محكورة بالغرفه صارلي أربع أيام
عسى ما شافوا يدة باب داري تحركت إلا صرخوا
وااااااااااااااااااااااااي
دشي داخل
يمااااااااااااااااااااا
لا تطلعيـــــن
أوينــــــك أوينــــــك
بالله هذي اوينك اوينك شتبي؟؟؟
محسسيني إني ذبانه
مو بس ذبانه
ذبانه وصخه حتى ربعها الذبان ما يبونها
الله يالدنيا
يقولون اللي يمرض يدلعونه
وآنا أبوي يقول حق الدكتور ما تنومونها عندكم أحسن ؟؟؟؟
كل هذا خـــووووووووووووووف
الله كـــــريم
وين الحب و الحنان ؟؟ وين السابوووورت وين ؟؟
مو كفاية تخنزرنا ؟؟؟؟
نمت إحتياط لي ستعش سنه جدام
إستخدمت ثلاثتعش كرتون كلينكس في أربع أيام
صندوقين برتقال
أربع صناديق ليمون
ثلاث كراتين بنادول
جرايد الصباح و المساء حتى الوسيط قريتها
رتبت كبتي
رتبت كتبي حسب سنة الطبعه
طبعه يعني برنت مو طبعه الغرقه مالتكم
صلحت الدي في دي الخربان
قمت أخلط عطور
احط فرنسي فوقه عربي و أشوف شيطلع
يا سلام علي .. بصك على سيد جنيد
و أحسن شي إن معاشي نازل صارله خمس أيام و ما صرفت منه شي
ثاني أحسن شي إن بخلص الكتاب اللي قاعده أقراه
عجيـــــــــــــــب و الأساطير اللي فيه أعجب
بعطيكم فيه بوست من النوع الثقافي الفلسفي الشوشي قريبا
المهم
الإغنية القادمه إكتشافي وآنا محكورة بالغرفه
My latest addiction
حلوه
إللي ما يسمعها و يحبها و الله لأطلع له و أعطس بوجهه
ربعي و رفيجاتي المدونين و المدونات .. سامحوني ما أقدر أقرى بوستاتكم الشيقه و لا أعلق .. عندي مرضيه أسبوع .. كلش ما أعبر أجابل الشاشه و الله
:*
و شكرا لكل من دزلي رساله أو حط لي تعليق و تمنى لي بالشفا .. والي ما دعى لي إنشالله ياربي يتخ .. يتخخ .. ماني مكلمه
:)
سلامات وماتشوفين شر :)
ReplyDeleteما ادري حاشني احساس مو شي
ReplyDeleteاحس ان بوستك يعدي يا ساتر
ما تشوفين شر يوبا
المشكله بالانفلونزا العادية ان حتى قراية مالك خلق تصفح انترنت مالك خلق افلام بنص الفيلم تنامين
الله يعينك
سلامات ماتشوفين شر ، انا قريت هالبوست لبست كمام علطول ، بل
ReplyDeleteلووووووووووووووووووووول
ReplyDeleteوالله قاعد بالدوام مجابل شاشة الكمبيوتر و اضحك
وصفج عجيب للحالة اللي انتي فيها
مشكوورة على الضحكه
و سلامتج ان شالله و ماتشوفين شر
ازمه و تعدي
و اللي يقولج اوينك اوينك عطسي بويهه
و باجر هو يصير اوينك اوينك
تحياتي
ماتشوفين شر سلامات
ReplyDeleteياربي يخفف عنج
واي يا بعد قلبي قلبج
ReplyDelete!!
اشلون يخلونج بالدار؟
انا اذا مرضت اصير جني طراروه الحرم ،احوس انا وكفري على كبر البيت كل شوي متشرقده بمكان
وخل احد يقولي اشلونج
صيحت
قولي ليش؟
اكسر خاطر عمري
:))
فما حلاتي اصير مريضه ولا احب يخلوني ،مع ان السنع اهو وضعج الحالي انج تختلين بنفسج وتستفيدين من قعدتج ما شاء الله
بس باقي فجي واحد من هالمنتديات سوي خلطات ولقمطي بشرتج واستفيدي من القعده جان حمام زيت جان ماسك
:)))
حبيبيتي
الف لا باس عليج
وما تشوفين شر ان شاء الله
:*
يااا بعد بعدي انتي
ReplyDeleteيختج لا المدونات ولا الفيس بوك حلو من غيرج
اجر وعافية
:*
وااااي يمه لا تدشين البلوقر
ReplyDeleteأوينك اوينك
هههههههههههههههههههههه
يااااربي
ما تشوفين شر حبيبتي
عااااد ياحبني للتدلع حزة المرض
احس نفسي أصير دعلة على اللي حواليني
وكلوني
شربوني
غطوني
شيلوني
ما اقدر انا مريضه
بس انتي انتحاااار
مرضج معدي لا يبيح لك التدلعن
:P~
ارتاحي حبوبه
عشان تتشافين بسرعه
looooooool shfeeech za3lana inna m5aleenich broo7ech law ma sawaw chthee chan ma anjaztai kel hal enjazat el tha5mah :) ma tshoofeen shar
ReplyDeleteسلامات
ReplyDeleteما تشوفين شر
:*
ماتشوفين شر يارب
ReplyDeleteوطمنينا عليج
بس شدعوه جذي مكبرين المسأله
لا لا صج فقدتج ..
ReplyDeleteماتشوفين شــر
ma thofeen shar allah yesahel 3alaich inshallah .. kilha cham yoom o teftakain o terj3een shosha ely n3arfha :P .. bs ma awa9eech hallah hallah bly ma'atheench hathi ur golden chance :D
ReplyDeleteماتشوفين شر ياشوشو
ReplyDeleteاحب طريقتج بالكتابه
حركاااااات
ههههههههههههه
ReplyDeleteلااااا سلااااماااات ما تشوووفين شرررر
أجر وعافية أنشالله
:)
أنا من جم أسبوع حاشت ولدي ،،، فنحكرت معاه بالبيت
تم أخلاء البيت بأكمله ههههههههه
بس أنا وولدي والخدم ،،، والجماعه كلهم راحوا وسكنوا الشاليه
:)
قصوا علينا وعطوني التامي فلوو ١٠ أيام
يقولون هذا أجراء أحترازي ،،، يمكن أكون حامله الفايروس
أقوووول ما عجبتني الأغنية
باااااااااااااي
هههههههههههههههههه
:)
قبيييت قبل ما تكحين بويهي
:)
ما تشوفين شر ان شاء الله ..
ReplyDeleteسلامات ، ما قالولج متى تصيرين زينه ؟
يعني هالحاله شكثر بتستمر ؟
ماتشوفين شر
ReplyDeleteاجر وعافية انشاء الله
الله يقومج بالسلامة انشاء الله
ردة فعل ابوج مثل ابوي وايد يخافون على اعمارهم ومن صجه يعصب اذا قلناله ليش خايف
:)
الحجر الصحي مشكلة
ReplyDeleteبس عجبتني طريقتج في استغلال الوقت
سلامات وما تشوفين شر
أجر وعافية
:)
Salamat ma tshofen shar
ReplyDelete7abeeeeeebti matshofeen shar inshala ili mani gayla meen :**
ReplyDeleteأهلا أهلا
ReplyDeleteالحمدالله خفيت
عالأليله الحراره راحت
باجي الكحه بس
مشكورين كلكم
و اللي وله علي آنا ولهت عليه أكثر
والله يكافيكم الشر و المرض
:***