:)
جتني ضحكه ما أدري ليش
:)
المهم .. قسما عظما اللي يقولي حمدي ربج يا ويله
:)
آنا حامده ربي مليون مره .. رجاءا إخواني و خواتي البلوقريه .. لا نصير مدرسين دين و فقه على روس بعض .. فجأة الكل قام يفتي بالدين
فجأه الدنيا كلها يا ســادة يا شيــوخ دين
المهم
خــلوني بعيد عن السيــاسه و الإقتصــاد لأنهم مو مجــالي
بوست اليوم من وحي و إلهام الجو الماطر اللي اهو بحد ذاته بوست
لطالما كنت اتساءل .. و أراود نفسي .. ليش مطرنا غير ؟؟
أولا: مطرنا عبيط
ينزل فجاه و بكيفه متى ما قرر .. صبح .. مسا .. صيف .. شتا .. ينزل و بس
ثانيا: مطرنا فيه إنفصام شخصيه
فتــــــارة غزيــر و يصب صـــب و عقب دقيـــقه مــاكو شي
ثالثا: مطـــرنا وصخ و لووونه أسود
ما عنده شغــل غيــر إنه يوصخ السيايير و الحيشان و يمشي .. يا ساتر .. أمي حاشها الديسك من كثر ما تغسل حوش بيتنا
رابعا: مطــرنا ريحته تراب
يعني مطرنا رمل بس في الحاله الســائلة
خامسا: مطــرنا عنيف و وحشي
غالبا ما يسبب الزحمه و الحوادث في الشوارع و الخرير في البيوت .. بعيد كل البعد عن الرومانسية و إلهام الشعراء في الأجواء الماطره الهادية
سادسا: مطــرنا مــاله فايــده
فلا أشــوفه يطهــر الأرض .. و لا يسقي الزرع .. و لا ينفع لشرب .. تراب تراب
ســـابعـا: مطـــرنا لوتي
فبدل ما إنه يغسل الأرض و الجو من الامراض و الفيروسات .. يجيبهم لنـــا
ثــامنا: مطــرنا مــاله و ظيفه حسيــه
يعني حتى المزاج ما يعدله
تاسعا: مطرنا دمــه خفيف
يخرب شعــر البنات .. يلــزق هدوم الاوادم .. يوصخ الدشاديش من تحت .. لوووول يمسخر الناس
عاشرا: مطــرنا مجرم
يخرب مواعيد الناس .. شبكات التلفون تعتفس .. المسجات ما تروح .. الستلايت مادري شيصير فيه كل شوي أحد صاعد السطح يعدله
أكشــن أكشـــن
يالله كله خير
طين مو طين يالله .. مطر عالأليــــله
و العنــوان ماله شغل بالبــوست .. بس هالإغنيــه معلقه بمخي صــار لها أربع أيام
و زعـــلانه إنتي عليــــنا ما تردين الزيـــاره ؟؟
مطرنا خير و بركه ..الحين اهو ما يمرنا الا بسنه حسنه ..و طايحه فيه زف و تطنز
ReplyDeleteخطاج السو
حمدي ربج :-) ههههه
ReplyDeleteتكفين الاودام يدورون العلثة، أو أي سبب حق المشاكل اللي بالديرة، أول يقولون كله من الحسد، ألحين أشكره -و الفضل لشوش- بيقولون كله من المطر
ReplyDelete:)
تخيلي هالمطر بشرق اسيا او اوربا تشوفين البنايات وراها جبال الرواسي و الغيم الي يبين مو مثلنا يطق مطر بس مايبين غيم بره الكويت فجأ يطق مطر تشوفين الناس فتحت المظلات و بس يوقف الناس كلها تصكر و الناس كلها تمشى بهالجو الحلو منظره حده انما ايييه
ReplyDeleteمطرنا يشبه مجتمعنا
ReplyDeleteبكل المواصفات اللي ذكرتيها
وبلاش زعل
:$
عاد انا حبيت المطر اليوم
ReplyDelete:)
شفيج عليه
:(
*****************
مطرنا يخرب أم الكشخه
ReplyDeleteرايحه الدوام ويا ويهي كاشخه بدلتي أبيض ورمادي
بنطروني صار طين
مطين
لووول
مطرنا خسبقنا الله يهداه
بعد زين حاصل لنا مطر نتحلطم عليه؟؟؟
ReplyDeleteغيرج مو لاقي يا شوش
بعدين اي ماكو سياسه انيت من قلتي يطق المطر وتصير حوادث هذا اتهام مباشر لوزير الداخليه وقلتي التلفونات مادري شيصير فيها هذا اتهام لوزير المواصلات يعني لازم نستجوب رئيس الوزراء عبالج انا مو فاهمج انا اقرا ما بين السطور ايييي انتي تبين تطوفين حكم بس علي انا ما تطوف.
انفع اشتغل رقيب بمراقبة المدونات؟؟؟
لانه بيني وبينج شايف نفسي قادر على تلفيق التهم غصب طيب
Sami
ReplyDelete====
خطاك اللاش
أحد قال لك إني داعمه ؟؟
:)
أبو فلان
ReplyDelete========
و بعدين يا أبو فلان ؟؟؟
المباركيه
ReplyDelete=========
اسمحلي
ما أقدر اتخيل
أتعب
Deema
ReplyDelete======
دام فيها فضل
فأنا ما أمانع
:)
الزين
ReplyDelete=====
الله كريم الله كريم
:*
al-NooR
ReplyDelete========
موصخ سيارتي
why me
ReplyDelete=======
عيل البوست إهداء لج
يا أم الرمادي
جبريت
ReplyDelete=====
أضحك الله سنك يا أخي
:)
ضحكتني
تنفع تنفع
لاء مو صج مطرنا مصخرنا تمصخر
ReplyDeleteاصلا كلما اغسل سيارتي اطق مطر او اصير شي بالجو يعتفس و الله مره خليتها اسبوعين تقريبا وصخه بس غسلتها جان اصير عافور :@ ليش هالحقد ماادري
انا قايل حق سيارتي شوفي شهرين ماكو لا غسييل ولا تكشيخ ولا قز ولا شي بسبه هالجو الي يستهبل استغفر الله
ReplyDeleteمرا مطر شوي غبار شوي شمس شوي هوا
جنه واحد يلعب بالريموت استغفر الله
ان صار فيني شي ياويلج LOL
وبالاخير
الحمدلله الحمدلله على كل حال
I HATE THE RAIIIN!!
ReplyDeleteوانتي كلا تتحلطمين ؟
ReplyDeleteصكيي علي
shaYmoOona
ReplyDelete===========
آنا سيارتي أغسلها بالسنه مره
Cesc
ReplyDelete=====
و انا مالي
!!
*surprised face*
eshda3wa
ReplyDelete=========
me 2
فريج سعود
ReplyDelete==========
صكيت عليك من زمان و خلصت
:)
المطر نعمه
ReplyDeleteالمطر نقمه
ايهما اصح
الله يعافيج كل هذا بمطرنا؟؟؟
ReplyDeleteواللي يسلمج لا يسمعج المطر
ويطلب كادر!
مسا الفل
eee wallah ya 7oby,,
ReplyDeletekel kalamech sa7 100%
w heela ya rumanaaa
shoshoty za3lanaaa,,w el3ataba gazaaaz w elsellem naylo fe naylooooo,,,,,hatha elly fe baly al7en :)
:***
ويه يا شوش .. اللي يشوفج يقول الجو لندني .. يعني على جونه زين بعد نزل مطر .. صج انه مطر يضيق الخلق وسرايات وجأة شمس !!!! الموضوع غريب شوي .. بس يتم مطر العوض ولا القطيعة .. صج انه فيه كل الصفات اللي قلتيها .. بس تراه طهور من رب العالمين وفيه مصايب لناس .. كل حسب يزاه
ReplyDeleteبس ستل يضيق الخللللق
مساء الورد والديمة هههه " أخاف ديمة"
lol ana ma gemt a3'asel sayarty le2ana theres no point!
ReplyDeleteمطرنا له رسالة وحدة: من قالكم تشترون سيارة سودة؟
ReplyDeleteماسمعتي باللي يقول
ReplyDeleteهذي الكويت صل على النبي
على شي اتعرفين ان احنا غير عن البشر ;)
هذا واحد من اقوا اسباب اللي يخلينا انشوف عمرنا
لان حتى مطرنا او جونا ماتحصلينا اب ولا ديره بالعالم
والله يديمها نعمه علينا يارب