Sunday, June 20, 2010

كأس العالم في البيت الكويتي


الوالده: ما يحلى لها تنادي الخدامه تخم الصالة إلا لما تكون إنت في قمة الإندماج مع اللعب .. ما تهوون عليها صالتها


الخدامه: بالعاده تنبل و متنحه .. بطه و عريضه و طويله .. مربعه .. تخم جدام التلفزيون ساعة إلا ربع


احذر انك تقكر تكلمها أو تقول لها بسرعه ولا وخري .. لأنه بالعاده يحوشها عقر بقر و تتننح أكثر و وقفتها تطول أكثر .. هااا شنووو شنوو فيه شنوو يقول بابا ؟؟؟


الوالد .. هذيل أنواع


الملتزم: شيلوا عماة العين هذي و حطوا الكويت نبي نشوف الأذان لا بارك الله فيها من كره .. لا صلاة و لا دين


المحنك سياسيا: و بعدين يعني ؟؟؟ ما نشوف أخبار ؟؟؟


العاطفي: شيلوا هالمسخره و حطوا سكوب خنشوف الناس و مشاكلها .. حطوا فلسطين اليوم خل نشوف شصار .. الناس تموت و إنتوا تشوفون كره


الرياضي: دشداشة نوم و قحفيه و جدامه مطارة شاي و إستكانات و أنواع المقاريض .. صافط جدام التلفزيون قبل نص ساعه من بداية الشوط الأول .. حافظ كل أغاني المونديال .. بالغالب حافظ اللحن و الكلمات من مخباته


الولد: مندمجا لآخر درجة ولا يطوف أحد جدامه إحتمال يشوحه بأي شي يمه


اللللللللللللللللللللللله و أكبر .. مشيدا


يا حمااااااااااااااااار .. مسفلا


يا حكم يااااااااااااا عمي .. مسفلا مرة أخرى


حرااااااااااااااااااااام .. متحسفا


ليييييييييييييييييش ؟؟ .. مستفهما


كفوووووو كفوووووو .. مشجعا


يحاجي اللاعبين طبعا


البنت: ما تعرف شي و لا تدري عن هوى دار المبارة بس ماسكه البي بي


و كل شوي مغيره الصورة


مره علم البرازيل على خدها


مره علم أسبانيا على زندها


مره كاتبه فيفا أسبانيااااا


مره جووو أنجلاااند


مره عاش الأزووووري


و إهي ما تدري وين الله قاطها


قد تصدف أن تسأل .. واااااي يا حلاة إلي حط القوول .. تكفى خلوود شسمه ؟؟


التلفزيون: المستعبـــــط الأكبـــــر بلا منــــافــــس


يشتغل .. يفصل .. يتشنج .. يرجع يشتغل .. توقف الصوره و الصوت شغال .. يشتغل الصوت و توقف الصوره


وإللي ماسك الريموت ما غير طالع قناة جدام و رااد قناة ورى .. يحرض الإشارة


طبعا بين الشوطين ركضة كل واحد يخلص شغله


اللي وراه إمتحان سريع سريع يقرى له كلمتين


و إللي مزنووء و ماسكها ركضه يخلص أمـوره


و إللي ضاغطينه ربعه يبلش تليفونات و مسجات


بعد إنتهاء المباراة .. الكل يشتغل محلل رياضي من الوالد .. إلى الخــدامه


ما عليـــنا


شــــرايكم بالبــــرازيــل اليــــــوم ؟

21 comments:

دستورنا سورنا said...

لا نسيتي شخص مهم جدا

الزوجه اذا توكم متزوجين


ما تحلى لها الطلعه الا وقت المباراه

ودني بشوف اهلي

عايشه نصف قرن عند اهلج

حبكت وقت المباراه

شاي الضحى said...

خوش بوست

بس احنا ما عندنه جذي

لا اشوه كلنه متابعين حتى امي هههههههه

امي تتابع وتشجع لما تخلص المباراة تكتشف انها مشجعه غلط مو المنتخب الي تبيه اغلطت بالفنايل ههههههههههههه

وقميضه طافتني مباراة البرازيل ما قدرت اشوفها :(

Hamad Alderbas said...

zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz z z z zz z zzz zzzzz

vuvuzilla

:)

aL-NooR . said...

بالضبـــــط
:)))))))))))



*******************

why me said...

LOOOOOL

SHOOSH said...

عراب الدستور
============

لا لا

أغلب الزوجات رياضيات

رياضيات ولا علوم

و أغلب الأزواج أصلا يشوفون المبارايات بالدوانيه

:)

SHOOSH said...

شاي الضحى
==========

لووول


الوالده شي


الله يحفظها

:)

SHOOSH said...

حمد
====

هذي فوفو نحله

تززززززززن

نفس النحل

SHOOSH said...

aL-NooR
=======

:)

SHOOSH said...

why me
======

loool entay :)

Anonymous said...

توقف الصوره و الصوت شغال .. يشتغل الصوت و توقف الصوره
لول شالفرق؟؟

SHOOSH said...

Anonymous
=========

لوووول

صدتني

تصدق ما انتبهت

قصيدي العكس .. تشتغل الصورة و يوقف الصوت


ماشاءالله

دقيق

:)

حكيم عيون حضرتك ؟؟

Mariam B.D_Q8 said...

لووووووووووووووول
عندنا الله يسلمج من اللاعبين يبوشون يبلش شوط المحاذف على التلفزيون
اللي يحب النبي يضرب
على ما يصير النهائي الا التفزيون معطيج عمره
اي او من عقب ما غرزت مكينت الالمان كل من شد حيله
بس قولهم الاول كان صج برازيلي

Anonymous said...

لوووول

ايــه

QQ

وعنـدي لغـات وافهم فيهم

بس وينك ياشوش ماعطيتيني رايك بـمدونتي الجديدة؟

www.samialarabi.blogspot.com

mimi said...

looooooooooool
wallah missed you cuty

Goalzalez said...

و لله الحمد البيت رياضي جدا

يعني ماكو احد ما يشوف كره من كثر المتابعه كل واحد يشوف المباراة بمعلق

و اليهال الزي موحد تقول مدرسة اذا الارجنتين صافيين الارجنتين و اذا اسبانيا صفو اسبانيا و اذا ايطاليا البسو ايطاليا

و على طاري البرازيل(اعزكم الله)لو الخوال مركزين شوي اول اللعب جان خسبقوهم

@alhaidar said...

هههههههههههههههههههه شوش والله متابعة جيدة .. لمتابعي كأس العالم :P

سالفة الخدامة أكثر شي حسيت فيها ... رفيييييييييييييييييييييييقة ..

يعطيج العافية .. ودمت متألقة :)

خدمات البحث العلمي said...

هههههههه الخدامه اكثر وحده تجيبلك المراره تقعد سنه قدام التلفزيون ما دري شتظف بس انها تظف

Ahmed Al-Salami said...

سرد جميل ونقل واقعي للحياة اليومية في البيوت.. الناس مشغوله في كأس العالم.. بين تشجيع وتهليل وتزمير وتحليل وضحك وفرفشه وضغاط..
يا سلام عليج..

fatto said...

لوووووول دمج عسل والله .. احنه ابيتنا ماندري عن الموباريات خيير شر . فهاللويه اشوه موعندنه :)

Her said...

looool sa7 neseaty el zoja..a7la wagt 7ag el 6al3a:D