Sunday, March 14, 2010

شــــاور بطعــــــم آخـــــر




بينما كنت أستمتع بحمـــام الهنا أمس الاول


آخــــر روآااااان


فشامبو هنــــا


و صـــابوووون هنــــاك


و فقـــاعة تتطــــاير .. حتى تقـــع علــى الحنفيـــه فتنبط


و إذا بـــــه


الماي ينقطع فجأه و سط ظروف غامضه


تاركا الكل في حيره .. مستغرب إنقطاعه


و خصوصا آنا


إنقطع المـــاء من غير تدرج و من غير إنذار


جلست أترنح بالحمام أبحث هنا و هناك عن حنفيه ممكن ترحمني بقطرتين ماي بس .. مااااكو


فإذا بي أصرخ


و أندد


ميــــــري ميــــــري إلحقيـــــني


يس مدام


جيبيلي تب و ترسيه ماي


ماكو مدام


المفروض كنت أتوقع إن ماكو .. يعني إذا حمامي عزكم الله مافيه أكيد كل مكان بالبيت ما فيه بعد


مش عايزه هندسه يا شووش


المهـــم


فإذا بي أعاود التنديد


ميــــــري ميـــــري


يس مدام


جيبي كرتون مـــاي


فور درينك مدام ؟؟


اي اي فور درينك


وبحمد من الله .. و عون من مياه أبراج


تسبحت في 22 بطل ماي صغير


بس إيـــــه ؟؟


طلعت من الشاور منعنشه


شعري ناعم


جسمي يلق


عيوني تلامع


خشمي صغر


طلعت غير غير غير


ومن هنا


أنصح كل قرائي الأعزاء


إنهم يتسبحون في مياه معدنيه


من تجريه شخصيه


بتصغرون بدال السنه ميه


و اتمنى من الحكومه الأبية


تصرف لنا مع التموين مياه معدنية


يعني سبحه ماي عادية


و سبحه ماي معدنية


إنشالله بس تكونون ملاحظين القافية لأني تعبانه فيها


وإنشالله بس أبراج ما يحطون في بالهم إني مسوية لهم دعاية


ترى لو سبحتوا بالروضتين و لا مسافي و لا هنا


بتلاقون نفس النتايج الإيجابيه


:)

21 comments:

نون النساء said...

اي والله صاااااجه


ولا الله يرضى ابطل الحنفيه يطلعلي الماي مصوفر

هذا والماي قبل لا يصل الي ايدينا حاطين فلتر ..

عيل لو ماحينه شلون بيكون لون الماي
أخضر مصوفر مثلاً

ويع

ومايبون ويوهنا يطلع فيها تجاعيد


x_X





بس ترا مياه أبراج لازم يوصلون لج للبيت 1000 كرتون
شكرا على استخدامج واختيارج لهم

ARTFUL said...

الا خشمج صغر؟

أقول نعيما

;p

YusuF.AsKR said...

هههههههه

حمام الهنا انشالله

وإلى حين تطبيق الحكومه لإقتراحج بإدراج المياه المعدنيه مع التموين ,, فإنني أمتنع عن السباحه ,, بسوي إضراب يعني

هههههه

SHOOSH said...

نون النساء
===========

بيكون احمر صديدي

SHOOSH said...

ARTFUL
=======

حده

:)

SHOOSH said...

(( أبوغرايم ))
==============

شكلك منت متسبح عيل

:)

Sami said...

جان تسبحتي بماي افيان ...دام السافه خاربه خاربه

-mate said...

شالفِسَق؟
;p

Bor8y said...

ههههههههههههههههههههههه

حلوه

عاد جان وديتيلهم العلب تتبرعين فيهم

نعيما

الله لايقول وتصير فيني بنص لسبوع وقت دوامات

aL-NooR . said...

نعيــــما
:p

يمدحون
milk bath
creamy
انجربه و نقولج
;p

تصدقين حتى بلوقج فرق علي
الحروووف تلق ..و الصفحة بيضة
:p

********************

joe said...

انزين جربتي ينقطع الماي وبراسج وعيونج شامبو ؟

شنو النتايج ؟

ترررى صج احسن ماي بالكويت مال لكويت مايخشن الشعر مثل باجي المياهات لووول

الاوركيده said...

حمام العافية

عيل تنصحين نجرب
:*

فآطِمهْ said...

لووـؤل حلو التغيير
حمآم الهنآ :p

Maz said...

الزين زين ولو قعد من النوم
والشين شين ولو تسبح بمياه ابراج

شلونه مع القشره

شوش فتحى صالون نسائى
ونزلى دعاية مكياج ابراج

mimi said...

loooooooooool
7amam el hana ra alboo,, ana men bokra bashterely may 7ag elseba7a bas,,
shooshy, perrier yenfa3 ???

Anonymous said...

شنو علاقة الاستحمام بصغر الأنف ؟

مَـــــعْــــمَــــعَـــــه said...

هذا الفسق بعينه وعلمه ولا ما تبون الاخت اوبرا تعصب وتتطنز علينا .. الناس مو لاقيا ماي تشرب واحنا نسبح بماي صحه

يمدحون السباحه بحليب السعودية ولا حليب كي دي كاو

فريج سعود said...

جربي تتسبحين بشاي

راح يختفي خشمج مولية

Hope said...

لووووووووووووول
كلش مو شي
لو انا جان مت من البرد
بس من صجج تسبحتي بماي ابراج ...
لووووول اتخيل شكلكج .. نكته

حمام الهنا =p

CoCo said...

حبيبتي شوش معلومع صغيرة مياه ابراج مو مياه معدنية هي مياة بحر مهدرجه ومعقمه حالها حال ماي الحنفيه بس على مستوى انظف شوي
عموما انا انصح باستخدامها لكافة الاستعمالات وقاعده اكتبلج الحين وانا اشربها
على فكره ترا مو قاعده اسوي دعاية هذه بس معلومه عشان اللى يقولون فسق تراها نفس اللى بالحنفيه
ونعيما يا حلو

Anonymous said...

روحي يا شيخة عسى الله يسعد ايامج
انا بالصدفة دخلت مدونتج و بصراحة كانت النفسية موش ولا بد
لكن اسلوبج بالكتابة رسمت الابتسامة على محياي ( حلوة مني محياي؟ ) لذلك كان لزاما علي اني اكتب لج التعليق هذا
الله يوفقج يا بنت الناس و عسى الله يسعدج مثل ما اسعدتينا

:)