Sunday, February 21, 2010

شووووش في الأفنيووووز



قد لا أخفي عليكم أعزائي القراء


و متابعين مدونتي الأحباء الأوفياء اللطفاء الكرماء و أي شي زين ينتهي بآااااء


إني ما أحب .. بل قد أكون لا أواطن بعيشة الله الأفنيــــوز


وذلك لأنه دايما لويه و زحمه و عفسه و متروس مراهقين و ما تعرف تتسوق فيه و تركز من كثر المناظر الخلابة اللي تشوفها


يعني عادة إذا بروح .. أروح بالنهار أو الصبح و أدش على طول المحل اللي ابيه و آخذ أغراضي و أطلع


ولـــــــــــــــــــــــــــكـــــن


أن أدخل الأفنيوز الساعة ثنتين الظهر و أقعد بفرايديز


و أطلع من المطعم الساعه ثلاث و نص و أروح أقعد بستار بوكس


و أطلع من ستار بوكس الساعه خمس و أقعد أتمشى و أتفرفر بهدف التمشي لا التسوق لي الساعه سبع


و الساعه سبع أرجع أتسمر بستار بوكس


لا و يوم جمعه بعد


هذا شيء أول مره أسويه بحياتي


المهم


إليكم المخلص المفيد


واحد : ما عندنا بالكويت يهال


خلاص اليهال انقرضوا فالكل عنده بلاك بيري و الكل حاط مكياج و الكل مسوي سبايكي و الكل مسوي بف


ثانيا: كل الكويت ذوق واحد


فالكل لابس بولو و هاكيت و الكل لابس برشلونه و ريال مدريد


فجأة الكويت كلها تحب كرة القدم


ثالثا: ممكن بعد فتره قصيره بنات الكويت يطيرون و السبه الريش


تيجان ريش


شباصات ريش


بروشات ريش


رابعا: شباب الكويت كلهم حب و حنان لبعض


و الدليل إن أغلبهم شابكين اياديهم في يعض طول ما أهما يتمشون


وييييع ويييييع لوعتوا جبدي


خامسا: الكويت كلها و لله الحمد مصورين محترفين


فقد شاهدت عدد لا بأس به معلق كاميرا كانون و يفتر


سادسا و بس لأني مليت: تراوى لي لوهلة إني قاعده في حفل تعارف مو مول


فالكل عارض إسمه


يا مطبوع عالملابس


يا تاج على الراس


يا إسواره بالإيد


يا بروش


يا خاتم


حتى على الجناط


ألحين كل هذا مو مشكله


يعني


عادي


البلاك بيري أحبه


و برشلونه أعشقهم


و السبياكي يونسني


و الريش يدلدغني


المشكله


هل كيف شعب كامل يهب بالشي جذي مره وحده و الكل يصير قالب واحد ؟؟


خارج الموضوع


فكرة القعده بالكوفي شوبات و مراقبة الأوادم يازتلي .. إدعوا لي بس ما أتعلق بهالعادة - عادة كويتية خليجيه سيئة


ثاني شي


قبل لما كنا يهال .. كنا نلعب لعبه .. جنه كنا نركض و واحد يلحقنا و يصيدنا


و كان الشاطر اللي ما يصيده و يروح يجيس الطوفه و مرات كان باب السكه و يقول حي الميد مادري الميت مادري شنو


هل اللعبه عانه علي من أمس


أموت و أعرف .. الميد هذا منو ؟

32 comments:

why me said...

looooooooooool

ازينج يا شوووشتي


انا اكره الافنيوو اكرهه اكرهه كره مووو صج


اشكال وألوان



اي شفيج


هذيله بوهبه
كل شوي هابين بشغله فكره اهب مثلهم


مو ملحقه انا

لوووووووووووووووووول


;pp

Hamad Alderbas said...

انا كنت احب اروح الصبح او الضحى الافنيوز بس بطلت عقب ما قت اشوف بنات يلبسون تريننقات مع بوتات

قلنا نعتزل الديرة ونقضي اوقاتنا بالبر احسن

مَـــــعْــــمَــــعَـــــه said...

صدقتي والله الهبه بالكويت بسرعه تنتشر ... واخر الهبات هبه التصوير كل الناس عندها كاميرات فجأه " على قولة اختي الصغيرة " كل كلمتين لازم بينهم فجأه حتى لو ما تركب بسياق الحديث فجأه

mimi said...

SHOOSHYYY
LOL,, well i hate the avenues too,, i just go there to take my kids to magic planet,,
belnesba 7ag habat elkuwaiteen hatha mo shay yded w as u said kelhom yehebon ib shay kellohom ma3a ba3ath, 3ad yareet yetaf8oon ib ashya2 thanya chethy ;)

by the way the next time ur going tell me so i come and join you :)

now for the most important topic and question,, elmeeeed aaaah what a wonderfull days ,, hatha sallamch allah elmeed pasha men pashawat elkuwait gabel,,lama no9al 3enda negdar n7ayeh ya3ny sharaf lena 3ashan no9al 7ag meeed pasha w touch him w na5od shwaya men barakato ya 7aga :)
got it ba2a???
xoxo

الزين said...

يا شوووش

يا شوووش

نشف ريجي وانا اعلمج
عشان تكونين كويتية قحححح
لازم يكون لج هبه

والكويتييين من المد
لين هبوا بالشي كلهم يميع
ولين هونوا عنه كلهم يميع


وصايره تترززين بالكافيهات هاااا
!!

وما قلتي لي ارتز معاج


انا اعطيج شور يريحج خالص مالص

دعي الخلق للخالق
راح تتعبين وانتي تنتقدين
هذولي هم الكويته على قولة المصاااروة

Goalzalez said...

يعطيج العافيه

انا و احد استمتع بعادة الجلوس في اي مكان يقدم اكل او شرب لكن لي شروطي بالجلوس يعني اهم شي الشخص الي قاعد معاه ونيييس و نكته عشان تقزر على المتسابقين بالمجمعات .

دايما اراهن اني اشوف احد لابس ريال مدريد و لله الحمد ما عمري خسرت.

و بخصوص البنات و كتابة الاسامي على كل مكان ترا محد يلاحض و يحاول يدقق على الاسامي الا البنات نفسهم يعني هذي حرب بين البنات.

حاولت افسر الميد لكن ما طلع معاي الا انه اسمه ميد

Frankom said...

بس أهم شي
الوان الفونت

علم الكويت

أخضر أحمر أسود والخلفية بيضة

chandal/danchal!! said...

الافنيوز يذكرني بالقطار


المقطورة الاقزيقيتف بفيز تو

والاكونومي بفيز ون

واللي مسطحين صوب السينما!

chandal/danchal!! said...

عشان ما انفهم غلط


مو قصدي بنوعية الناس كثر نوعية التشطيبات للمجمع

حتى التكييف غير!

SHOOSH said...

why me
=======

افتر راسي ذاك اليوم مع اني كنت بس قاعده و أطالع

SHOOSH said...

حمد
==

لووووول

خيرا فعلت

:)

SHOOSH said...

معمعه
======

فجاه

صايره كلمتي المفضله

أي مكان تحطها تمشي

:)

SHOOSH said...

mimi
====

آخذج معاي مره ثانيه

و الباشا هذا حظه حلو

:)

حييته ليما طاح حظي قبل

SHOOSH said...

الزين
=====

آخذج و أقعدج على يميني المره اليايه

آنا ألاحظ و انتي تسجلين معاي ملاحظتي

:)

SHOOSH said...

Goalzalez
==========

يعافيك و يخليك

آنا ذاك اليوم ما حسيت باللي كانوا معاي بالطاوله

كنت حد الإندماج

SHOOSH said...

Frankom
========

هذا مسج مبطن

شفره
شفره


:)

SHOOSH said...

chandal/danchal!!
==================

لك شووووو هالتشبيييه الخطير

:)

الاوركيده said...

اي والله ياشوش

وانا ما أحبة الا حزة الضحة لغاية الساعة 4 العصر علشان اتمشى على راحتي ولا اشوف الهبات
:)
الحين ابي اعرف منو السرير رقم 4 ما قلتي

؟؟؟؟؟؟؟؟؟

الاوركيده said...

اي والله ياشوش

وانا ما أحبة الا حزة الضحة لغاية الساعة 4 العصر علشان اتمشى على راحتي ولا اشوف الهبات
:)
الحين ابي اعرف منو السرير رقم 4 ما قلتي

؟؟؟؟؟؟؟؟؟

قرمت said...

يا حبج للطماشة
ما أحب هالمجمع خير شر

نون النساء said...

اخر زيارة لي فيه كانت شهر مايو 2008

اتهقين في مجال اروحله مرة اخرى واشووف

اللي قلتي عنه؟؟


بس صراحه الأفينيوز ماينقعد فيه بعد صلاة الظهر

Her said...

lol tha7akteeny walla:D u should try going to marina its wooors:S

SHOOSH said...

دمعة المقهور
==============

خلاااص ؟؟

استسلمتي ؟؟؟

ما عرفتي منو ؟؟

SHOOSH said...

قرمت
=====

من قال آنا أحبه ؟

و الطماشه أول مره أجربها

بس عجبتني

:)

SHOOSH said...

نون النساء
============

اي اي

يبيلج روحه

:)

SHOOSH said...

Her
===

بس بس

عفت المووولااااات

:/

الاوركيده said...

اي استسلمت قولي
صار فيني فضول قوي

:)

رزنامــــــة said...

المشكلة ان محد عارف ان من راقب الناس مات همــا

وهذا اللي حاصل عندنا بالكويت
الكل يطالع الكل
والكل يبي يصير نفس الكل

الاغلبية إمعــة للاسف الشديد :(

الميد من سمك الميد
من تاليفي لووووول

ميمة السبيت said...

** شوفي اهو كمول حلو بس انا مادري ليش لما اروح احس جني داثرة و ياية من كوكب ثاني احس الناس لابسة شي غريب عجيب انا بس اقعد اطالع

SHOOSH said...

دمعة المقهور
=============

أقولج بيني بينج

:)

SHOOSH said...

رزنامه
=======

حده تألييييف

SHOOSH said...

ميمة السبت
===========

عادي

قعدي بأي كوفي شوب و طالعي