Friday, February 19, 2010

طـــواريء


أسوء ست مادري سبع مادري خمس ساعات قضيتها بغرفة الطواريء


اي نعم .. مريضه .. و لوهله عبالي اني بمووت


المهم


كنت سرير رقم ثلاثه


سرير رقم واحد عليه بنت بالثانويه مستعبطه


إلا غصب رجلي مكسووووره


لا و تبجي ما تبي تطلع و ترد البيت


يقول لها الدكتور ما فيج شي


ملزمه و راكبه راسها .. لأ رجلي مكسوووره .. سووولي أشعه


و لما سوولها أشعه و طلع ماكو كسر قامت تصيح


رجلي فيها تمزق


لوووووووول


مزقتي قلبي من الضحك يالعبيطه


المهم


سرير رقم أثنين عليه مره عجوز فيها أقل شي ثمانين تسعين سنه


الله يشافيها و يطول بعمرها


الحجيه جايه الطواريء تمشي على رجولها و مصره أيضا


مو بس مصره عندها إيقان إن فيها شلل


تصيح رجلي انشلت و رجلي انشلت


ما أحس فيهم .. رجلي تحرقني


يقول لها الدكتور ما انتي بتمشي يا ست


ترد عليه .. اي امشي بس رجلي منشله


يا حليلها .. عورت قلبي بس فطستني ضحك


انا عاد ما كان عندي سيرفس و لا أكو شي أضيع وقتي فيه .. بالعاده هذا وقت البلاك بيري


جان أتليقف و أكلم الحجيه


قلت لها خاله ترى لو رجلج منشله ما تقدرين توقفين عليها تطيحين


آنا آاااال يعني بفهمها


جان تقولي .. اي انتي ما شفتيني طحت ؟؟


قلت لها لأ !! شفتج تمشين


جان تعطيني كف لغوي و قالت لي .. بلاج مثل الدكتور ما تفهمين ولا تعرفين بالشلل


ما يعرف للشلل إلا اللي منشل مثلي


لووووول


المهم


هذيل يهونون


انا الممرضات مجابليني و مدلعييني .. الي تشربني ماي .. و اللي تدلكني .. و اللي تغطيني


و الحياة عندي فله


لين جت صاحبة السرير رقم أربعه


يا إلهي


من دشت كل الممرضات هدوني و ركضوا لها


والله إني نص ساعه أنادي و أطق جرس محد معبرني


المغذي خلص أبي أحد يشيله حاقريني


عمك أصمخ


كلهم تجمعوا عليها و ناموا تحت سريرها يخدمونها


و اكشتوا فيني انا و العجوز أم شلل كاذب و البنيه أم تمزق


السؤال الآن


اللي يقول لي صاحبة سرير رقم أربعه منو له مني هديه


المفروض بسرعه تعرفونها


:)


أخيرا


إحسب كم عددالمرات التي ظهرت فيها كلمة رجل .. رجولي .. رجلي بالبوست و إرسلها على بريدنا الإلكتروني و اربح معنا مليون ريال سعودي


يالله


ناطره الشاطر فيكم


:)

37 comments:

Frankom said...

أنا لم أتعشى في وقت متأخر ولما أخرب رجيمي مزاجي يصير زفت
والحين الساعة تقريبا وحدة وربع
يعني المزاج مو بس زفت الا مطيّن
وتقولين يؤال صعب

أشق هدومي ؟

إي صح نسيت

سلامات
:)

على فكرة كلامج اللي ذاك اليوم بالـ ام اس ان
طلع صح

بارك الله فيج

mimi said...

loooooooooool
salaaaamaaaaaaaat ya alby
inshallah ib 3adewenek
why didnt u wake me up b4 u gogo????
alf ba3d elshar 3alek ya 3assolaaat alby,,
w ba3deen,,
geltay rejly w rjoly w rejlaya 12 mara :)
i want the million
and the number 4 bed is 7marat elgayla
SA777777!!!!!

q8mirror said...

سلامات..ماقلتي لنا شفيج..؟
اكيد المريضة رقم 4 واحدة من فنانات هلا فبراير..
اشرايج؟؟
اكيد صح

joe said...

ذاك اليوم احد الاقارب مودينا مستشفى العدان بالعنايه المركزه والعالم مبسطه بالعنايه حاطين قشهم عبالهم قهووه خلكم من هذا
لما بنحولها غرفه عمومي ماكو ولا سرير سألنا الدكتور عن السبب يقولون الناس تغير جو او عشان يفتكون من الام او الاب


سلامات

almessila said...

ورده الجزائريه؟
حمل كاذب؟

سلامتج ما تشوفين الشر

abdu said...

اكيد احلام
:)

الزين said...

آنااا

!!

جنه انا

@@

بلا انا

:)))

سلامات يا قلبي من داخل

:**

فاطمــه said...

سلامتج وماتشوفين شر :***

SHOOSH said...

Frankom
========

كلامي دايما صح

:)

SHOOSH said...

mimi
====

wallah enty ele albeeee :)

gooleli mno fe bed no. 4 ????

SHOOSH said...

q8mirror
=========

غلط غلط غلط غلط غلط غلط

:)

SHOOSH said...

المباركيه
==========

يسلمك

:)

SHOOSH said...

almessila
==========

غلط غلط غلط غلط غلط

:)

SHOOSH said...

abdu
=====

غلط غلط غلط غلط

:)

SHOOSH said...

الزين
=====

:**

SHOOSH said...

Ƒiona H. Al- Ƨharekh
=====================

يسلمج و يعافيج من كل شر

:******

رورو الشخبوطه said...

سلامات ماتشوفين شر..

mazyona said...

سلامات ما تشوفين شر
اكيد السرير رقم 4 فنانة مشهوره

شاي الضحى said...

لوووول ضحكتيني على هالثنتين

وسلامتج ما تشوفين شر


همممممم اكيد مو انا

:p

صح؟

why me said...

سلامات حبيبتي ما تشوفين شر

:*

Anonymous said...

تری احترق قلبي ابي اعرف من!!!!!!!

SHOOSH said...

رورو الشخبوطه
=============

الشر ما يجيج

SHOOSH said...

mazyona
========

غلط غلط غلط غلط غلط

:)

SHOOSH said...

شاي الضحى
==========

اي اي موانتي

:)

SHOOSH said...

why me
=======

الشر ما يجيج

:**

الاوركيده said...

ماتشوفين شر يالغالية والحمد الله على سلامتج

السرير رقم اربعة هي احلام

صح
:*

Anonymous said...

Salamat inshallah!

NewQ8 Bride said...

سلاماااااات حبيبي و ما تشوفين شر
لووول ودي اعرف منو هذي اللي بسرير رقم 4 ؟؟؟؟؟

واااي استغفر الله يا كره المستشفى

SHOOSH said...

دمعة المقهور
=============

غلط غلط غلط غلط غلط


:)

SHOOSH said...

Pisceschick
============

yeslmech w ye3afeech :*

SHOOSH said...

New Bride
==========

الله يسلمج حبيبتي

فريج سعود said...

ماما انيسة

المهم ان صاحبة السرير الرابعة هي الصاجة والثلاثة الباجي عيارة

SHOOSH said...

فريج سعود
===========

أفاااااااااا

آنا عيااااره

!!!!!

رزنامــــــة said...

سلامات وماتشوفين شر يا شوشو
يا كره روحة المستشفيات الله يحفظ الجميع

بانتظار معرفة منو بالفراش رقم 4 :)

Anonymous said...

قزرتيها عاد
منو يالله

Anonymous said...

7aleeeema boland :)

Anonymous said...

meno raqam #4??!