالشاليهات وعلى البحر

Anonymous said...

مرحبا حبيت اقولج اني وااايد معجبه بالمدونه مالتج صج صج كل يومني او 3 انطر شنو راح تكتبين بصراحه ترسمين البسمه على ويهي ويسعدلي صباحج واسفه على الاطاله
تحياتي :Tota Cary

Danderma said...

لول خوش حلم! خير إنشاء الله! يقولون انتي تتهاوشين بالحلم مع الناس اللي تولهين عليهم :p

و انا احلامي كلها يا هواش يا أكل لوول

الزين said...

ما لقيت اسمي

قلت اشوه

احلامج قشرة يا شوش

:)

why me said...

مو صج الحلم

عاجـل said...

حلم يبا حلم

mazyona said...

ههههههههههه
خوش صار فيلم هندي مو حلم
أشوه يامعود محد غنى ورقص بنص الحلم

SHOOSH said...

فريج سعود
==========

أولا آنا الحلمانه مو إنت

و بالحلم إنت انحشت

أجذب حلمي و أصدقك ؟؟

ثاني شي ستاربكس كان مسكر .. مريت عليه قبلك .. الدنيا حرب و كان في حظر تجول

بس المقاومه نفسي يقدرون يطلعو

:)

SHOOSH said...

Anonymous
=========

حياج الله

و يسعدني إني قادره أخليج تبتسمين

:)

SHOOSH said...

Danderma
=========

آنا لا أعرفهم ولا شايفتهم

:)

أووووله عليهم منييين

بس شكلي ولهت عليهم عقب ما شفتهم بالحلم

:)

SHOOSH said...

الزين
=====

أهم القشران

انا مالي شغل

:)

SHOOSH said...

why me
======

أكيد مو صج

قاعده أقول لج حلم

:)

SHOOSH said...

عاجل
====

مبن آااال غير كده ؟؟؟

Maz said...

حلم السهره قصدى فليم السهره

شوش بوتر
الجزء 189087

من اخراج

مصك الفريج

ZooZ "3grbgr" said...

شووووووووووشا

ههاهاهاهاا

عاد انا اخرع شلون عرفتي
حلمج فيه اكس ري
ولا جهاز المطارات اليديد

والله بس بصراحه
ما تحسين فيني الخير

على الاقل قاعده ارد على جمهورج
ما خليتهم يحاتونج ههههه

تبين الدليل على صدق حلمج
فرييييييييج سعووود
شكلك خفت على ماكك اللي بالسياره هااا

لا تظلمينه شوشا
ترى راح يكتب بوست فيهم
ينادينا نساعد

على فكره توني الاحظ
انا ماك وانتي ماك وفريج ماك
اكيد كاسك ماااك بعد

حلم ماكي بحت

:")

aL-NooR . said...

واااااااي
مت مت من الضحك على الحلم
بس التعليقات عالم آخر
:p


مرة ثانية تغطي عدل
:p

*********************

Sn3a said...

لوول
عجبتني سالفه صدامو راس الشر

اشوه ماكنت بالقروب توني مسويه اظافري ماله داعي;p

Her said...

LOL