بينما كنت أستمتع بحمـــام الهنا أمس الاول
آخــــر روآااااان
فشامبو هنــــا
و صـــابوووون هنــــاك
و فقـــاعة تتطــــاير .. حتى تقـــع علــى الحنفيـــه فتنبط
و إذا بـــــه
الماي ينقطع فجأه و سط ظروف غامضه
تاركا الكل في حيره .. مستغرب إنقطاعه
و خصوصا آنا
إنقطع المـــاء من غير تدرج و من غير إنذار
جلست أترنح بالحمام أبحث هنا و هناك عن حنفيه ممكن ترحمني بقطرتين ماي بس .. مااااكو
فإذا بي أصرخ
و أندد
ميــــــري ميــــــري إلحقيـــــني
يس مدام
جيبيلي تب و ترسيه ماي
ماكو مدام
المفروض كنت أتوقع إن ماكو .. يعني إذا حمامي عزكم الله مافيه أكيد كل مكان بالبيت ما فيه بعد
مش عايزه هندسه يا شووش
المهـــم
فإذا بي أعاود التنديد
ميــــــري ميـــــري
يس مدام
جيبي كرتون مـــاي
فور درينك مدام ؟؟
اي اي فور درينك
وبحمد من الله .. و عون من مياه أبراج
تسبحت في 22 بطل ماي صغير
بس إيـــــه ؟؟
طلعت من الشاور منعنشه
شعري ناعم
جسمي يلق
عيوني تلامع
خشمي صغر
طلعت غير غير غير
ومن هنا
أنصح كل قرائي الأعزاء
إنهم يتسبحون في مياه معدنيه
من تجريه شخصيه
بتصغرون بدال السنه ميه
و اتمنى من الحكومه الأبية
تصرف لنا مع التموين مياه معدنية
يعني سبحه ماي عادية
و سبحه ماي معدنية
إنشالله بس تكونون ملاحظين القافية لأني تعبانه فيها
وإنشالله بس أبراج ما يحطون في بالهم إني مسوية لهم دعاية
ترى لو سبحتوا بالروضتين و لا مسافي و لا هنا
بتلاقون نفس النتايج الإيجابيه
:)
اي والله صاااااجه
ReplyDeleteولا الله يرضى ابطل الحنفيه يطلعلي الماي مصوفر
هذا والماي قبل لا يصل الي ايدينا حاطين فلتر ..
عيل لو ماحينه شلون بيكون لون الماي
أخضر مصوفر مثلاً
ويع
ومايبون ويوهنا يطلع فيها تجاعيد
x_X
بس ترا مياه أبراج لازم يوصلون لج للبيت 1000 كرتون
شكرا على استخدامج واختيارج لهم
الا خشمج صغر؟
ReplyDeleteأقول نعيما
;p
هههههههه
ReplyDeleteحمام الهنا انشالله
وإلى حين تطبيق الحكومه لإقتراحج بإدراج المياه المعدنيه مع التموين ,, فإنني أمتنع عن السباحه ,, بسوي إضراب يعني
هههههه
نون النساء
ReplyDelete===========
بيكون احمر صديدي
ARTFUL
ReplyDelete=======
حده
:)
(( أبوغرايم ))
ReplyDelete==============
شكلك منت متسبح عيل
:)
جان تسبحتي بماي افيان ...دام السافه خاربه خاربه
ReplyDeleteشالفِسَق؟
ReplyDelete;p
ههههههههههههههههههههههه
ReplyDeleteحلوه
عاد جان وديتيلهم العلب تتبرعين فيهم
نعيما
الله لايقول وتصير فيني بنص لسبوع وقت دوامات
نعيــــما
ReplyDelete:p
يمدحون
milk bath
creamy
انجربه و نقولج
;p
تصدقين حتى بلوقج فرق علي
الحروووف تلق ..و الصفحة بيضة
:p
********************
انزين جربتي ينقطع الماي وبراسج وعيونج شامبو ؟
ReplyDeleteشنو النتايج ؟
ترررى صج احسن ماي بالكويت مال لكويت مايخشن الشعر مثل باجي المياهات لووول
حمام العافية
ReplyDeleteعيل تنصحين نجرب
:*
لووـؤل حلو التغيير
ReplyDeleteحمآم الهنآ :p
الزين زين ولو قعد من النوم
ReplyDeleteوالشين شين ولو تسبح بمياه ابراج
شلونه مع القشره
شوش فتحى صالون نسائى
ونزلى دعاية مكياج ابراج
loooooooooool
ReplyDelete7amam el hana ra alboo,, ana men bokra bashterely may 7ag elseba7a bas,,
shooshy, perrier yenfa3 ???
شنو علاقة الاستحمام بصغر الأنف ؟
ReplyDeleteهذا الفسق بعينه وعلمه ولا ما تبون الاخت اوبرا تعصب وتتطنز علينا .. الناس مو لاقيا ماي تشرب واحنا نسبح بماي صحه
ReplyDeleteيمدحون السباحه بحليب السعودية ولا حليب كي دي كاو
جربي تتسبحين بشاي
ReplyDeleteراح يختفي خشمج مولية
لووووووووووووول
ReplyDeleteكلش مو شي
لو انا جان مت من البرد
بس من صجج تسبحتي بماي ابراج ...
لووووول اتخيل شكلكج .. نكته
حمام الهنا =p
حبيبتي شوش معلومع صغيرة مياه ابراج مو مياه معدنية هي مياة بحر مهدرجه ومعقمه حالها حال ماي الحنفيه بس على مستوى انظف شوي
ReplyDeleteعموما انا انصح باستخدامها لكافة الاستعمالات وقاعده اكتبلج الحين وانا اشربها
على فكره ترا مو قاعده اسوي دعاية هذه بس معلومه عشان اللى يقولون فسق تراها نفس اللى بالحنفيه
ونعيما يا حلو
روحي يا شيخة عسى الله يسعد ايامج
ReplyDeleteانا بالصدفة دخلت مدونتج و بصراحة كانت النفسية موش ولا بد
لكن اسلوبج بالكتابة رسمت الابتسامة على محياي ( حلوة مني محياي؟ ) لذلك كان لزاما علي اني اكتب لج التعليق هذا
الله يوفقج يا بنت الناس و عسى الله يسعدج مثل ما اسعدتينا
:)