Tuesday, September 28, 2010

أدفـع نـص عمــري




على أساس أنا


HSBC


مثلا ؟؟


حضرتك جاي من غير


حلج و أسنان


مثلا ؟؟


ساحب شعر رقبتك من ورى و جايبه قدام مسويه قذله مثلا ؟؟


الساعه اللي رازها رولكس مثلا ؟؟


ماسك قميصك جذي .. زرارته طايحه مثلا ؟؟


إنت 2010 من صجك مثلا ؟؟


استغفر الله يارب .. اهو جابه لروووحه


المهم .. على محور آخر


اليوم الصبح نازله الجمعية .. حدي دايخه يالله أشووووف قدامي


ولا ذاك الشايب النشيط اللي مصحصح عدل .. شكله مصلي العشا أمس و نايم


شبـــــــــعان عالآخــر


قاعد على مكتب حديد عند المدخل .. شكله إداري بالجمعيه


المهم


دشيت ولا يتلقاني


يا صباح الخير .. يا صباح الهنا .. يا ورد يا مفتح


نعم ! ورد مفتح عاد ! إنت شفت عيوني شلون مغمضه ؟ شخباري اللي يتغزل بالورد؟


أقوله تحاجيني عمي ؟؟ يقول لي ايه وراج ما خذتي سله ؟؟


آخذ سله ليش ما آخذ .. خذت منه السله و مشيت


رحت عاد باخذ عصير .. لما و صلت عند الكاشير ولا ماخذه جبن قلاص


أمـــانة(ن) ؟؟ مادري من اللي ثولني .. عبدالباسط حموده اللي شفت صورته الصبح و لا الحجي بو ورده ؟؟


على فكره


عبدالباسط في ألبومه غيرإغنية سلفني ضحكتك إغنية ثانيه إسمها


ادفع نص عمري


الرجال جدا جدا جدا ضروفه صعبه


تسلف و دفع بألبوم واحد

21 comments:

esTeKaNa said...

يا صباح الورد
يا ورد
:P
مادري ليش حسيت فلم قديم
وشادية نازلة عند بتاع الفول
ويتغزل فيها احد الفنانين المغمورين حزتها
يعني هذي حركات مش بتاعتنا
:p
عاد كلام حلو من الصبح شي يونس
اكيد اللي مدودهج بو قذيله عسى ربي يجبر بخاطره
:)

radiantguy.com said...

لازم اشتري البومه لووول

Anonymous said...

هههههههههههههه
عبدالباسط صمدج من الصبح
والشايب دودهج

بوست عجيب وخفيف
هذا صج مطرب وله ألبومات؟؟
شيصيرله شعبان عبدالرحيم؟؟
ولامابينهم قرابه بس من الحاره
:))

why me said...

LOOOL


حسبي الله على ابليسج



بس ياحلو حجي بورده .. لي هدرجه نسحرتي بغزله



;p

Engineer A said...

يافتاح ياعليم ..يارزاق ياكريم

اللهم أستغفرك وأتوب إليك!!

ناقصين بلاوي على الصبح اخنا مثلا؟؟

:)

M7md Ghazi said...

LOOOL
I couldn't stop laughing heheheheh
he's so not 2010 :P

فريج سعود said...

دققي بكفه اليسار الي فيه الساعة

الحمدلله والشكر

le Koweit said...

هههههههههههههههههههه
ما تسوى عليه المسكين نزل ألبوم
مسحتي بأمن جابته القاع
هههههههههههههههه

الزين said...

هههههههههه

شوفي
السالفه لما قلتيها لي ضحكتني
بس لما قريتها ضحكتني اكثر

ههههههه
شوش

علامه الورد مغمض
اخاف ناقصه مووويه

may said...

سلفني ضحكتك
/
ابيه ضحكت من قلب
تصدقين ضايق خلقي
قريت كلامج ونسيت كل شي
كل شي ولا القذلة!!

/
الشايب اللي نايم صلاة العشا
انا اقول انتي مو وردة
انتي عسل والله

مساء الـــ؟
ورد المفتح

;)

AM.SA.CHANNEL said...

هههههههههههههههههههههههههههههههههههههههههههههههههههههه

و الله إنج إتظحكين إنتي و الوااد عبد الصمد

AM.SA.CHANNEL said...

هههههههههههههههههههههههههههههههههههههههههههههههههههههه

و الله إنج إتظحكين إنتي و الوااد عبد الصمد

Unique Girl said...

امبيييييييييييه لووووووول

والله دشيت البلوق ضايق خلقي وملانه بس صج ضحكتيني والله هذا الريال بدعه

لوووووووووول اهم شي الشعر لووووول امبيييه مو قادره اسكت

ولا الريال شنو صباح الورد نعم ؟؟ لوووول

ههههههههههه صج صج صج يثولون الي ماينتثول

تسلميييين على البوست الحلووووووو

Maram said...

لووووول لو يقرا اللي كتبتيه راح يعتزل هههههه


البوست روعه

aL-NooR . said...

يا حلوج و يا حلو سوالفج
شربااااااااااااات
:)

بس الريال قرضتيه قراض
;p

*******************

نـ(المطيري)ـازكـ said...

قال الله تعالي .. يا ايها اللذين امنوا لايسخر قوم من قوم عسى ان يكون خيرا منهم .. الى اخر الاية ..

الله يهداج شوشو ماتوقعت توصلين لي هالدرجة من البوستات .. حضرتك جاي من غير حلج واسنان !!!!

ساحب شعر رقبتك من ورى وجايبة قدام !!!

صدمتيني الصراحة !!

الجودي said...

مساء الورد

;)

شوش

مسكين عبد الباسط بدعتي فيه ما خليتي عليه شي عند نفسه ساكب ولا بس إلي على الحبل كلة و مسوي حركات

:p

@alhaidar said...

ضغطيه اكثر :)))))


هم زين علصبح واحد مجابل العالم بالجمعية ويدلع فيهم ..

يزاه الله خير الشايب

:p

malak said...

لووووول



الشايب نكته

Made n Q8 said...

عن أي 2010 يتحجى!

على هالغلاف مال 2010 بس شيلي رقم 2 !

DK said...

LOOL yes3d sba7ooo