ماني متكلمه عن الندوه
بس في شي لازم صفاة و القائمين عليها يعرفونه
و آنا طالعة من الندوة .. و بالتحديد عند إشارة المرينا
وقفتني دورية
نادوني بالسبيكر مالهم و صفطوني يمين
و خالفوني
مخالفة قيمتها 50 دينار
ألحين بتقولون ليش خالفتج الدوريه
آنا طفت الإشارة الحمرا .. بس والله و بالله مو قاصده
تعرفون الوضع إلي .. هااا ؟؟؟ أمشي و لا أوقف ؟؟؟ إلي قرارك بالحالتين غلط ؟؟؟
إلي تكون مسرع و على حظك الإشارة تقلب حمرا ؟؟؟
هذا كان وضعي
ومن رداة حظي الإشارة إلي يدامي بالتقاطع أول سياره فيها دورية
بس ما انتبهت لها إلا عقب ما طفت
مو دورية صغيره !! دورية جمس بعد
المهم ما علينا
أنا أطالب صفاة إنهم يدفعون مخالفتي
بتقولون ليش ؟؟؟
آنا أقولكم
لأنكم لو تحللون السالفة و تردون لي جذور المخالفة بتعرفون إن صفاة المتسبب الأول فيها و بالتالي وجب على صفاة دفع المخالفة
يعني لو آنا مو مجتهده جان ما رحت الندوة
صح ؟؟
بس آنا مجتهده .. و أحب صفاة .. و رحت علشان خاطرهم الندوة و رديت محملة بمخالفة
بالله آنا جم 50 دينار بمعاشي يعني ؟؟؟
يعني لو آنا مو رايحة و قاعدة بالبيت جان محد خالفني
المهم
آنا أناشد كل إخواني و أخواتي المدونين و المدونات
و خصوصا إلي حضروا الندوه
يساعدوني و ينضمون لي في حملة
إدفعــــها
و بميزان أعمالكم إنشالله
:)
نسوي قطيه أوكي؟
ReplyDeleteوأنا أفتح الباب
ربع دينار
:p
وأهل الكويت ما يقصرون
:D
Abdullah
ReplyDelete=========
مابي قطية
إما صفاة و إلا فلا
:)
خمسين دينار علشان طايفة الاشارة ؟
ReplyDeleteحمدي ربج انها 50 دينار المفروض سجن
Frankom
ReplyDelete========
ولييييييييييييييين
قلنا بالغلط
!!!!!
بعدين الإشارة كات برتقاليه محمره
توها ها ها ها قالبه
انا ارفض هذه الحملة اللي راح تتسبب في هدر المال العام..
ReplyDeleteانتي الغلطانة والقانون ما يحمي المدونين!!
مناشدة يا شوشو مرة ثانية تعالي بقاري احسن
وعلشان لا تقولين اني بخيل
باجي في بوكي ربع دينار خرده تبينهم ولا اشتري فيهم 5 قواطي سانكيست!!
كاريكاتير .. من قال أبي منك ؟؟ أنا مابي لا منك ولا من غيرك .. أعيد و أكرر أما صفاة وإلا فلا فلا فلا
ReplyDeleteحمد الله على السلامه
ReplyDelete...
انا قاعد اعطيها كب داير على المدونات ابي اشوف شصار على الندوه
ماكو شي اسمه مو قصدي اطوف الاشارة والقانون لا يحمي المدونين الله يسلمج ... العقوبه اكبر بالتأكيد ولكن الغرامة خمسين دينار لأنج طفتي الاشارة مو مع سبق الاصرار والترصد
ReplyDeleteالحمدلله على السلامة
لا حول الله
ReplyDeleteألحين كلكم هديتوا سالفة ال 50 إلي أهيا أساس البوست و مسكتولي سالفة الإشارة
!!!!!!
يبا ما طفت الإشاره !! الإشاره طافتني زيــــــن ؟؟؟؟
يا جماعة توها توها قالبه حمره .. يعني نص طوفتي للإشارة كانت صفرة و النص الثاني حمره
الإشارة مطفوقه آنا شكو
حاطب ليل
=========
تبي موجز ؟؟
معمعه
ReplyDelete======
يا آسي
يبا لما طفت إشارة التقاطع الي يدامي توها ما شبت
الله يسلمك
:)
انا للاسف ما رحت
ReplyDeleteجم ادفع ؟
عندك سلف اربع دنانير و ستميه و ثلاثين فلس
ReplyDeleteفريج سعود
ReplyDelete=========
هممممممم
جم عندك ؟؟؟
Enter-Q8
ReplyDelete=========
أولللللللللللللله
أربع دنانير مره وحده
:(
ما عندي
تدش جمعيه آنا وياك ؟؟
دينارين إنت و دينارين آنا و كل واحد ياخذ اربعه
دام محتاج آنا متنازله عن دوري
انت تاخذ الجمعيه أول واحد
شر البلية ... ضحكني :)))
ReplyDeleteعيل انا وقفت لي اسعاااف ..
كنت صافطة عند ماكدونالد.. قلتلهم قاعدة اتكلم تلفون يعني شتبون؟ تبوني اتخالف بشارع البحر ؟
زين صفطني مشبوهة... الاسعاف شكو؟ .. صج لقافة كويتيين
هذي الندوة موديلها بس تصفط الاوادم بالشارع!!
واضح ان ويه الندوة قبسة عليج
حاربيهم... لا تروحين لهم مرة ثانية
لازم المدونين يسوون لج جمعية ويدفعون مخالفتج
:)
الغالية
ReplyDeleteSHOOSH
صباح النوير
خطاك السو..والحمدلله إنها على مخالفة وبس
وبكره بنروح لمطقوق نطلب منه يدفع الخمسن
;p
لك مني وافر الاحترام والمودة
لو داعمة بنغالي جان قلنامو مشكلة ندفع الخمسين عنج، بس طايفة الاشارة.. هذي فيهااعدام
ReplyDeleteالصفاة دفع الغرامة، وباجر راح نطلب من المخفر يكتبج تعهد بعدم التعرض لنا
شكرا و تحياتي
هههههه
ReplyDeleteادفعها
في ظل هالاوضاع
ازمها احسن
تامرين امر
اولا مو خمسين 250 دينار
ReplyDeleteثانيا
المتسبب انتي مو الصفاة لانه انتي الي تحبين تسمعين كلامهم اهم شكو؟؟؟
(محامي الصفاة)
Aseel
ReplyDelete======
الإسعاف اهون
الدورية الجمس كان شكلها مريب
:)
شقران
ReplyDelete======
الغالي شقران
صباح الورد
:)
المهم ال 50 تندفع
و الأهم إن صفاة يدفعونها
غلطتهم يا أخي
Exzombie
ReplyDelete========
أكتب تعهد و ما أكتبش لييه ؟؟؟
:)
جبريت
ReplyDelete======
إنت محامي أقشر
أبو الدستور
ReplyDelete============
إنت كمان ؟؟؟
:(
ألحين خمسينتي أزمتكم جذي
الغلطه منج ماعرفتي تردين على الشرطي
ReplyDeleteجان قلتي له اطوف اشاره مافيها احد ولا اكع بريك اقلب السياره ويصير شي كبير لاسمح الله
خطاج السو
ReplyDelete:)
المباركيه
ReplyDelete==========
انت لو شايف شكل الشرطي اللي خالفني جان غيرت أقوالك
:)
Salah
ReplyDelete======
خطاك اللاش
:)
طفتي نص اشارة
ReplyDeleteيعني المفروض تدفعين ٢٥ مو خمسين
اصلا انتي المفروض ما تدفعين... لانج ما كنتي تبين تطوفين الاشارة
وترى الاعمال بالنيات
وانسي سالفة المخالفة
لا تخلينها عنصر تازيم بينج وبين صفاة
مادري ليش تذكرت الشرطي اللي بمسلسل بوقتادة وبونبيل
انا ما عندي قيمر... وجبن معجف.. وبقصم
الا ليش ما دقيتي على طويل العمر
:)
للاسف انا مارحت الندوة
الشغل ذبحني
انشالله المرة الجاية اكيد راح اكون موجود
الا اقولج. طافني شي؟
Addictioneer
ReplyDelete=============
همممممممممممممممم
باد بخت ..
ReplyDeleteوانا قبل الندوة قلت اروح اكل لقمة توصخت دشداشتي ..
اضطريت اشتري جينز وتي شيرت وابدل بالمحل واحضر ..
أطالب ايضا بسعر الملابس اليديدة والمصبغة للدشداشة مع تعويض عن الضرر النفسي :)
وبصفط يمج لين تتحقق مطالبنا العادلة :))
أحمد الحيدر
ReplyDelete===========
أنصحك تعلق دشداشتك يم مخالفتي