Saturday, April 30, 2011

الكـــويتيون و تــويتر







لا يخفى عليكم و على الجميع الهبّة الغيــر إعتيادية التي هبّ بها الشعب الكويتي العــريق في المضروب على عينه المدعو




تـــويتر




إللي لو يدرى إن الكويتيـيـن بيسووون فيــه جــذي كــان إنتحــر منــذ مبطــي




إليكــم نمــاذج من أحــلى الشخصيــات الكويتيــة




@al-3asheq: سيدتي يا أنثى الأشواق أدرك أنك أنثاي وأدرك أنيّ مشتاق أخجلُ حين أراكِ ضاعت أوهامك في الأنفاق #أحبك




@7alema_4_ever: صباحكم طيب .. صباح يملأه الحب و طاعة الرحمن و كوب قهوة ساخن من حلاته ما ودي أشربه .. تمنيت صحبتكم الطيبه معاي #تويت من شرفة المنزل




@Nejri: قطيعة .. شنو هالجو .. غبار غبار غبار .. حتى راعي البنك مو قاعد عالدوار ! ألعن أبو اليوم إللي قعدتوني فيه من النوم اللي يدز لي شي أطقه أن فولو#وجع




@mothaqafa_w_agra_kotob: قرأت لكم اليوم كتاب من عجائب عالم الدوود .. و إليكم هذه المعلومات .. هل تعلم أن دودة الغز تسوي فنايل قطن؟ #من مكتبتي




@Thawri_q8i09: لله درك يا شباب الثورة .. نحن معكم إخوانكم من الكويت .. ثوروا ثوروا ثوروا و حنا نتابعكم من الدوانية #سوريا #ليبيا #مصر #الواق واق # غانا #كمبوديا




@SalafSaleh_21: لا إله إلا أنت سبحانك إني كنت من الظالمين .. ندعوا بالهداية لنا و لكم رزقنا الله الجنة أجمعين .. أتركوا عنكم المنكر و مشاهدة الزفاف الملكي .. فهذا ما هو إلا من رجس الشيطان و لإلهائكم عن أداء صلاة الجمعة #إصلاح




@little_cool_grl: woooow its thursday already ! cant wait to meet the girls in the avenues for some guys chasing and halaga ! #gazz




@GeekyQ8i: Updating my iPhone and my iPad and my MacBook #iloveapple




@aal_albait: المرجع أجاز يا أخي رجاءا لا تسب .. لكم دينكم و لي ديني #مرجع




@seyaseya: متى الله يفكنا منه و يفرج علينا .. تعبنا #مهمود #منى واسف #إرهل




@kuwaity_wld_b6nha: أنا أسواك و أسوى عشره منك يا ... يا .... يا .... #معصب




@salooom23: إنت لو فيك خير ما انحدرت بالنقاش لي هالمستوى .. انا مادري ليش تسبون !! يا .... يا .... #تسب أسب




@lovelyTiger: #NP i love u, u love me from barny while waiting for my dinner to be ready and downloading new episode of #Glee




@Barshlooni: شباب تكفون سكروا ليتات الدوانية لما تطلعون #بروح أنام



@sweetcupcake: توني طالعه من العرس و الماشات اللي براسي تعورني .. منو يطلعهم من شعري #تعبانه




و من أشهر هاش تاقات الكويتيين




#غبار



#أفنيوز


#بنك بيري


#العشق الممنوع


#ماكي




#الراشد




#البراك




#المسلم




#شعر




#سلوى الجسار




#أسيل العوضي




#نبيل العوضي




#الوطن




#العبدالجليل




#مهمود هيدر



#حكومة


#كافي



#سور5



#إرحل



#إرحل




#إرحل


#إرحل



هذا و أي تشابه بالإسماء و الله و بالله غير مقصود


:)


و تقدرون تتابعوني في تويتر على هذا النك نيم


17 comments:

سلة ميوّة said...

هاهاهاها
لا شوشتي الحلوة نسيتي شي وايد مهم..

زوارة تايم..
gathering time
سباحه تايم!!
..ألحين أنا آكل أحلى كب كيك(جيك ) حطو الصورة..
أحنا بالمكان الفلاني..
(جيك) حطو الصورة كلها اجسام من غير روس!!
من صجهم.؟؟؟
أحد قالهم إنه أحنا مهتمين بتحركاتهم اليوميه..
؟؟؟
من كثر ماكرهوني الناس عيشتي ماقمت أدش:)
حسيت أريح...

مساج الله بالخير اشتقت لكم:**

SHOOSH said...

سلة ميوة
=========

وانا اشتقت لك بدال المره ألف

أشووف ما لك بينه بتويتر أثرك عزلتي

أحلى شي اللي كل شوي حطو موقعهم

أنا الدائري الخامس

أنا في الأفنيوز ويذ ثري أوذرز

أنا بتقاطع الدوحة و صليبيخات

:)

أنا ايش دخلني ؟

Unknown said...

شووش نسيتي الهاش تاق اللي هبوا فيه هبة وهو هاش تاق التسعينات
كان شي مو طبيعي

Anonymous said...

انتي امس ياشوش قلتي بروح
اتغدى ب 360 وحددتي موقعج
ونقدر هم نقولج

احنا ايش دخلنا ؟

Anonymous said...

انتي امس ياشوش قلتي بروح
اتغدى ب 360 وحددتي موقعج
ونقدر هم نقولج

احنا ايش دخلنا :)؟

SHOOSH said...

Anonymous
=========

الموضوع كباقي مواضيع المدونة ساخر .. دعابة لا أكثر .. أتمنى محد ياخذها موضع الجد

باين عليك مراقبني

علما بإني ما رحت 360 لا أمس و لا قبله

يمكن طرحته كـ تساؤل قبل فترة

أنا ما أحدد موقعي إلا اذا كان في شي يتعلق بالمكان ودي أذكره

:)

kuwaiti_cool said...

صدقتي

الي يبط الجبد اكثر شباب التنظير الي بيفهموا بكل حاجه الا الكهربا

الفولوز يبيلهم نفضه

مساؤك بعبير الورد

Anonymous said...

شووووووووش


حاولت وحاولت وحاولت أشوف نفسي بينهم


مالقيت :)))




مها

why me said...

LOOOOOOOOOOOOOOOL


عجيبه بالضبط اللي صاير في تويتر


بس نسيتي لمن يصير لقاء على الوطن ولا الراي وطريقة تعليقهم والحششش بالضيوف

لووول

Anonymous said...

باين عليك مراقبني
--------
ليش مو متابعتج وحسب ماتطلبين بآخر بوستج اليديد
+
تقدرون تتابعوني في تويتر على هذا النك نيم

:)

يمكن طرحته كـ تساؤل قبل فترة

+
لا مو تسائل عيوني ولا قبل فترة ...كلامج هذا كان امس السبت على اساس راح تتغدين مع ( الصبايا ) على قولتج

+

الموضوع كباقي مواضيع المدونة ساخر .. دعابة لا أكثر .. أتمنى محد
ياخذها موضع الجد

أنزين وانا تعليقي ساخر اتمنى ما تاخذينه مأخذ جد :)

بس بغيت أقولج إحنا ايش دخلنا ؟
:)

Anonymous said...

بس نسيتي لمن يصير لقاء على الوطن ولا الراي وطريقة تعليقهم والحششش بالضيوف

لوووول واي مي

جنج تقصدين شوش ههههه

SHOOSH said...

Anonymous
=========

إختي العزيزة

ردا على سؤالك إللي سألتيه ثلاث مرات لحد الآن أنا أرد عليك و أقولها لك

إنت ما دخلك

:)


و بما إنك متابعة جيدة لي و حافظة باليوم وين رحت و وين جيت

أنصحك "يا عيوني" ترجعين للتايم لاين الخاص فيني

زي ما قلت لك و انا مش بحاجه اني أبرر بس لأنك من متابعيني تستاهلين


360

مع الصبايا كان تساؤل

و طرحته الخميس مش السبت

و هذا كوبي مخصوص لك

:)


ولا أروح أتغدى في 360 مع الصبايا ؟
2:45 PM Apr 28th via web


شنو أتغدى ؟ بسرعة
إقترحوا لي شي حلو و لذيذ و خفيف
2:44 PM Apr 28th via web


إنتهـــى

Sweet Revenge said...

بدعتي شوش الصراحة بردي قلبي فيهم
من ادش هالتوتر جد اتنرفز
اغلب الي قلتيه صج
واتمني من صميم قلبي ان يهجم عليه بوحقب ويشيلة من المكان كله

وشكرا

aL-NooR . said...

هههههههههه
بدعتي بدعتي شوش
يبتيها صح


عاشت خفة الطينة
:*

رورو الشخبوطه said...

خخخخ غبار والافينيوز ..

قلت هم :)

خوش بوست ماشاءالله..

Darliam said...

i enjoy reading ur posts .. u r an amazing writer!!

1 thing about this post made want to comment,

y do people call this "habba" !! its not habba .. just because people started doing something new doesn't mean we have to call it "haba"
i noticed ena a lot of ppl use that word to describe twitter! and a lot of other things/sites/apps as well.

just saying ;)


thank u

ناعمة الهمس said...

بالظبط انا معاج بكل كلمة
في تعليقات فيها حكم
و تعليقات فيها عبط
و البعض يفضفض

شكرا خبتو