خفت أكتب ماك عبالهم ماكدونالدز
كتبت ماكنتوش قالولي كاكاو
المهم
لا هذا و لا ذاك
قصدي عن الماك بوك .. اللاب توب
لا أخفي عليكم .. إلا صج شرايكم في مقطع لا أخفي عليكم ؟؟ حلو صح ؟؟
المهم
لا أخفي عليكم قرائي الأعزاء إني شريت هذا الجهاز المشئوم إلي إسمه الماك بوك برو قبل تقريبا شهرين و نص
و لا أخفي عليكم أيضا إني من شريته و اهو طايح بجبدي .. عاله على مكتبي .. غاثني .. قاهرني
حسبي الله على تلك اللحظه اللي تهورت فيها و قطيبت 530 دينار كويتي .. دينار ينطح دينار على هالجهاز التعيس
نزل المعاش الساعه خمس .. الساعه سبع الماك بوك عندي
لا و مو بس جذي .. عبالي روحي خبيره
شريت سماعات .. و ماوس من غير واير و يطلع ليتات .. و ستين جنطة لاب توب .. و 3 طاولات هذيل ملوت الرجل علشان السيفتي يعني
و كفرات و عفسه
و آخرتها .. طايح كأنه قتيل على الأرض
حسبي الله على تلك اللحظه النحس اللي سمعت فيها كلام ربعي و عيال عمي و إخواني
ودرووووني
ضيعوووني
فلسووووووني
حسبي الله عليــهم حسبي اللـــه
فروا مخــي
شووووش شخباري ويندوووز ويييييع ويييع حدج قديمه
شووووش لما بتستخدمين الماك بتكرهين روحج ليش كنت ما تستخدمين إلا ويندوز
شووووش الماك شي مو طبيعي و الأبليكيشنز فيه مووو صج
شووووش ماكو مقارنه بين شاشته و شاشة اي لاب توب ثاني
شوووووش مافيه فايروس
وااااااي وااااي واااااي .. صورووووه لي وكأنه شي نازل من السما .. حلفت آخذه آخذه
لما إنطقيت على عيني و خذيته
خلوا رفيجاتي على صوب .. الفلبيني اللي بالمحل .. كرهني برووحي ليش أستخدم ويندوز
يقولي ماااااااااااااام شنو لاب توبات استخدمتي
قلت له آي بي إم
سوني
إتش بي
و كل ما أقول شي يعطيني نظره من فوق لي تحت
حسسني إني طالعه من جليب ماي و ما ادري الدنيا شصاير فيها
يقول لي : سووووو فريندلي مدااااام
فريندلي بعينك عمى بعينك .. ساعه بصغر الويندو مالت سفاري ما عرفت
و قعد يخربط على راسي لما شريته
الزبده
الجهاز ما عرفت أسوي فيه شي .. بس قاعده أطالع فيه أفلام دي في دي
اهو صج فيه حركات بس هم مو قادره أستغني عن الويندوز
حاولت بيني و بينكم أصرفه
مسخروووووني
شوش: شراااي ؟؟
أخوي العود: شنو ؟؟
شوش: الماك بوك
أخوي: 250 ؟؟
شوش: نعم !! شاريته 530 !! يالظالم طيحت منه وايد
أخوي: كيفج والله
***
شوش: شراااي ؟؟
أخوي الصغير : شنوو سيارتج ؟؟
شوش: لا لا الماك ؟؟
أخوي الصغير: 300 ؟؟
شوش: انتوا شنو ما تفهمووون ؟؟ أقولكم 530 شنو 300 حرااام
أخوي الصغير: مستعمل بعد شنو
شوش: ما إستخدمته
أخوي الصغير: طلعتيه من الكرتون ؟؟
شوش: اي
أخوي الصغير: بس طاحت إميه
شوش: نعم ؟؟؟
أخوي الصغير: شغلتيه ؟؟
شوش: اي
أخوي الصغير: بس طاحت إميه ثانيه
شوش: والله صج ؟؟؟ انقلع زين الشره علي آنا اللي ببيبعه عليك
***
شوش: شرااايه ؟؟
إختي : الماك ؟؟
شوش: اي
إختي: كاااااااااااااااااك كنت حاسه انج متوهقه فيه .. امووووت و اعرف ليش تكابرين .. دام مو قد الماك شكو تتليقيفين و تاخذينه
شوش: ما تبينه يعني ؟؟
إختي: لا خل يطيح بجبدج تستاهلين خبيتنا عليه و مشغله لاب توبين يدامج جنج كونداليزا رايس
***
شوش: شراااي ؟؟
ولد عمي: إنتي كله تبيعين ؟؟
شوش: واااي قطيعه .. يا إي يا لأ ليش التفلسف
ولد عمي: مادري شنو بس ماني شاري ما تعرفين تسوين تسويق و لسانج طويل
وبس .. يأست و أنا ملوله و صارت السالفه عناد .. أعلى سعر حصلته ثلاث إميه
بايعه بقره مو لاب توب
أمس عرضت على أخوي بو ميتين و خمسين أبيعه عليه بثلاث إميه و هم قال وايد
جان تلوع جبدي منهم .. و قررت أشيل من بالي فكرة البيع وأستغله و أستخدم البرامج اللي اعرف استخدمهم فيه
والله و شغلته و انا متحمسه و كلي إيجابيه
وانصدمت إني ما اعرف استخدم الا الدي في دي بلاير
صعقـــه صعـــــقه
جهاز ب 530 أشوف فيه أفلام بو نص
أتوقع من كثر ما حنيت على ال 530 حسيتوا شكثر معوره قلبي هالخمسيه
أااااخ يــا قلبي
المهم
عاد قررت أشوف فيه أفلام بس
و أسويله عملية تحويل من ماك بوك إلا دي في دي بلاير
و أمري لله
منكم لله يالي قصيتوا علي
LoOoOoL
ReplyDeletemaskeeeena ksrtai 5a6rii ;Pp
bs haam entai shaklch 3laimeyaa shakoo sharetaaa ;Pp?!
wela ilMAC (laptop mo macdo ;Pp) 3ajeeeeb kl shay feeh bs ybelaa a7ad y3rflaa ;Pp
be3eeeh 250 w eshtrelch DVD player w 5ali o5och ystfeed a7sn ;D
P.S: la tshtren shay ma t3rfenlaa 2laa lma tjrbena w y3jbch.
جان تلوع جبدي منهم .. و قررت أشيل من بالي فكرة البيع وأستغله و أستخدم البرامج اللي اعرف استخدمهم فيه
ReplyDeleteوالله و شغلته و انا متحمسه و كلي إيجابيه
وانصدمت إني ما اعرف استخدم الا الدي في دي بلاير
صعقـــه صعـــــقه
جهاز ب 530 أشوف فيه أفلام بو نص
-------------------------------
كااااااااااااااااااااااااك
هاردلك من قلب
كنت متحمس اخذه بس بطق بريك عقب كلامج :-\
وااااااي موتيني
ReplyDeleteضحك الله يغربل بليسج
انا اشتريه بــ 301
تبيعين
:p
بس يبيلج قعدة
مع احد عنده ماك
و يعلمج عليه ..
و صدقيني تستانسين
شنو تنصحينا
موفيز ؟
***********************
الله يعوضج ان شاءالله
ReplyDeleteبس حبطتيني :\
انا ناوي اشتريه عاد لاتخرعينه
لان على قولتج اسعاره مو هينه
يعني جني ماخذ 3 لابتوبات اتش بي بسعره لوول
فيعني كلش ماتنصحين فيه؟
عندي لج حل ... نزلي عليه وندوز و اشتغلي عليه...
ReplyDeleteاحسن من انج مسويته ديفيدي بلاير ...
روحي اي محل في حولي او icity و يسوون حقج
لا تحرين روحج كل شي له حل ..
واذا كلش كلش .. دشي دورة و تعلمي عليه عدل ,, مالج شغل في العذال :)
لازم تحليلينه، ما فكرتي تدشين دورات خاصة مثل إلي بالتطبيقي؟ ترى فيه :p
ReplyDeleteتدرين منو اللى ربح الفلبينى الحين ماخذ بونص على هالبيعة بس على فكره ترا هذا سعره مع الكفاله جان سألتى اهل الخبره مو اهل الكشخه والتفلسف
ReplyDeleteههههههه قريت موضوعج بجريدة الوطن
ReplyDeleteمثل ما قال اخوي مشلخ
تقدرين تنزلين عليه الوندوز
وتقدرين تخلينه يشتغل على الوندوز والماك بنفس الوقت
وترى اسرع جهاز تشتغل عليه الوندوز بسلاسة هو الماك يعني ما قطيتي فلوسج عالفاضي وترا الجهاز كد ومد سألي مجرب
تحياتي ..
هههههههههههههه
ReplyDeleteغشيييييت من الضحك
يعني ما تنصحين فيه
وسعي بالج وما كو الا العافيه
انا اقول اجريه
وحطي اعلان بالوسيط وشوفى العروض.....ههههههه
والا احسن شيئ
انا اشتريه منج
340
ترا هذا اعلي سعر ياج الى الحين
شرايج
هههههههههه
خيره بغيره
ماكو على الوندوز
تحياتي
mac rules
ReplyDeleteloool
ReplyDeleteصديقتي ووايد ناس نفسج
بس انا عجبني وتعودت عليه حبيته وايد
وترا في طريقة تحطين فيه ويندوز
حطيه أحسن لج وتنحل المشكلة :)
عادي لايضيق خلقج اللي يقعد مع اهل الماكنتوش ويسمع بعضهم يتكلم عنه الى حد القداسة اكيد بفورون راسه ويشتريه لكن الواحد لما يقره ويسأل اهل الخبرة راح يعرف انه كلامهم مبالغ فيه وانه حاله حال اي نظام تشغيلي له ميزاته وعيوبه
ReplyDeleteبس انت ليش تتحسفين بالعكس الحين تقدرين تتفلسفين ركبي عليه الويندوز وجذي يصير عندج لابتوب يشغل الماك والويندوز بنفس الوقت
وقعدي تفلسفي بلابنوب لما يضربونه عين ويطيح بجبدج حزتها تحسفي
هههههههههههههههه
وهذا رابط لتحميل ثلاث كتب 2 عن ماك و1 عن ويندوز 7
سلي روحج فيهم يمكن يفيدونج
http://www.myupload.dk/showfile/44957846345.rar/
هنووي
حري عليه
ReplyDeleteبجم اقول
اول شي سوي اعلان بالمدونات
وحددي سعر تبلشين منه
:)
اكيد بتلاقين شراي
يمكن تضبط السالفه معاج
شنو عندج بعد بتبيعينه
؟؟
ا
Oo sorry for what happen.
ReplyDeleteU can install windows in it:
The best way is to install VM-ware or Parallel (both r available in Hawally)
Then install windows inside either of the above app
Hope this help
توضيـــــح
ReplyDeleteيا جماه ترى مركبه عليه الويندوز
بس هم ما ارتحت في استخدامه
للأسف
ما صار
chemistry
بيني و بين الماك
شرايج تأجرينه ؟؟؟
ReplyDeleteالساعه 530 فلس ... دشي التجاره من اوسع ابوابها وخلال 1000 يوم راح ترجع فلوسج
Salam SHOOSH
ReplyDeleteTry the apple website , they have educational video for the machine , recent switch from windows and the different programs .its going to be tough few months but im sure you will like it .
http://www.apple.com/startpage/
i made the switch about a year ago and never looked back .
Good luck
هههههههه صج شر البلية ما يضحك :))
ReplyDeleteالله يعينج .. وانششالله تتعلمين عليه وتغيرين رايج :)
تحياتي ..
امبيييييييييييييييييه
ReplyDeleteمومنصجج انا هاذه غرامي احبه اموت عليه لابتوبي الماك برو
شريته من امريكا وماتحسفت وعلى فكره محد قالي انا بروحي رحت شريته من غير تفكير وكان غالي اول مانزل بمريكا
بس روعه روعه روعه بمعنى الكلمه
والله ثم والله كرهت الويندوز وطايح من عيني بعد بس شنسوي مالنا قناتن عنه
اذا تبين اعلمج عليه ماعندي مانع ولا تبيعينه وفي منتدى خاص حق الماك والله ان اهمه الي علموني كل شي في هالماك
تخيلي اول ماشريته ماعرف شي غير المسنجر والسفاري بس وعقب لمن طحت على هالمنتدى علموني وااااايد اشياء
يزاهم الله خير
ومثل ماقلت لج لاتفكرين تبيعينه صدقيني بتحسفين واي شي تبين والله مستعده اعلمج عليه
فتح الباب 340
ReplyDeleteمن يزيد ؟
الغالية شوووش
ReplyDeleteمساء النوير
مبروووك دخول عالم الماك
:)
وصدقيني إن الماك أحسن ألف مرة من الويندوز...بس يبيلك وقت وبعدها راح تحسين بالفرق
نصيحة:شيلي نظام الويندوز واشتغلي بس على نظام الماك
Snow Leopard
وإذا ماتبين الجهاز أنا شراي
:)
شراي صج موغشمره....لأن الجهاز حلو ومايتطوف أبداااااااا
:))
شنو مواصفات اللي عندك؟
أهم شي يكون 13 انش والألمنيوم بودي ،،،، مو اللون الأبيض
نصيحة للمرة الثانية...الماك أفضل مليوووون مرة من الويندوز...واللي تمرين فيه حاليا سببه عدم معرفتك بنظام الماك
تقبلي مني أجمل وأرق التحايا المسائية
بيعيه وافتكي
ReplyDeleteوعوضج على الله
:)
لأن أهم شي تكون في ألفة بينا وبين الشغلة إللي نستخدمها
:)
انتي مو شريتيه؟
ReplyDeleteخلاص تعودي عليه وخلاص
بعد شنو
سوي ابد ديت حق مخج
لا تخليني اطلع لج من البلوق الحين
خلج مع التكنولوجيا
:)
:$
ReplyDeleteits obvious that you don't need a macbook !
some of the best thing that macbook have is the battery life,, its the best.
also if you are a programmer or web designer ,, mac would help you alot :)
the bottom-line ,,
just give yourself some time to get use to it.
good luck
اختي الكريمة كل فلس دفعتيه في الماك بوك ذهب في مكانه وانتي لم تسيئي الاختيار ابدا من المعروف بانه لاتوجد مقارنة بين الماك واي جهاز اخر فشركة ابل شركة متطورة جدا ومنتجاتها قوية وفاخرة ونظام التشغيل لديهم في منتهى الثبات والتطور بس انتي بكرة لما تتعلمي عليه وتتعودي عليه سوف تدركين الفرق الكبير
ReplyDeleteوكمان تقدري تنزلي على الماك ويندوز باستخدام برنامج
ReplyDeleteBootcamp
الملحق مع الماك بوك وبالتالي بيكون عندك ويندوز متركب على جهاز ماك سريع جدا عالي المواصفا ت فاخر وشيك
الفرق بين الماك واي جهاز اخر كالفرق مابين النور والظلام لايستويان