بالضبـــط
هذا شكل و جهي عقب ما أقرى الجرايد و أسمع الأخبار و أشوف المواضيع بالمدونات
إكتشفت إن إحنا شعــــب دعـــله
دعــله و مـــاصخ و دمــه بدى يصيــر ثقيــل
مثل الجاهل المدلل مفرط الحساسية .. إللي إن أحد قال له شي مد بوزه و زعل و كسر ألعابه
ما يعجبنا شي
على كل شي نتحلطم
كل شي نبي
ما نحترم أحد
على كل شي نحتج و نعتصم و نتظاهر
معاهم معاهم .. وراهم وراهم
نحب اللويه
بكل شي مدخلين روحنا
عبالنا محد يفهم الا إحنا
نحب نمسخر بعض
ما نستقــوى إلا على بعض
شمــــاته درجه أولى
مهنتنا التفلسف
نمــــوت على الشعـــارت
مهندسين حملات .. كل شي سوينا له حمله
أهل هبــــات و أتوقع آخر هبه اهي الصراخ و السب و التفلسف بالعلن
آنا ما أقـــول إلا اللــه يستــر عليـــنا من نفسنـــا
حفـــظ اللـــه الكويــت و شعبهــا من كـــل مكـــروه
كـــان معكـــم : شوش الوحيده ال مو دعله الكويتي
oo ana ba3aad weyach :)( mo de3lah )
ReplyDeleteكل هذي الدعالة و مو دعلة؟
ReplyDeleteو بعدين إذا انتي اللي بس مو دعلة يعني باجي أهلج دعل؟
انا اقول بالعكس ، كل الشعب بما فيهم أهلج ناس حلوين ونتي الوحيدة اللي دعلة تييب العلّة
:)
أي
ReplyDelete:)
كلامج 100% ماني متكلمة بالتفاصيل بس في امور غلط قاعدة تصير لازم يتغير الوضع للأحسن مو الأسوأ .. وأكيد مو بالصراخ والسب سواء العلني او السري !!
ReplyDeleteأتفق معاج بشغلة "الله يستر علينا و يحفظ ديرتنا من كل شر يارب ومن كل دعله"!!
مهندسة نص دعله
:)
الله يعني انتي الحين مو دعله
ReplyDelete:))
وسالفة الذمر من الكاميرا اللي صورتج وانتي رايحه ندوة المدونين بالمرينا
قعدتي اسبوع اتحنين علينا
Hamad
ReplyDelete======
no no no !
u need to prove it :)
Anonymous
ReplyDelete==========
يـــا آااااااااسي
:)
Mok
ReplyDelete===
أشكر صراحتك
:)
Engineera A
ReplyDelete============
:**
إنتي عسل .. معاي و نفسي .. مو دعله
أبو الدستور
ReplyDelete============
أول شي كانت مخالفة مباشره مو كاميرا
ثاني شي كنت راده من الندوه مو رايحه
قد أكوووون حنـــانه
بس دعله ؟؟ ما أضن
:)
eyaaaaaaanin el pooooooost :) ee wala e7naa oboo el d3aalaa
ReplyDeleteاعتقد انج فاهمة المسألة غلط
ReplyDeleteفي معلومة سمعتها بالراديو من د.صلاح الراشد
انهم عملوا دراسة ليش الشعب الكويتي كله يتحلطم ,الدراسة بينت انه سبب التحلطم مو لأنه الشعب مو عاجبه شي بل لأنه دايما يبحث عن الافضل
والافضل مو المقصود فيه الجانب الشخصي بل افضل طريقة ممكنة تعالج بها الامور في هذا البلد
زبدة الدراسة انه الشعب يتحلطم لأنه وده الكويت تكون احسن بلد , مو لأنه مو عاجبه شي بهذا البلد
هنووي
New Bride
ReplyDelete=========
glad u loved it :**
Anonymous
ReplyDelete==========
هنووووووي
:)
هذا مجرد رأيي الشخصي
و ما فيه فاهمه صح او غلط
بمنظوري لما الواحد يتطلب 24 ساعه و يبي و يبي و يبي و اي شي يسوون له يطلع فيه مليون عيب و ما يشكر و يحمد على اللي عنده إسمه تحلطهم
القناعه حلوه
:)
لوول يعني جذي انتي كلش مو قاعده تتحلطمين ومو عاجبج اي شي و تتشكين وتتذمرين من اللي قاعد يصير !!
ReplyDeleteبس ما اعتقد ممكن انه الشعب الكويتي ينطلق عليه مسمى دعله
في ناس وما تتواجد الا فالاماكن الصح تفهم وتعرف قيمه الشي وتقول الحمدلله على الخير والعافيه .. اما اسمحيلي اللي قاعد يطلع صوره الكويتين انهم اهل هبات
فهم الجيل الجديد اللي امهاتهم وابهاتهم ما عرفو يربونهم عدل ويعلمونهم الصح والخطأ .. الشي لما اشتريه مو معناته اتفاخر فيه بس بنفس الوقت ما يخليه بنفسه ويشوفه عند غيره واهوا خاطره وفيه وراعي امكانيه يقدر يشتريها او يمتلكها ..
مو عاجبهم شي .. والله الدوله دوله ديمقراطيه فيها حريه الكلمه كل من ماعجبه شي تكلم ونطق وقال يعجبني وما يعجبني وهم هذي مافيها شي
تقبل رأي الاخرين دليل على الثقافه والفهاميه مو ادعي اني انسان متطور وعندي قابليه لسماع رأي الاخرين حتى لو كان مبني على الخطأ او نوع من انواع التفلسف الزايد والتذمر اللي ماله معنى .. عادي كلام وينقال كن له خير مستمع باجر تلقين كلمتج ما تنزل القاع ..
اما التطنز والتهبل والاستخفاف بالاخرين والله هذا برايي يعود للشخص اللي سمح للشخص هذا يتطنز عليه ... اللي يحترم نفسه من الاول وما يتكلم الا عند الضروره ولما يشوف انسان اقل من مستوى تفكيره العقلي يضحك ويتطنز عليه ويقوله ألزم حدودك انا ما تعديك حريتك عشان تتعدى على حريتي .. هني محد راح يقدر يقولي حرفين على بعض ...
ومشكوره
احنا مو شعب دعلة
ReplyDeleteشعب مو عاجبة العجب صار هدفة التحلطم والمعارضة لة حتى على شرب الماي منو يشرب اول
:)
الدعله كلما ما تقدر توصفنا من كثر الدعاله اللي فينا
ReplyDeleteصدقتي خيتو في كل شي
الله يعينه على الياي :)
عجبتني المقالة
ReplyDeleteواحنا فعلا شعب دعله .. تدرين ليش ؟
لأنه على كلام د.صلاح الراشد .. دائماً نبحث عن الأفضل .. فقط للبحث والعلم بالشي لا للعمل به .. لو نعمل للأفضل اكثر من التحطلم .. كنا صرنا أحسن الشعوب ... مع العلم كل الشعوب تتحلطم وما يعجبها شي .. وهذا فعلا معناه انها تبحث عن الأفضل وتطمح له .. لكن الفرق اللي بينا وبينهم انهم يسعون له بالعمل الجاد والجماااااعي وعندهم يقين بأنا اليد الواحدة ما تصفق .. الله يحفظ دريتنا من كل الفتن والشرور .. لأنه بصراحه الواحد صار يخاف ويتشائم من الأوضاع الحالية السيئة واللي كلنا أمل انها تتحسن !!!
حبيبتي شكرا عالموضوع
ReplyDeleteأسلوبج إينن
وللأسف إحنا جذي
يعني خنكون واقعين وبلاتعصب
أنا اوافقج برايج
go on
^_^
al salamu alaikom... il jeel il yideed kharban.. w atwaqe3 hatha qadich bhal maqala ( w allahu a3lem)..
ReplyDeletebas madry laish 7as fee sukhriya (sarcasm) bhal maqala.. a shwayet tanaquth.
itha kitebtly hal maqala min gulb..fishelty.. itha kitebteeha as a form of sarcams (i.e. wa7da di3la ga3da tit7al6em) then all i can say is genius! =D
3la il 3umoom.. jazach allah khair.
احنا من قلب دعله
ReplyDeleteانا وغيري من هالناس
بس يا الله انك تعدل الحال لي حال افضل من هالحال