كويتي .. بدوي .. تراثي

يا لهذا المساء الأرجنتيني الرائع

بوست اليوم عبارة عن مشروع وطني

أتمنى من كل إخواني و أخواتي قراء مدونتي الأعزاء .. إنهم يطبعون البوست و يلزقونه على أكثر طوفه تقع عليها أعينهم خلال اليوم

وذلك لما يحمله هذا البوست من معاني ساميه و لما له من أهمية في توطيد الروابط و إلغاء كل أنواع مشاكل المحادثه و الإتصال

لا بد بل إنه ضروري جدا أن يمر عليك خلال اليوم على الأقل واحد أو أثنين مما يلي

إقلط: تفضل .. إدخل

إطمر: إقفز

وهقه: مشكله

بطران: ريلاكسد .. غير مبالي

كمخه: أهبل .. بالعاده ما يدري وين الله قاطه

دق العود: صفه تطلق على الشخص النحيف جدا

عيا: رفض رفضا قاطعا

إدحر الشيطان: إستعذ بالله من الشيطان

حذفة عصا: إنه قريب جدا

رفله: صفة تطلق غالبا على الفتاة التي لا تجيد فعل شيء

بذمتي: أقسم بالله .. غالبا كذاب

إهنيا: هنا

لا حووووووول: لا حول ولا قوة إلا بالله

إقطع: فعل أمر شديد اللهجه بمعنى إسكت

رح: بكسر الراء .. بمعنى إذهب

عجل: أسرع أسرع

زنخ: يا لثقل دمه

قصرانا: جيراننا

طس: غادر بسرعه

إزهلها: وسع صدرك بس

أبك!: إنتبه .. إحذر

لعنبو: لعنة الله عليك

جعلك تحيا: أطال الله في عمرك .. بالغالب مع حبة خشم

ذلحين؟: الآن ؟

اقدع: تفضل تمرة يا هذا

إنثبر: فعل أمر شديد اللهجه بمعنى إجلس و أنت ساكت

وراه ؟؟ وراك ؟؟: فعل إستفهامي بمعني لماذا ؟؟ علامه ؟؟

تهقى ؟؟: أتظن ذلك ؟؟ هل تتوقع ؟؟

إنقلع: أغرب عن وجهي .. إذهب مع الريح .. و هو فعل من أفعال التحذير

أمحق: للتعبير عن الإستياء و عدم الرضا

ما قضيت؟: ألم تنتهي بعد؟

وشلون عربكم؟: كيف حال الأهل؟

أنت توحي؟: هل تسمعني؟

يهب يا وجهه: قبح الله وجهك

وا عيباه .. وا خزياه: ياللخجل .. ياللعار

وش هو من لحيه؟: ماذا تعرف عنه؟

يا زقينه زقيناه: ما أجمله .. إنه فعلا شخص رائع

يا طر جيبي طراه: وااااا مصيبتاه

يا حر قلبي حراه: يااااا لوجع قلبي

راح مرواح جدي: ذهب و لم يعد

و على فكره .. اللي بالصوره غوري .. أي .. إبريـــق

كأس العالم في البيت الكويتي

الوالده: ما يحلى لها تنادي الخدامه تخم الصالة إلا لما تكون إنت في قمة الإندماج مع اللعب .. ما تهوون عليها صالتها

الخدامه: بالعاده تنبل و متنحه .. بطه و عريضه و طويله .. مربعه .. تخم جدام التلفزيون ساعة إلا ربع

احذر انك تقكر تكلمها أو تقول لها بسرعه ولا وخري .. لأنه بالعاده يحوشها عقر بقر و تتننح أكثر و وقفتها تطول أكثر .. هااا شنووو شنوو فيه شنوو يقول بابا ؟؟؟

الوالد .. هذيل أنواع

الملتزم: شيلوا عماة العين هذي و حطوا الكويت نبي نشوف الأذان لا بارك الله فيها من كره .. لا صلاة و لا دين

المحنك سياسيا: و بعدين يعني ؟؟؟ ما نشوف أخبار ؟؟؟

العاطفي: شيلوا هالمسخره و حطوا سكوب خنشوف الناس و مشاكلها .. حطوا فلسطين اليوم خل نشوف شصار .. الناس تموت و إنتوا تشوفون كره

الرياضي: دشداشة نوم و قحفيه و جدامه مطارة شاي و إستكانات و أنواع المقاريض .. صافط جدام التلفزيون قبل نص ساعه من بداية الشوط الأول .. حافظ كل أغاني المونديال .. بالغالب حافظ اللحن و الكلمات من مخباته

الولد: مندمجا لآخر درجة ولا يطوف أحد جدامه إحتمال يشوحه بأي شي يمه

اللللللللللللللللللللللله و أكبر .. مشيدا

يا حمااااااااااااااااار .. مسفلا

يا حكم يااااااااااااا عمي .. مسفلا مرة أخرى

حرااااااااااااااااااااام .. متحسفا

ليييييييييييييييييش ؟؟ .. مستفهما

كفوووووو كفوووووو .. مشجعا

يحاجي اللاعبين طبعا

البنت: ما تعرف شي و لا تدري عن هوى دار المبارة بس ماسكه البي بي

و كل شوي مغيره الصورة

مره علم البرازيل على خدها

مره علم أسبانيا على زندها

مره كاتبه فيفا أسبانيااااا

مره جووو أنجلاااند

مره عاش الأزووووري

و إهي ما تدري وين الله قاطها

قد تصدف أن تسأل .. واااااي يا حلاة إلي حط القوول .. تكفى خلوود شسمه ؟؟

التلفزيون: المستعبـــــط الأكبـــــر بلا منــــافــــس

يشتغل .. يفصل .. يتشنج .. يرجع يشتغل .. توقف الصوره و الصوت شغال .. يشتغل الصوت و توقف الصوره

وإللي ماسك الريموت ما غير طالع قناة جدام و رااد قناة ورى .. يحرض الإشارة

طبعا بين الشوطين ركضة كل واحد يخلص شغله

اللي وراه إمتحان سريع سريع يقرى له كلمتين

و إللي مزنووء و ماسكها ركضه يخلص أمـوره

و إللي ضاغطينه ربعه يبلش تليفونات و مسجات

بعد إنتهاء المباراة .. الكل يشتغل محلل رياضي من الوالد .. إلى الخــدامه

ما عليـــنا

شــــرايكم بالبــــرازيــل اليــــــوم ؟

عندما تقول ما لا يعجب الآخرون

فــأنــت أكيــــــــــــد

ما عندك جنسيــة

أكيد بدون أو زلمــه

مريض نفسيا و بالغالــب يشخص إنفصــام شخصيــة

أمــك و أبـــوك مطلقــين

طفــولتك تعيــــسه

كنت منحـــاش أيــام الغــزو

مـو شايــف الدنيــا

مو شـــايف خيــر

مو راكـــب طيــــارة

مــو داش سينــــما

محتــر و مقـــهور

حـاقد و حـــاسد

مدزوز عليــهم

مــا عنــدك مــذهب

ســـاقط لاقـــط

همجـــي

هيـــلقي

مــو صــاحي

مــا تفهـــم

مــاكو منطـــق

دايــما تبـــالــغ

مــاني مكـمــله لأني أخــاف على حيــاءكــم

و عــلى فــكره .. كــل مــا سبــق مــو مصطــلحاتي

هــذا بعض مما قرأتـــه من تعليــقات القــراء الأعــزاء على الوطـــن أون لاين على واحد من بوستاتي و بعـــض مما وصــل لي بالإيميل

إشدعـــوا عليـــهم

تصــدق عــــزيزي القـــاريء .. للحــظه كــانوا يمكــن يوصلـــون إلى إنـــهم يهــدرون دمي علشان نفيـــش و بيبســي

اليـــوم

أثنين - صفـر للأرجنتين

الكويتيووون في السينمــا

يقعد بالسينما كأنه قاعد بصالة بيتهم .. يسولف .. يتكلم تلفون .. يتسدح .. يتشردغ .. يتمردغ .. عادي جدا تلف وجهك يمين ولا رجل واحد بن *** فوق راسك

ياكل النفيش كأنه ياكل عيش مخلط مع حصى .. يضرب إيده بالخمس داخل البوكس .. ودوور فيها يالشمالي دور فيها .. و يحوس .. خوووش خوووش خوووش .. إلا المشهد خلص و ما سمعت شي من إزعاجه

طبعا أشكالهم و أهم داشين تقول رايحين كشته بالبر .. بيبسي .. نفيش .. ناتشوز .. هوت دوغ .. بيرير .. كلينكس .. أعواد .. عفسه عفسه .. ناقص بس مطاطير شاهي و قهوه

الفلم ما بقى عليه شي و يخلص و الناس للحينها تدش و تطلع

لازم لازم .. بل يكاد يكون ضروري .. أن يدوس أحد على رجلك وهو يحاول الوصول لكرسيه .. او وحده تلفحك بوجهك بجنطتها .. أو مره تغطيك بعباتها أو أن تتحول انت بالذات إلى مسند يقضبونك و أهم ماشين خوفا من التعثر لا سمح الله

شيين أثنين غالبا ما ياكلون عليك نص الشاشه .. شماغ اللي جدامك .. أو بف إللي قاعده يمه

بالرغم من التطور الكبير .. و الإنترنت .. و الأقمار الصناعية .. و الإنفتاح العالمي .. مازلت السينما و بلا منافس .. تعتبر المكان المفضل للمواعد .. حيث إنها وحدها وبلا منازع .. ظلمه .. الناس جاية تشوف فلم و ذيلي جايين يحبون .. شيفكك منهم عاد

المهم .. ما علينا من كل هذا

شرايكم بألمـــانيـــا أمس ؟؟

الألمـــاني مــا كان طبيــعي

لا بـــطل .. غيــر الأرجنتيـــن

No campeón, pero Argentina !

و لعيـــــون ميـــسي .. تكــــــرم الأرجنتيــــن

ركـــز معـــايـــا

يطلع مين

هو مين

الرابح اللي حيكون معايا مين

سجل رقمك و إإفل و إحنا حنتلفن عليك

أوصل على الهوا معانا

عشر تالاااااااااف يورو مشاهدينا

لأسرع متصل يتصل علينا

عشر تااالااااااااف يورو مازالت بالإنتزااااار

عشر تالاااااف يورو .. إتصل و أووخد أرااااار

ألووووو مساء النور مين معايا

نواف من السعوديه

أهلا هلا بأهل السعوديه

أهلا بأهل جده و الرياض و تبوك و عرعر و وادي الدواسر

ألف ألف مبروك يا نواف ربحت خمسين يورو بمجرد إتصالك

نواف عايز عشر تالاااف يووورووو ؟

إيوه

ركز تربح عشر تالااااف

أمر أمير الأمراء .. بحفر بئر في الصحراء .. فكم راء في ذلك ؟؟

كل الكلام ده سيبك منووو و ركز معايا في آخر كلمة

يالله يا نواف كم راء في ذلك ؟؟

نواف: همممم واحد أثنين ثلاثه ... سبعه ؟؟

غلط يا نواف غلط

ما حبكش و انت كده

لاااااحأ الفرص و أوصل عالهوا

لااااحأ المكسب

لاااحأ الإجابة الصح تكسب

مين هو السوبر ستار

مين هو الرابح الجبار

أهل العرااااء .. أين انتم يا أهل الرافدين

أهل البصره و الفلوجه

إتصلوا بينا من المغرب

من كازابلانكا و الدار البيضا .. من فاس و مكناس

ألوووو مين معايا

حمد من السعوديه

حمد .. ابن أمك و ابن أبيك و مش أختك ولا أخيك يبآ مين

حمد: هممممم ولد عمي ؟؟

غلط يا حمد غلط

ألووووو مين معايا من أي دوله

عدنان من العراق

أهلا بأهل العراء العزيم

أووولي يا عدنان

عدنان: هلا عيني

إجابتك إيه

أخوي الصغير

لاااء لاااء يا عدنان إجابتك غلط

و نشووف المتصل الجاي

ألووو مين معايا من اي دوله

مرسي من أسيوط

أهلا بأهل مصر بلاد النيل و الحزاااره

مرسي .. ابن امك و ابن أبيك ومش أختك ولا أخيك يبآآآآآ مين

مرسي: أخووويا من مراات أبووويا ؟؟؟

غلط غلط

ركز معايا تربح عشر تالاااف يوروووو

اتصل بينا على تسعه زيروه عشر تالااااف خمسه

كاشات نأديه

كاشات فوريه

اتصل و اربح

اتصل و دووء معانا طعم المربح

أين انتم يا أهل مسقط و عمان .. صحصحوا معايا الآن

إيه الحيـــــــــــــــوان اللي عزموووو بالداخل و لحموا بالخارج

على فكره .. إهي اللي شدت على حيوان مو آنا .. بس ما ني مكمله

جابت لي الحارج صراحه

يلعن خيرها .. تدرون ما اسكتت كلش

بس والله دمها خفيف

واللي يدقون أخف بعد

اللي يضيق خلقه ضروري يتابعها

نــــــداء إستغــــــاثة

عســى بس ما ينســون مقــص ولا قطــن ولا بلاك بيــري داخــل بطنــي

دعــــــوات الصـــالح فيـــكم يا جمـــاعه

الطـــالح جــزاه اللــه خيــر خل يكـفيني شـره و لا يدعــي

أبـــوس إيـده لا يدعــي

أخـــاف تضربني الدعــوه عكسيــــة

البـــــوووووسه

أمـــس كنت داشــه فلم

SHREK

الفلم كله بكبره محوره

بـــــــــــــــــــوســــه

حبكــة الفــــلم كلهـــــا

هالبـــــــوســـــه

البــــــــوســـــه هذي هي إلي تغيـــر أحـــداث الفلم كلـــه

تخيلــــــــوا عــــاد أعـــــزائي القـــــراء

هالبـــــوسه هــــذي

حبـــــكة الفـــــلم

نقــــــطة التحـــــول

مقطــــــــــــــــــــــــــــــــــــــوعه

يــــا ربـــــاه

قصة البـــــوسه بسيــــطه و بريئــــة

ثانيتين من الفــــلم بس تفهـــم اليهـــال شصــــار

شـــريك يبــــوس فيــــونا زوجتــه

على شـــان اللعنــــه اللي نــــازله عليـــــها تنحــــل

حـــل اللـــه بطــــون المتخــــلفيــن اللي عنـــدنا

اليهـــــال الي معـــــاي صـــار فيـــهم إنفصــــام شخصيــــة و شيـــزوفريــــنيا

ولد إختــي يقول لــي : خــالتي ليـــش فيـــونا ما ماتت ؟؟ شريك ما باسهـــا المفروض تموت

شوش: إمبــــلا باسهـــــا

ولد إختي: متـــى ما شفت قوليلهم يعيـــدون

لا حول و لا قوة إلا بالله

يعني اذا شريك الوحش اللي شكله يقلب الجبد .. لما يبوس فيونا الوحشه البطة القزمه الخضره اللي هم تقلب الجبد .. لا وفي فلم أنيمايشن و حولهم حمار و قطوه .. الرقابة تعتبره مشهــــد ســــاخن

فآنا ما أقــــول إلا

كــــلكم روحــــــوا تـــــزوجوا

لأن الــــوضع صـــــار خطــــر

يعني ممكن اذا انت طلعت تغسل سيارتك عند الباب و انت لابس مكسر و على راسك قحفيه

فهذا مشهد قد يعتبر قمــــــــــــة في السخـــــونه إنت تتحمل مسئوليته

تــــدرون ودي أبـــــوسكم بس أخــــاف يقطـعـــونها

بس ما نبي بوووووس

ألعــــن أبــــو البـــــوس زيـــــن