Wednesday, July 6, 2011

ربعنــــا في الفنادق






اللوبي: بمثابة الغرفة الثانية و ربما الأولى في بعض الأحيان .. حيث يحلو فيه السهر حتى الفجر



موظفي الفندق: يشتغلون عند أبونا



ألوووو نسينا جنطة عبود تحت عالكرسي و اللي يعافيك خل أحد يصعدها الغرفة



الممر: عادي جدا ترى اطفال يركضون حفاي و أبوهم يطلع يوقف بنص الممر يناديهم مرتديا ما يسمى بالمكسر



باقي العشا: بره عند الباب



الأصنصير: يطقون فوق و تحت وين يبون يروحون ما تدري .. و أصلا مو مهم !! المهم يفتح الباب و يدشون و في الغالب أصلا من يفتح الباب تلقاهم بوجهك !! نبي نطلع زين شلون ؟؟



بوفيه الريوق: يشيلون من البوفيه حق باجي عيالهم إللي للحين نايمين



اذا كانوا أهل: بيبان الغرف بالعادة مشرعه .. رايحين رادين



و اليوم صار موقف جدامي ذكرني بحركة عجزت أفهم سرها



فطوووم



هلا يمااا



شيلي الشامبو و الصابون من الحمامات و خشيهم خل الرووم سيرفس يحطون لنا يدد

12 comments:

الزين said...

:)))))

انتي وين رايحه بالضبط
اي اوتيل
!!

better_than_you said...

sad but true. I guess money cant buy class.

عين بغزي said...

نسيتي استخدام فرشاة الاسنان الفندق :))

bent el deera said...

لووووول وهم لووووول وهم لووووووول

المباركيه said...

لووول هذي عادة طبع اهل الخليج طبعا متوارثه

Safeed said...

اسبوع كامل قضيته في فندق 5 نجوم .. من اروع ما يكون على نهاية الاسبوع بدأ الفندق يزدحم بوفود الكويتيين .. وفي صباح الجمعة كان هذا المنظر المرعب في بوفيه الريوق

http://imageshack.us/photo/my-images/23/dsc010031111.jpg/

ma6goog said...

true

سالفة اللوبي هذي أعتقد بلشت في مصر و في كمبرلند مال لندن

الجودي said...

شوووش

ملاحظاتج واشلون اتحولينها لبوستات تحمل الكثير من الطرافه ...

إنت فعلا عجيبه

الله يبارك لج

:)))

AuThoress said...

تخلّف

يا عزيزتي .. كنا في ابو ظبي ، مدعويين زوجي وانا لفعاليات معرض الكتاب هناك... لبسنا وطلعنا من غرفتنا في الفندق الست نجوم .. وإذ بوجي "شاعر" معروف ، كويتي طبعا .. بدشداشة النوم الواااااسعة وحافي القدمين .. وقحفية ... ينادي على عامل النظافة هناك... الاجمل بأننا نعرف بعضنا شخصيا نحن الثلاثة، تجاوزناه، زوجي وانا دون "سلام" يسوّد وجهه زيادة طبعا.... وهو انحبس في غرفته.... ليلا ، التقيناه في المعرض بالدشداشة والغترة المنشيّة .. ويتبختر !!

ها ؟ نقول للناس شلون شفناك بالفندق؟

تخلّف يا عزيزتي

Butterfly Chick said...

looooooooool

a big agree :P

purpleyah said...

هيه بالخص سالفة اللوبي صراحه ما ادري شو اقول يعطون فكره سيئه عنا كخليجيين

عسل said...

أمبي بالظبط هذا اللي يصير.. لا و أحلا شي حركة:شيلي الشامبو و الصابون..
:)