Thursday, March 4, 2010

THANK YOU iCITY



بعد ما نزلت بوست الماك بوك بأقل من يومين وصلني بريد إليكتروني من مدير صالات العرض و الدعم في معارض آي سيتي .. الوكيل المعتمد لمنتجات أبل في الكويت


المدير ما قصر و قام بالإتصال المباشر بي و عرض علي أنه يساعدني شخصيا في تحويل تجربتي مع الباك بوك إلى تجربه أكثر إيجابيه بعون من الله


هذا مع إني مو شارية الجهاز من آي سيتي


:)


هذا نص الإيميل


Dear SHOOSH,

I read your article about your experience with the MacBook. I am not aware from which retailer you purchased your MacBook, never less and even if you didn't purchase it form iCity, I would like to help you out to turn it into a positive experience as Apple products are made to make your life easier; please contact me directly.



و شكرا آي سيتي


Thank you iCity for your prompt action .. that was so professional and supportive !

Your Cooperation is highly appreciated !

12 comments:

Q8-HANDICAP said...

shoosh

انا رديت عليج بذيج المقاله وقلت لج مستعده اعلمج عليه ولا تبيعينه حرام شي خيالي وحلو

وفي منتدى ايعلمج من الـأ الى الـياء انا ماتعلمت الا من هالمنتدى

ماتتصورين اشكثر كرهت الويندوز من عقبه

اي شي تبينه عندج اميلي راسليني

why me said...

wooow


خدمه حلوه وحركات

cool

نمووول said...

هاذي الناس الي تهتم الزبون وتجذبه بالخدمة الزينه والمعاملة الممتازة


يعطيه العافية
وان شاء الله تتغير نظرتج للماك وتحبينه

Anonymous said...

اي هذا الاتصال مولله انتي الحين سويتي لهم دعاية ابلاش ,وعلى فكرة اسعار اي سيتي اغلى من غيرهم بس بحركتهم هذي يبون يوصلون رسالة ترى عندنا خدمة احسن من غيرنا

خلج صاحية لايستغلونج

هنووي

لولا الأمل said...

الكبير كبير يا أبل

راقين بالتكنولوجية .. وهم راقين بتعاملكم

اذكر الآي فون مالي خرب .. جان يدزون لي واحد ثاني يديد

تعامل جدا حلو

---

قريت البوست اللي طاف لووووول حالتج نفس حالتي اول ما شريته

كنت قاطه على صوب .. واستعمل الويندوز

وكل شوي اتعبث فيه .. لما تعودت عليه وحذفت الويندوز

لا تستعيلين .. يبيله وقت شوي

انا كان شغل كله ويندوز

وبعدين شريت آيبود

ومن عقبها ماك بوك

والحين آيفون

Apple Got ME !

reemas said...

حركه حلوه منهم
بس انا سبقتهم و عرضت عليج خدماتي قبلهم
:))
ههههه

إكسير الحياة said...

السلام عليكم

أول مره أرد بهالمدونة الحلوة

بختصار بقولج على شغلة من خلال تجربة وخبرة بسيطة

الماك بوك متميز في بالتقنية أكثر مثل التصميم والمونتاج التلفزيوني والهندسة الصوتية وغيرها من برامج تختص بالتقنية


بمعنى آخر الماكنتوش هو المكان الوحيد للمختصين في التقنية

لكن إن كان إستخدامنا في مجال النت كالتصفح والقيمز وغيرها الاشياء البسيطة المتنوعة
فهذي نكتفي فيها بالوندوز ... لأنه سهل الإستخدام

بالنسبة للآي سيتي أعتقد من حقج تطلبين دورات تدريبية مجانية عندهم في البرامج المتخصصة لأنها تحتاج تدريب

يعني إذا ناوية تكملين وتستخدمينة للمستقبل وعندج طموح تتعلمين على برامج متخصصة في الكمبيوتر فخلج مستخدمته

بس والله اذا مالج نية ولا لج خلق تتعلمين ومكتفية بالتصفح والاستخدام البسيط المتنوع

فأنا شراي بـ 400 :)

بشرط ماكو أثار تكسير بالطوفه جراء الحرة من عدم معرفة استخدامة

Kuwaiti said...

انا من اشد المناصرين للماك
وظاق خلقي لمن قريب مقالتج السابقه
بس الحين استانست كفو والله اي سيتي

Sn3a said...

ماشاءالله
صج صج استانست احب لما يكون في اهتمام من هالنوع

ان شاءالله بتعرفينله عدل وبيعجبج
انا بنت خالتي مستانسه عليه وتقول مو صعب

اهيا السالفه تعود بس

عليج بالعافيه

فريج سعود said...

لي عرفتي له ما راح تبيعينه ب 700 دينار

سلة ميوّه said...

اممممم

بلاهم زين ؟؟

مايعرفون يقرون عيل؟؟؟


عليج بالف عافيه

وبشرينا تالي


وصباحج فل وياسمين

Her said...

thats so nice of them walla:)